האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
ה' מוכיח את בית יעקב על שבועת שקר וקשיות לב תוכן הפרק: הנביא מוכיח את בית יעקב, הנשבעים בה' לא באמת, ומלמד שלא בצדקתם ייגאלו (שד"ל, פסוקים א-ב). ה' הגיד את הראשונות מראש מפני קשיות לבם, ומאריך אפו למען שמו (רש"י, פסוקים ג-יא). ה', הראשון והאחרון, שולח את כורש להחריב את בבל (רש"י, פסוקים יב-טז). אילו הקשיבו היה שלומם כנהר. עתה יצאו מבבל ברינה, ולרשעים אין שלום (רד"ק, פסוקים יז-כב).
א. שִׁמְעוּ־זֹ֣את בֵּֽית־יַעֲקֹ֗ב הַנִּקְרָאִים֙ בְּשֵׁ֣ם יִשְׂרָאֵ֔ל וּמִמֵּ֥י יְהוּדָ֖ה יָצָ֑אוּ הַֽנִּשְׁבָּעִ֣ים בְּשֵׁ֣ם יְהֹוָ֗ה וּבֵאלֹהֵ֤י יִשְׂרָאֵל֙ יַזְכִּ֔ירוּ לֹ֥א בֶאֱמֶ֖ת וְלֹ֥א בִצְדָקָֽה׃
ב. כִּֽי־מֵעִ֤יר הַקֹּ֙דֶשׁ֙ נִקְרָ֔אוּ וְעַל־אֱלֹהֵ֥י יִשְׂרָאֵ֖ל נִסְמָ֑כוּ יְהֹוָ֥ה צְבָא֖וֹת שְׁמֽוֹ׃ ס
הראשונות מאז הגדתי
ג. הָרִֽאשֹׁנוֹת֙ מֵאָ֣ז הִגַּ֔דְתִּי וּמִפִּ֥י יָצְא֖וּ וְאַשְׁמִיעֵ֑ם פִּתְאֹ֥ם עָשִׂ֖יתִי וַתָּבֹֽאנָה׃
ד. מִדַּעְתִּ֕י כִּ֥י קָשֶׁ֖ה אָ֑תָּה וְגִ֤יד בַּרְזֶל֙ עׇרְפֶּ֔ךָ וּמִצְחֲךָ֖ נְחוּשָֽׁה׃
ה. וָאַגִּ֤יד לְךָ֙ מֵאָ֔ז בְּטֶ֥רֶם תָּב֖וֹא הִשְׁמַעְתִּ֑יךָ פֶּן־תֹּאמַר֙ עׇצְבִּ֣י עָשָׂ֔ם וּפִסְלִ֥י וְנִסְכִּ֖י צִוָּֽם׃
ו. שָׁמַ֤עְתָּֽ חֲזֵה֙ כֻּלָּ֔הּ וְאַתֶּ֖ם הֲל֣וֹא תַגִּ֑ידוּ הִשְׁמַעְתִּ֤יךָ חֲדָשׁוֹת֙ מֵעַ֔תָּה וּנְצֻר֖וֹת וְלֹ֥א יְדַעְתָּֽם׃
ז. עַתָּ֤ה נִבְרְאוּ֙ וְלֹ֣א מֵאָ֔ז וְלִפְנֵי־י֖וֹם וְלֹ֣א שְׁמַעְתָּ֑ם פֶּן־תֹּאמַ֖ר הִנֵּ֥ה יְדַעְתִּֽין׃
ח. גַּ֣ם לֹֽא־שָׁמַ֗עְתָּ גַּ֚ם לֹ֣א יָדַ֔עְתָּ גַּ֕ם מֵאָ֖ז לֹא־פִתְּחָ֣ה אׇזְנֶ֑ךָ כִּ֤י יָדַ֙עְתִּי֙ בָּג֣וֹד תִּבְגּ֔וֹד וּפֹשֵׁ֥עַ מִבֶּ֖טֶן קֹ֥רָא לָֽךְ׃
למעני למעני אעשה
ט. לְמַ֤עַן שְׁמִי֙ אַאֲרִ֣יךְ אַפִּ֔י וּתְהִלָּתִ֖י אֶחֱטׇם־לָ֑ךְ לְבִלְתִּ֖י הַכְרִיתֶֽךָ׃
