האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
ה' פוקד על המלכויות ושומר את כרם ישראל תוכן הפרק: ה' פוקד בחרבו על המלכויות הגדולות, הנמשלות ללויתן ולתנין (רש"י, פסוק א). ישראל נמשלים לכרם חמר שה' שומר, ואין לו חמה עליהם (רד"ק, פסוקים ב-ו). ה' מכה את ישראל במידה ולא כמכת אויביהם, ועוונם מתכפר בביטול העבודה הזרה (רד"ק, פסוקים ז-ט). עיר האויב הבצורה תיחרב (רש"י, פסוקים י-יא). ה' מקבץ את הגלויות מאשור וממצרים (רש"י, פסוקים יב-יג).
א. בַּיּ֣וֹם הַה֡וּא יִפְקֹ֣ד יְהֹוָה֩ בְּחַרְבּ֨וֹ הַקָּשָׁ֜ה וְהַגְּדוֹלָ֣ה וְהַחֲזָקָ֗ה עַ֤ל לִוְיָתָן֙ נָחָ֣שׁ בָּרִ֔חַ וְעַל֙ לִוְיָתָ֔ן נָחָ֖שׁ עֲקַלָּת֑וֹן וְהָרַ֥ג אֶת־הַתַּנִּ֖ין אֲשֶׁ֥ר בַּיָּֽם׃ ס
כרם חמר ושמירתו
ב. בַּיּ֖וֹם הַה֑וּא כֶּ֥רֶם חֶ֖מֶר עַנּוּ־לָֽהּ׃
ג. אֲנִ֤י יְהֹוָה֙ נֹֽצְרָ֔הּ לִרְגָעִ֖ים אַשְׁקֶ֑נָּה פֶּ֚ן יִפְקֹ֣ד עָלֶ֔יהָ לַ֥יְלָה וָי֖וֹם אֶצֳּרֶֽנָּה׃
ד. חֵמָ֖ה אֵ֣ין לִ֑י מִֽי־יִתְּנֵ֜נִי שָׁמִ֥יר שַׁ֙יִת֙ בַּמִּלְחָמָ֔ה אֶפְשְׂעָ֥ה בָ֖הּ אֲצִיתֶ֥נָּה יָּֽחַד׃
ה. א֚וֹ יַחֲזֵ֣ק בְּמָעוּזִּ֔י יַעֲשֶׂ֥ה שָׁל֖וֹם לִ֑י שָׁל֖וֹם יַעֲשֶׂה־לִּֽי׃
ו. הַבָּאִים֙ יַשְׁרֵ֣שׁ יַֽעֲקֹ֔ב יָצִ֥יץ וּפָרַ֖ח יִשְׂרָאֵ֑ל וּמָלְא֥וּ פְנֵי־תֵבֵ֖ל תְּנוּבָֽה׃ פ
מידת הייסורים וכפרת עוון יעקב
ז. הַכְּמַכַּ֥ת מַכֵּ֖הוּ הִכָּ֑הוּ אִם־כְּהֶ֥רֶג הֲרֻגָ֖יו הֹרָֽג׃
ח. בְּסַאסְּאָ֖ה בְּשַׁלְחָ֣הּ תְּרִיבֶ֑נָּה הָגָ֛ה בְּרוּח֥וֹ הַקָּשָׁ֖ה בְּי֥וֹם קָדִֽים׃
ט. לָכֵ֗ן בְּזֹאת֙ יְכֻפַּ֣ר עֲוֺֽן־יַעֲקֹ֔ב וְזֶ֕ה כׇּל־פְּרִ֖י הָסִ֣ר חַטָּאת֑וֹ בְּשׂוּמ֣וֹ כׇּל־אַבְנֵ֣י מִזְבֵּ֗חַ כְּאַבְנֵי־גִר֙ מְנֻפָּצ֔וֹת לֹא־יָקֻ֥מוּ אֲשֵׁרִ֖ים וְחַמָּנִֽים׃
