האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
ה' מזמן את מדי ופרס להחריב את בבל תוכן הפרק: ה' מזמן את מדי ופרס ככלי זעמו, וצבאם בא מארץ רחוקה על בבל (רש"י ורד"ק, פסוקים א-ה). יום ה' קרוב, יושבי בבל נבהלים, והמאורות חשכים בעיניהם מרוב הצרה (רש"י, פסוקים ו-יג). הנכרים בורחים, ומדי הורגים ואינם מקבלים כופר (רד"ק, פסוקים יד-יח). בבל תיהפך כסדום ועמורה ותהיה משכן לחיות המדבר (רד"ק, פסוקים יט-כב).
א. מַשָּׂ֖א בָּבֶ֑ל אֲשֶׁ֣ר חָזָ֔ה יְשַֽׁעְיָ֖הוּ בֶּן־אָמֽוֹץ׃
ב. עַ֤ל הַר־נִשְׁפֶּה֙ שְֽׂאוּ־נֵ֔ס הָרִ֥ימוּ ק֖וֹל לָהֶ֑ם הָנִ֣יפוּ יָ֔ד וְיָבֹ֖אוּ פִּתְחֵ֥י נְדִיבִֽים׃
ג. אֲנִ֥י צִוֵּ֖יתִי לִמְקֻדָּשָׁ֑י גַּ֣ם קָרָ֤אתִי גִבּוֹרַי֙ לְאַפִּ֔י עַלִּיזֵ֖י גַּאֲוָתִֽי׃
ד. ק֥וֹל הָמ֛וֹן בֶּהָרִ֖ים דְּמ֣וּת עַם־רָ֑ב ק֠וֹל שְׁא֞וֹן מַמְלְכ֤וֹת גּוֹיִם֙ נֶאֱסָפִ֔ים יְהֹוָ֣ה צְבָא֔וֹת מְפַקֵּ֖ד צְבָ֥א מִלְחָמָֽה׃
ה. בָּאִ֛ים מֵאֶ֥רֶץ מֶרְחָ֖ק מִקְצֵ֣ה הַשָּׁמָ֑יִם יְהֹוָה֙ וּכְלֵ֣י זַעְמ֔וֹ לְחַבֵּ֖ל כׇּל־הָאָֽרֶץ׃ ס
הילילו כי קרוב יום ה'
ו. הֵילִ֕ילוּ כִּ֥י קָר֖וֹב י֣וֹם יְהֹוָ֑ה כְּשֹׁ֖ד מִשַּׁדַּ֥י יָבֽוֹא׃
ז. עַל־כֵּ֖ן כׇּל־יָדַ֣יִם תִּרְפֶּ֑ינָה וְכׇל־לְבַ֥ב אֱנ֖וֹשׁ יִמָּֽס׃
ח. וְֽנִבְהָ֓לוּ צִירִ֤ים וַחֲבָלִים֙ יֹֽאחֵז֔וּן כַּיּוֹלֵדָ֖ה יְחִיל֑וּן אִ֤ישׁ אֶל־רֵעֵ֙הוּ֙ יִתְמָ֔הוּ פְּנֵ֥י לְהָבִ֖ים פְּנֵיהֶֽם׃
ט. הִנֵּ֤ה יוֹם־יְהֹוָה֙ בָּ֔א אַכְזָרִ֥י וְעֶבְרָ֖ה וַחֲר֣וֹן אָ֑ף לָשׂ֤וּם הָאָ֙רֶץ֙ לְשַׁמָּ֔ה וְחַטָּאֶ֖יהָ יַשְׁמִ֥יד מִמֶּֽנָּה׃
י. כִּֽי־כוֹכְבֵ֤י הַשָּׁמַ֙יִם֙ וּכְסִ֣ילֵיהֶ֔ם לֹ֥א יָהֵ֖לּוּ אוֹרָ֑ם חָשַׁ֤ךְ הַשֶּׁ֙מֶשׁ֙ בְּצֵאת֔וֹ וְיָרֵ֖חַ לֹא־יַגִּ֥יהַּ אוֹרֽוֹ׃
יא. וּפָקַדְתִּ֤י עַל־תֵּבֵל֙ רָעָ֔ה וְעַל־רְשָׁעִ֖ים עֲוֺנָ֑ם וְהִשְׁבַּתִּי֙ גְּא֣וֹן זֵדִ֔ים וְגַאֲוַ֥ת עָרִיצִ֖ים אַשְׁפִּֽיל׃
יב. אוֹקִ֥יר אֱנ֖וֹשׁ מִפָּ֑ז וְאָדָ֖ם מִכֶּ֥תֶם אוֹפִֽיר׃
יג. עַל־כֵּן֙ שָׁמַ֣יִם אַרְגִּ֔יז וְתִרְעַ֥שׁ הָאָ֖רֶץ מִמְּקוֹמָ֑הּ בְּעֶבְרַת֙ יְהֹוָ֣ה צְבָא֔וֹת וּבְי֖וֹם חֲר֥וֹן אַפּֽוֹ׃