י. הִנֵּ֥ה צְרַפְתִּ֖יךָ וְלֹ֣א בְכָ֑סֶף בְּחַרְתִּ֖יךָ בְּכ֥וּר עֹֽנִי׃
יא. לְמַעֲנִ֧י לְמַעֲנִ֛י אֶעֱשֶׂ֖ה כִּ֣י אֵ֣יךְ יֵחָ֑ל וּכְבוֹדִ֖י לְאַחֵ֥ר לֹא־אֶתֵּֽן׃ פ
אני ראשון אף אני אחרון
יב. שְׁמַ֤ע אֵלַי֙ יַֽעֲקֹ֔ב וְיִשְׂרָאֵ֖ל מְקֹרָאִ֑י אֲנִי־הוּא֙ אֲנִ֣י רִאשׁ֔וֹן אַ֖ף אֲנִ֥י אַחֲרֽוֹן׃
יג. אַף־יָדִי֙ יָ֣סְדָה אֶ֔רֶץ וִימִינִ֖י טִפְּחָ֣ה שָׁמָ֑יִם קֹרֵ֥א אֲנִ֛י אֲלֵיהֶ֖ם יַעַמְד֥וּ יַחְדָּֽו׃
יד. הִקָּבְצ֤וּ כֻלְּכֶם֙ וּֽשְׁמָ֔עוּ מִ֥י בָהֶ֖ם הִגִּ֣יד אֶת־אֵ֑לֶּה יְהֹוָ֣ה אֲהֵב֔וֹ יַעֲשֶׂ֤ה חֶפְצוֹ֙ בְּבָבֶ֔ל וּזְרֹע֖וֹ כַּשְׂדִּֽים׃
טו. אֲנִ֥י אֲנִ֛י דִּבַּ֖רְתִּי אַף־קְרָאתִ֑יו הֲבִאֹתִ֖יו וְהִצְלִ֥יחַ דַּרְכּֽוֹ׃
טז. קִרְב֧וּ אֵלַ֣י שִׁמְעוּ־זֹ֗את לֹ֤א מֵרֹאשׁ֙ בַּסֵּ֣תֶר דִּבַּ֔רְתִּי מֵעֵ֥ת הֱיוֹתָ֖הּ שָׁ֣ם אָ֑נִי וְעַתָּ֗ה אֲדֹנָ֧י יֱהֹוִ֛ה שְׁלָחַ֖נִי וְרוּחֽוֹ׃ פ
לוא הקשבת למצותי
יז. כֹּה־אָמַ֧ר יְהֹוָ֛ה גֹּאַלְךָ֖ קְד֣וֹשׁ יִשְׂרָאֵ֑ל אֲנִ֨י יְהֹוָ֤ה אֱלֹהֶ֙יךָ֙ מְלַמֶּדְךָ֣ לְהוֹעִ֔יל מַדְרִֽיכְךָ֖ בְּדֶ֥רֶךְ תֵּלֵֽךְ׃
יח. ל֥וּא הִקְשַׁ֖בְתָּ לְמִצְוֺתָ֑י וַיְהִ֤י כַנָּהָר֙ שְׁלוֹמֶ֔ךָ וְצִדְקָתְךָ֖ כְּגַלֵּ֥י הַיָּֽם׃
יט. וַיְהִ֤י כַחוֹל֙ זַרְעֶ֔ךָ וְצֶאֱצָאֵ֥י מֵעֶ֖יךָ כִּמְעֹתָ֑יו לֹא־יִכָּרֵ֧ת וְֽלֹא־יִשָּׁמֵ֛ד שְׁמ֖וֹ מִלְּפָנָֽי׃ ס
צאו מבבל ברחו מכשדים
כ. צְא֣וּ מִבָּבֶל֮ בִּרְח֣וּ מִכַּשְׂדִּים֒ בְּק֣וֹל רִנָּ֗ה הַגִּ֤ידוּ הַשְׁמִ֙יעוּ֙ זֹ֔את הוֹצִיא֖וּהָ עַד־קְצֵ֣ה הָאָ֑רֶץ אִמְר֕וּ גָּאַ֥ל יְהֹוָ֖ה עַבְדּ֥וֹ יַעֲקֹֽב׃
כא. וְלֹ֣א צָמְא֗וּ בׇּֽחֳרָבוֹת֙ הוֹלִיכָ֔ם מַ֥יִם מִצּ֖וּר הִזִּ֣יל לָ֑מוֹ וַיִּ֨בְקַע־צ֔וּר וַיָּזֻ֖בוּ מָֽיִם׃
כב. אֵ֣ין שָׁל֔וֹם אָמַ֥ר יְהֹוָ֖ה לָרְשָׁעִֽים׃ פ