י. כִּ֣י עִ֤יר בְּצוּרָה֙ בָּדָ֔ד נָוֶ֕ה מְשֻׁלָּ֥ח וְנֶעֱזָ֖ב כַּמִּדְבָּ֑ר שָׁ֣ם יִרְעֶ֥ה עֵ֛גֶל וְשָׁ֥ם יִרְבָּ֖ץ וְכִלָּ֥ה סְעִפֶֽיהָ׃
יא. בִּיבֹ֤שׁ קְצִירָהּ֙ תִּשָּׁבַ֔רְנָה נָשִׁ֕ים בָּא֖וֹת מְאִיר֣וֹת אוֹתָ֑הּ כִּ֣י לֹ֤א עַם־בִּינוֹת֙ ה֔וּא עַל־כֵּן֙ לֹא־יְרַחֲמֶ֣נּוּ עֹשֵׂ֔הוּ וְיֹצְר֖וֹ לֹ֥א יְחֻנֶּֽנּוּ׃ פ
קיבוץ הנידחים בשופר גדול
יב. וְהָיָה֙ בַּיּ֣וֹם הַה֔וּא יַחְבֹּ֧ט יְהֹוָ֛ה מִשִּׁבֹּ֥לֶת הַנָּהָ֖ר עַד־נַ֣חַל מִצְרָ֑יִם וְאַתֶּ֧ם תְּלֻקְּט֛וּ לְאַחַ֥ד אֶחָ֖ד בְּנֵ֥י יִשְׂרָאֵֽל׃ פ
יג. וְהָיָ֣ה בַּיּ֣וֹם הַה֗וּא יִתָּקַע֮ בְּשׁוֹפָ֣ר גָּדוֹל֒ וּבָ֗אוּ הָאֹֽבְדִים֙ בְּאֶ֣רֶץ אַשּׁ֔וּר וְהַנִּדָּחִ֖ים בְּאֶ֣רֶץ מִצְרָ֑יִם וְהִשְׁתַּחֲו֧וּ לַיהֹוָ֛ה בְּהַ֥ר הַקֹּ֖דֶשׁ בִּירוּשָׁלָֽ͏ִם׃ פ
א. בַּיּ֣וֹם הַה֡וּא יִפְקֹ֣ד יְהֹוָה֩ בְּחַרְבּ֨וֹ הַקָּשָׁ֜ה וְהַגְּדוֹלָ֣ה וְהַחֲזָקָ֗ה עַ֤ל לִוְיָתָן֙ נָחָ֣שׁ בָּרִ֔חַ מצרים, הקרויה בריח כי היא ראשונה [ב. ישמעאל, המתפשט בישוב1]2 וְעַל֙ לִוְיָתָ֔ן נָחָ֖שׁ עֲקַלָּת֑וֹן אשור, ועקלתון לשון כפול כי הוא שני3 וְהָרַ֥ג אֶת־הַתַּנִּ֖ין אֲשֶׁ֥ר בַּיָּֽם׃ ס אדום, היושבת בלב ימים ככתיים4
ב. בַּיּ֖וֹם הַה֑וּא כֶּ֥רֶם חֶ֖מֶר עַנּוּ־לָֽהּ׃ בעת הגאולה ישוררו עליה שיר זה שהיא מוציאה יין טוב ואדום, ולא באושים56
ג. אֲנִ֤י יְהֹוָה֙ נֹֽצְרָ֔הּ לִרְגָעִ֖ים אַשְׁקֶ֑נָּה מכל פגע, ואשפיע עליה נבואה כמי מטר [ב. כוס פורענות מעט מעט7]8 פֶּ֚ן יִפְקֹ֣ד עָלֶ֔יהָ אפילו עלה אחד, וכל שכן הפרי9 לַ֥יְלָה וָי֖וֹם אֶצֳּרֶֽנָּה׃ גם את הפשוטים שבהם10
ד. חֵמָ֖ה אֵ֣ין לִ֑י על ישראל, כי ארך אפים אני11 מִֽי־יִתְּנֵ֜נִי שָׁמִ֥יר שַׁ֙יִת֙ בַּמִּלְחָמָ֔ה הוא הכרם שנותן לי קוצים במקום ענבים12 אֶפְשְׂעָ֥ה בָ֖הּ פסיעה אחת בלבד13 אֲצִיתֶ֥נָּה יָּֽחַד׃