יד. וְהָיָה֙ כִּצְבִ֣י מֻדָּ֔ח וּכְצֹ֖אן וְאֵ֣ין מְקַבֵּ֑ץ אִ֤ישׁ אֶל־עַמּוֹ֙ יִפְנ֔וּ וְאִ֥ישׁ אֶל־אַרְצ֖וֹ יָנֽוּסוּ׃
טו. כׇּל־הַנִּמְצָ֖א יִדָּקֵ֑ר וְכׇל־הַנִּסְפֶּ֖ה יִפּ֥וֹל בֶּחָֽרֶב׃
טז. וְעֹלְלֵיהֶ֥ם יְרֻטְּשׁ֖וּ לְעֵינֵיהֶ֑ם יִשַּׁ֙סּוּ֙ בָּתֵּיהֶ֔ם וּנְשֵׁיהֶ֖ם (תשגלנה) [תִּשָּׁכַֽבְנָה]׃
הנני מעיר עליהם את מדי
יז. הִנְנִ֛י מֵעִ֥יר עֲלֵיהֶ֖ם אֶת־מָדָ֑י אֲשֶׁר־כֶּ֙סֶף֙ לֹ֣א יַחְשֹׁ֔בוּ וְזָהָ֖ב לֹ֥א יַחְפְּצוּ־בֽוֹ׃
יח. וּקְשָׁת֖וֹת נְעָרִ֣ים תְּרַטַּ֑שְׁנָה וּפְרִי־בֶ֙טֶן֙ לֹ֣א יְרַחֵ֔מוּ עַל־בָּנִ֖ים לֹא־תָח֥וּס עֵינָֽם׃
יט. וְהָיְתָ֤ה בָבֶל֙ צְבִ֣י מַמְלָכ֔וֹת תִּפְאֶ֖רֶת גְּא֣וֹן כַּשְׂדִּ֑ים כְּמַהְפֵּכַ֣ת אֱלֹהִ֔ים אֶת־סְדֹ֖ם וְאֶת־עֲמֹרָֽה׃
כ. לֹא־תֵשֵׁ֣ב לָנֶ֔צַח וְלֹ֥א תִשְׁכֹּ֖ן עַד־דּ֣וֹר וָד֑וֹר וְלֹא־יַהֵ֥ל שָׁם֙ עֲרָבִ֔י וְרֹעִ֖ים לֹא־יַרְבִּ֥צוּ שָֽׁם׃
כא. וְרָבְצוּ־שָׁ֣ם צִיִּ֔ים וּמָלְא֥וּ בָתֵּיהֶ֖ם אֹחִ֑ים וְשָׁ֤כְנוּ שָׁם֙ בְּנ֣וֹת יַעֲנָ֔ה וּשְׂעִירִ֖ים יְרַקְּדוּ־שָֽׁם׃
כב. וְעָנָ֤ה אִיִּים֙ בְּאַלְמְנוֹתָ֔יו וְתַנִּ֖ים בְּהֵ֣יכְלֵי עֹ֑נֶג וְקָר֤וֹב לָבוֹא֙ עִתָּ֔הּ וְיָמֶ֖יהָ לֹ֥א יִמָּשֵֽׁכוּ׃
א. מַשָּׂ֖א בָּבֶ֑ל נבואת הפורענות שעתידה על בבל1 אֲשֶׁ֣ר חָזָ֔ה יְשַֽׁעְיָ֖הוּ בֶּן־אָמֽוֹץ׃ על בבל, שהחריבה את אשור2
ב. עַ֤ל הַר־נִשְׁפֶּה֙ שְֽׂאוּ־נֵ֔ס על הר גבוה3 הָרִ֥ימוּ ק֖וֹל לָהֶ֑ם לצבאות מדי ופרס4 הָנִ֣יפוּ יָ֔ד לרחוקים, שאינם שומעים את הקול5 וְיָבֹ֖אוּ פִּתְחֵ֥י נְדִיבִֽים׃ בפתחי שרי בבל6
ג. אֲנִ֥י צִוֵּ֖יתִי לִמְקֻדָּשָׁ֑י פרס ומדי, שזימנתי אותם לכך7 גַּ֣ם קָרָ֤אתִי גִבּוֹרַי֙ לְאַפִּ֔י לעשות בבבל את חרוני8 עַלִּיזֵ֖י גַּאֲוָתִֽי׃ שמחים שאני מתגאה על בבל על ידם9
ד. ק֥וֹל הָמ֛וֹן בֶּהָרִ֖ים שהנביא שומע בנבואה מרחוק10 דְּמ֣וּת עַם־רָ֑ב ק֠וֹל שְׁא֞וֹן מַמְלְכ֤וֹת גּוֹיִם֙ נֶאֱסָפִ֔ים הם מלכי מדי ופרס, שהתחברו על בבל11 יְהֹוָ֣ה צְבָא֔וֹת מְפַקֵּ֖ד צְבָ֥א מִלְחָמָֽה׃ והוא כשר צבא המונה את אנשיו1213