א. שִׁמְעוּ־זֹ֣את בֵּֽית־יַעֲקֹ֗ב הַנִּקְרָאִים֙ בְּשֵׁ֣ם יִשְׂרָאֵ֔ל בנימין, שנקרא בשם הכללי של כל ישראל1 וּמִמֵּ֥י יְהוּדָ֖ה יָצָ֑אוּ ושבט יהודה, שנזלו כמים מדלי אביהם2 הַֽנִּשְׁבָּעִ֣ים בְּשֵׁ֣ם יְהֹוָ֗ה וּבֵאלֹהֵ֤י יִשְׂרָאֵל֙ יַזְכִּ֔ירוּ לֹ֥א בֶאֱמֶ֖ת וְלֹ֥א בִצְדָקָֽה׃ כי אינם שומרים מצוותיו, ולכן לא היו ראויים להיגאל3
ב. כִּֽי־מֵעִ֤יר הַקֹּ֙דֶשׁ֙ נִקְרָ֔אוּ אנשי ירושלים4 וְעַל־אֱלֹהֵ֥י יִשְׂרָאֵ֖ל נִסְמָ֑כוּ בימי חזקיהו, ובזכות זו נגאלו מבבל [ב. בפיהם ולא בלבבם5]6 יְהֹוָ֥ה צְבָא֖וֹת שְׁמֽוֹ׃ ס אדון כל הצבאות7
ג. הָרִֽאשֹׁנוֹת֙ מֵאָ֣ז הִגַּ֔דְתִּי גאולת מצרים ותשועת חזקיהו, שהגדתי טרם היותן [ב. מפלת סנחריב בלבד8] וּמִפִּ֥י יָצְא֖וּ וְאַשְׁמִיעֵ֑ם על ידי נביאי9 פִּתְאֹ֥ם עָשִׂ֖יתִי וַתָּבֹֽאנָה׃ במחנה אשור10
ד. מִדַּעְתִּ֕י כִּ֥י קָשֶׁ֖ה אָ֑תָּה שאם לא אגיד מראש, תייחס את הנס לעצביך11 וְגִ֤יד בַּרְזֶל֙ עׇרְפֶּ֔ךָ שאינו מתכופף, ולא חזרת אלי12 וּמִצְחֲךָ֖ נְחוּשָֽׁה׃ ואינך בוש מפני המוכיח13
ה. וָאַגִּ֤יד לְךָ֙ מֵאָ֔ז את הגזרה העתידה, היא מפלת סנחריב14 בְּטֶ֥רֶם תָּב֖וֹא הִשְׁמַעְתִּ֑יךָ על ידי הנביא, בפרסום לפני העם15 פֶּן־תֹּאמַר֙ עׇצְבִּ֣י עָשָׂ֔ם וּפִסְלִ֥י וְנִסְכִּ֖י צִוָּֽם׃ שהאליל עצמו עשה זאת ולא אני, או שהוא ציווה שיבוא16
ו. שָׁמַ֤עְתָּֽ חֲזֵה֙ כֻּלָּ֔הּ שניבאתי מראש, ועתה ראה שהתקיים17 וְאַתֶּ֖ם הֲל֣וֹא תַגִּ֑ידוּ ותעידו עלי שלא נפל דבר18 הִשְׁמַעְתִּ֤יךָ חֲדָשׁוֹת֙ מֵעַ֔תָּה וּנְצֻר֖וֹת וְלֹ֥א יְדַעְתָּֽם׃ והן מפלת בבל, ולפני גלויות מעולם19
ז. עַתָּ֤ה נִבְרְאוּ֙ וְלֹ֣א מֵאָ֔ז בעת שיצאו מפי היא שעת בריאתן20 וְלִפְנֵי־י֖וֹם וְלֹ֣א שְׁמַעְתָּ֑ם ואף יום קודם לא שיערו אותן בני אדם21 פֶּן־תֹּאמַ֖ר הִנֵּ֥ה יְדַעְתִּֽין׃ כבר מעצמי22