ה. בָּאִ֛ים מֵאֶ֥רֶץ מֶרְחָ֖ק מן המזרח14 מִקְצֵ֣ה הַשָּׁמָ֑יִם כאילו קצה הארץ נוגע בשמים15 יְהֹוָה֙ וּכְלֵ֣י זַעְמ֔וֹ גבורי מדי ופרס הם כלי זעמו16 לְחַבֵּ֖ל כׇּל־הָאָֽרֶץ׃ ס של בבל17
ו. הֵילִ֕ילוּ יושבי בבל18 כִּ֥י קָר֖וֹב י֣וֹם יְהֹוָ֑ה ולא במקרה19 כְּשֹׁ֖ד מִשַּׁדַּ֥י יָבֽוֹא׃ כיום של ביזה, הבא מאת הקדוש ברוך הוא ואין להינצל ממנו20
ז. עַל־כֵּ֖ן כי אין להינצל מאת ה'21 כׇּל־יָדַ֣יִם תִּרְפֶּ֑ינָה הידיים של יושבי בבל כולם22 וְכׇל־לְבַ֥ב אֱנ֖וֹשׁ יִמָּֽס׃ ואין בו אומץ23
ח. וְֽנִבְהָ֓לוּ צִירִ֤ים וַחֲבָלִים֙ יֹֽאחֵז֔וּן ייסורי היולדת, שצירי בטנה נפתחים24 כַּיּוֹלֵדָ֖ה יְחִיל֑וּן אִ֤ישׁ אֶל־רֵעֵ֙הוּ֙ יִתְמָ֔הוּ על הצובאים עליהם, שמראיהם משונים25 פְּנֵ֥י לְהָבִ֖ים פְּנֵיהֶֽם׃ של האויבים, צהובים ומאיימים [ב. הנבהלים, אדומים מבושה26]27
ט. הִנֵּ֤ה יוֹם־יְהֹוָה֙ בָּ֔א מיד, בלי שיתאחר28 אַכְזָרִ֥י וְעֶבְרָ֖ה וַחֲר֣וֹן אָ֑ף העברה משחיתה גם את מי שלא חטא29 לָשׂ֤וּם הָאָ֙רֶץ֙ לְשַׁמָּ֔ה ארץ בבל30 וְחַטָּאֶ֖יהָ יַשְׁמִ֥יד מִמֶּֽנָּה׃ יושביה החוטאים31
י. כִּֽי־כוֹכְבֵ֤י הַשָּׁמַ֙יִם֙ וּכְסִ֣ילֵיהֶ֔ם לֹ֥א יָהֵ֖לּוּ אוֹרָ֑ם לבני בבל, כיושבים בחושך [ב. לא ישפיעו על בבל32]33 חָשַׁ֤ךְ הַשֶּׁ֙מֶשׁ֙ בְּצֵאת֔וֹ מתוך צרתם ייראה להם כאילו חשכה34 וְיָרֵ֖חַ לֹא־יַגִּ֥יהַּ אוֹרֽוֹ׃ ובלילה לא יחזיר אור שמש35
יא. וּפָקַדְתִּ֤י עַל־תֵּבֵל֙ רָעָ֔ה תבל היא ארצם, ארץ בבל [ב. על כל העולם36]37 וְעַל־רְשָׁעִ֖ים עֲוֺנָ֑ם הכשדים, שהרעו לישראל38 וְהִשְׁבַּתִּי֙ גְּא֣וֹן זֵדִ֔ים וְגַאֲוַ֥ת עָרִיצִ֖ים אַשְׁפִּֽיל׃ הם שרי בבל, ואף המון העם שהתגאו39
יב. אוֹקִ֥יר אֱנ֖וֹשׁ מִפָּ֑ז שמדי לא יקבלו זהב בפדיונו [ב. אכבד את דניאל40]41 וְאָדָ֖ם מִכֶּ֥תֶם אוֹפִֽיר׃ והגדול במעלה יקר עוד יותר42
יג. עַל־כֵּן֙ כי לא יינצלו בשום ממון43 שָׁמַ֣יִם אַרְגִּ֔יז כל צבאם ירגז, תחילה למעלה44 וְתִרְעַ֥שׁ הָאָ֖רֶץ מִמְּקוֹמָ֑הּ ויושביה ירעשו לקול מפלתה45 בְּעֶבְרַת֙ יְהֹוָ֣ה צְבָא֔וֹת וּבְי֖וֹם חֲר֥וֹן אַפּֽוֹ׃
יד. וְהָיָה֙ הנכרי שבבבל46 כִּצְבִ֣י מֻדָּ֔ח שהרודפים הבריחוהו ממעונו47 וּכְצֹ֖אן וְאֵ֣ין מְקַבֵּ֑ץ המפוזרות מעדרן48 אִ֤ישׁ אֶל־עַמּוֹ֙ יִפְנ֔וּ וְאִ֥ישׁ אֶל־אַרְצ֖וֹ יָנֽוּסוּ׃ יצאו בחיפזון, ולא ישובו עוד49
טו. כׇּל־הַנִּמְצָ֖א יִדָּקֵ֑ר מי שנמצא בחוץ, מחוץ למצור50 וְכׇל־הַנִּסְפֶּ֖ה יִפּ֥וֹל בֶּחָֽרֶב׃ שנקלט במצור [ב. מי שהגיע זמנו51]52
טז. וְעֹלְלֵיהֶ֥ם יְרֻטְּשׁ֖וּ לְעֵינֵיהֶ֑ם יתבקעו אל הקירות, ואין בידם למחות53 יִשַּׁ֙סּוּ֙ בָּתֵּיהֶ֔ם יבוזו54 וּנְשֵׁיהֶ֖ם (תשגלנה) [תִּשָּׁכַֽבְנָה]׃ לעיני בעליהן, ואחר כך יהרגום55
יז. הִנְנִ֛י מֵעִ֥יר עֲלֵיהֶ֖ם אֶת־מָדָ֑י דריוש המדי, שהרג את בלשאצר56 אֲשֶׁר־כֶּ֙סֶף֙ לֹ֣א יַחְשֹׁ֔בוּ לפדיון נפש57 וְזָהָ֖ב לֹ֥א יַחְפְּצוּ־בֽוֹ׃ אינם חוששים אלא להרוג ולהינקם על רעת מלכי בבל58
יח. וּקְשָׁת֖וֹת נְעָרִ֣ים תְּרַטַּ֑שְׁנָה קשתות מדי יבקעו נערי בבל [ב. בנערים עצמם, במקום חצים59]60 וּפְרִי־בֶ֙טֶן֙ לֹ֣א יְרַחֵ֔מוּ עוללים דקים61 עַל־בָּנִ֖ים לֹא־תָח֥וּס עֵינָֽם׃ אף על הגדולים, שראויים לעבדים62
יט. וְהָיְתָ֤ה בָבֶל֙ צְבִ֣י מַמְלָכ֔וֹת שהיתה ראש הממלכות63 תִּפְאֶ֖רֶת גְּא֣וֹן כַּשְׂדִּ֑ים שהכשדים התפארו בה, ועתה64 כְּמַהְפֵּכַ֣ת אֱלֹהִ֔ים אֶת־סְדֹ֖ם וְאֶת־עֲמֹרָֽה׃ בשנה השנייה אחרי שהרג דריוש את בלשאצר65
כ. לֹא־תֵשֵׁ֣ב לָנֶ֔צַח בקביעות66 וְלֹ֥א תִשְׁכֹּ֖ן עַד־דּ֣וֹר וָד֑וֹר ואף לא דרך עראי67 וְלֹא־יַהֵ֥ל שָׁם֙ עֲרָבִ֔י לא יפרוש שם אוהל, אף שדרכו לנדוד68 וְרֹעִ֖ים לֹא־יַרְבִּ֥צוּ שָֽׁם׃ את צאנם, כי אין שם מרעה69
כא. וְרָבְצוּ־שָׁ֣ם צִיִּ֔ים חיות המדבר, במקום הצאן70 וּמָלְא֥וּ בָתֵּיהֶ֖ם אֹחִ֑ים מין קוף [ב. מין עוף71]72 וְשָׁ֤כְנוּ שָׁם֙ בְּנ֣וֹת יַעֲנָ֔ה וּשְׂעִירִ֖ים יְרַקְּדוּ־שָֽׁם׃ השעירים הם שדים, במקום ילדים המרקדים73
כב. וְעָנָ֤ה אִיִּים֙ בְּאַלְמְנוֹתָ֔יו יצעקו חתולים בחדרי הארמון74 וְתַנִּ֖ים בְּהֵ֣יכְלֵי עֹ֑נֶג יצעקו באולם, שהתענגו בו75 וְקָר֤וֹב לָבוֹא֙ עִתָּ֔הּ עת חורבנה76 וְיָמֶ֖יהָ לֹ֥א יִמָּשֵֽׁכוּ׃ ימי טובתה, כי לשבעים שנה הובטחו ישראל77