ח. גַּ֣ם לֹֽא־שָׁמַ֗עְתָּ את דברי הנביאים23 גַּ֚ם לֹ֣א יָדַ֔עְתָּ את לימוד התורה24 גַּ֕ם מֵאָ֖ז לֹא־פִתְּחָ֣ה אׇזְנֶ֑ךָ לקבל את ברית חורב, ולא עתה החלה בגידתך25 כִּ֤י יָדַ֙עְתִּי֙ בָּג֣וֹד תִּבְגּ֔וֹד כבר כשהצלתיך ממצרים ידעתי, ובכל זאת שמרתי שבועת האבות26 וּפֹשֵׁ֥עַ מִבֶּ֖טֶן קֹ֥רָא לָֽךְ׃ כבר משעה שהיית עדיין במצרים ופשעת במדבר פעמים רבות27
ט. לְמַ֤עַן שְׁמִי֙ אַאֲרִ֣יךְ אַפִּ֔י ואיני מעניש מיד, כי שמי נקרא עליך2829 וּתְהִלָּתִ֖י אֶחֱטׇם־לָ֑ךְ אסתום חוטמי מלהוציא עשן הקצף עליך30 לְבִלְתִּ֖י הַכְרִיתֶֽךָ׃ אלא אגלה אותך לבבל31
י. הִנֵּ֥ה צְרַפְתִּ֖יךָ בצרות הגלות32 וְלֹ֣א בְכָ֑סֶף ולא באור גיהנם, כצורף הכסף באש33 בְּחַרְתִּ֖יךָ בְּכ֥וּר עֹֽנִי׃ כור של עינויים במקום כור האש [ב. בחנתיך34]
יא. לְמַעֲנִ֧י לְמַעֲנִ֛י אֶעֱשֶׂ֖ה שלא להכריתך, ולא בצדקתכם35 כִּ֣י אֵ֣יךְ יֵחָ֑ל שמי בין הגויים, אם אכרית אתכם36 וּכְבוֹדִ֖י לְאַחֵ֥ר לֹא־אֶתֵּֽן׃ פ שלא יאמרו אויבי שיד גלוליהם רמה37
יב. שְׁמַ֤ע אֵלַי֙ יַֽעֲקֹ֔ב השם יעקב, שקרא לך אביך וְיִשְׂרָאֵ֖ל מְקֹרָאִ֑י שאני קראתי לך את השם ישראל [ב. הנקרא בשמי, עם ה'38]39 אֲנִי־הוּא֙ אֲנִ֣י רִאשׁ֔וֹן בהווה ובעבר40 אַ֖ף אֲנִ֥י אַחֲרֽוֹן׃ גם אחר כלות העולם41
יג. אַף־יָדִי֙ יָ֣סְדָה אֶ֔רֶץ ביד השמאלית42 וִימִינִ֖י טִפְּחָ֣ה שָׁמָ֑יִם תיכנה אותם43 קֹרֵ֥א אֲנִ֛י אֲלֵיהֶ֖ם יַעַמְד֥וּ יַחְדָּֽו׃ כי נבראו כאחד, ועומדים בכוחי תמיד44
יד. הִקָּבְצ֤וּ כֻלְּכֶם֙ וּֽשְׁמָ֔עוּ מִ֥י בָהֶ֖ם הִגִּ֣יד אֶת־אֵ֑לֶּה שום אליל לא הגיד את העתידות45 יְהֹוָ֣ה אֲהֵב֔וֹ יַעֲשֶׂ֤ה חֶפְצוֹ֙ בְּבָבֶ֔ל כורש, שה' אוהבו, יעשה את חפץ ה' בבבל [ב. ה' האוהב את ישראל46]47 וּזְרֹע֖וֹ כַּשְׂדִּֽים׃ וזרוע ה' תיראה בארץ כשדים48
טו. אֲנִ֥י אֲנִ֛י דִּבַּ֖רְתִּי על ידי נביאי49 אַף־קְרָאתִ֑יו את כורש, שעליו נאמר 'ה' אהבו' [ב. לאברהם, לגדלו50]51 הֲבִאֹתִ֖יו וְהִצְלִ֥יחַ דַּרְכּֽוֹ׃ בבבל, להחריבה בגזרתי ולא מצד הטבע52
טז. קִרְב֧וּ אֵלַ֣י שִׁמְעוּ־זֹ֗את אומר הנביא, על מפלת בבל וגאולתכם53 לֹ֤א מֵרֹאשׁ֙ בַּסֵּ֣תֶר דִּבַּ֔רְתִּי את נבואת סנחריב, אלא בגלוי54 מֵעֵ֥ת הֱיוֹתָ֖הּ שָׁ֣ם אָ֑נִי משעת הגזרה עמדתי בפמליא של מעלה55 וְעַתָּ֗ה אֲדֹנָ֧י יֱהֹוִ֛ה שְׁלָחַ֖נִי וְרוּחֽוֹ׃ פ הוא מלאכו, שבא אלי להודיעני את חורבן בבל [ב. ברוח הנבואה56]57
יז. כֹּה־אָמַ֧ר יְהֹוָ֛ה גֹּאַלְךָ֖ קְד֣וֹשׁ יִשְׂרָאֵ֑ל מגלות בבל58 אֲנִ֨י יְהֹוָ֤ה אֱלֹהֶ֙יךָ֙ מְלַמֶּדְךָ֣ לְהוֹעִ֔יל בכל יום, לשלומך59 מַדְרִֽיכְךָ֖ בְּדֶ֥רֶךְ תֵּלֵֽךְ׃ במעשים הטובים, והדבר תלוי בך60
יח. ל֥וּא הִקְשַׁ֖בְתָּ לְמִצְוֺתָ֑י לא היית גולה61 וַיְהִ֤י כַנָּהָר֙ שְׁלוֹמֶ֔ךָ שאינו פוסק, ולא היה שולט בך אויב62 וְצִדְקָתְךָ֖ כְּגַלֵּ֥י הַיָּֽם׃ שבאים זה אחר זה, והיא הצדקה שהייתי עושה עמך63
יט. וַיְהִ֤י כַחוֹל֙ זַרְעֶ֔ךָ כברכתי64 וְצֶאֱצָאֵ֥י מֵעֶ֖יךָ כִּמְעֹתָ֑יו של הים, כדגי הים לרוב [ב. כגרגרי החול65] לֹא־יִכָּרֵ֧ת וְֽלֹא־יִשָּׁמֵ֛ד שְׁמ֖וֹ מִלְּפָנָֽי׃ ס כי אף שלא הקשבת, אגלך ואחר כך אגאלך66
כ. צְא֣וּ מִבָּבֶל֮ בִּרְח֣וּ מִכַּשְׂדִּים֒ מהרו ללכת, ביד רמה ולא מפחד67 בְּק֣וֹל רִנָּ֗ה הַגִּ֤ידוּ הַשְׁמִ֙יעוּ֙ זֹ֔את את בשורת הגאולה68 הוֹצִיא֖וּהָ עַד־קְצֵ֣ה הָאָ֑רֶץ בפרהסיא, ולא רק במקום קרוב69 אִמְר֕וּ גָּאַ֥ל יְהֹוָ֖ה עַבְדּ֥וֹ יַעֲקֹֽב׃
כא. וְלֹ֣א צָמְא֗וּ בׇּֽחֳרָבוֹת֙ הוֹלִיכָ֔ם בשובם מבבל70 מַ֥יִם מִצּ֖וּר הִזִּ֣יל לָ֑מוֹ ממקום שאין בו מים71 וַיִּ֨בְקַע־צ֔וּר וַיָּזֻ֖בוּ מָֽיִם׃ ולא כים, שנבקע ומימיו עמדו כנד72
כב. אֵ֣ין שָׁל֔וֹם אָמַ֥ר יְהֹוָ֖ה לָרְשָׁעִֽים׃ פ הרשעים הם נבוכדנצר וזרעו אחריו ולכן ישמיד כורש את בבל [ב. רשעי ישראל הממאנים לצאת73]74