ה. א֚וֹ יַחֲזֵ֣ק בְּמָעוּזִּ֔י אם יחזיק עמי במעוזי ולא באחר14 יַעֲשֶׂ֥ה שָׁל֖וֹם לִ֑י ולא אלחם בו15 שָׁל֖וֹם יַעֲשֶׂה־לִּֽי׃ שלום גמור, בלי מלחמה עוד ביני ובינו1617
ו. הַבָּאִים֙ בימי הישועה, כשישובו לארצם18 יַשְׁרֵ֣שׁ יַֽעֲקֹ֔ב יָצִ֥יץ וּפָרַ֖ח יִשְׂרָאֵ֑ל וימשול עד למרחוק19 וּמָלְא֥וּ פְנֵי־תֵבֵ֖ל תְּנוּבָֽה׃ פ כצמחי השדה, מרוב בנים ובני בנים20
ז. הַכְּמַכַּ֥ת מַכֵּ֖הוּ הִכָּ֑הוּ את ישראל, כמו שהכה את פרעה וסנחריב [ב. מידה כנגד מידה21]22 אִם־כְּהֶ֥רֶג הֲרֻגָ֖יו הֹרָֽג׃ לא, את אויביו כילה ואת ישראל לא23
ח. בְּסַאסְּאָ֖ה בְּשַׁלְחָ֣הּ תְּרִיבֶ֑נָּה במידה שחטאו, ולא יותר, בשדפון וארבה בשדות, ולא בנפשות24 הָגָ֛ה בְּרוּח֥וֹ הַקָּשָׁ֖ה הסיר את הפרי25 בְּי֥וֹם קָדִֽים׃ כשנושבת הרוח העזה26
ט. לָכֵ֗ן בְּזֹאת֙ יְכֻפַּ֣ר עֲוֺֽן־יַעֲקֹ֔ב גם עתה יזכו בכך להיגאל27 וְזֶ֕ה כׇּל־פְּרִ֖י הָסִ֣ר חַטָּאת֑וֹ כי העבודה הזרה היא עיקר העוונות28 בְּשׂוּמ֣וֹ כׇּל־אַבְנֵ֣י מִזְבֵּ֗חַ כְּאַבְנֵי־גִר֙ מְנֻפָּצ֔וֹת כשינתץ מזבחות האלילים ויכתתם דק29 לֹא־יָקֻ֥מוּ אֲשֵׁרִ֖ים וְחַמָּנִֽים׃ ובתנאי שלא יחזור לבנותם30
י. כִּ֣י עִ֤יר בְּצוּרָה֙ בָּדָ֔ד כשיעשו זאת, תיחרב עיר ישמעאל [ב. ירושלים או שמרון בעוונם31]32 נָוֶ֕ה מְשֻׁלָּ֥ח וְנֶעֱזָ֖ב כַּמִּדְבָּ֑ר וגנותיה יהיו הפקר33 שָׁ֣ם יִרְעֶ֥ה עֵ֛גֶל אפרים, הקרוי עגל, יירש את מקומה34 וְשָׁ֥ם יִרְבָּ֖ץ וְכִלָּ֥ה סְעִפֶֽיהָ׃
יא. בִּיבֹ֤שׁ קְצִירָהּ֙ תִּשָּׁבַ֔רְנָה כשתכלה הזכות המועטת שכיבד את אביו35 נָשִׁ֕ים בָּא֖וֹת מְאִיר֣וֹת אוֹתָ֑הּ עם חלש כנשים, כי עציה יבשים36 כִּ֣י לֹ֤א עַם־בִּינוֹת֙ ה֔וּא להבין שממשלתו מאת ה'37 עַל־כֵּן֙ לֹא־יְרַחֲמֶ֣נּוּ עֹשֵׂ֔הוּ וְיֹצְר֖וֹ לֹ֥א יְחֻנֶּֽנּוּ׃ פ לא מצד גופו ולא מצד נשמתו38
יב. וְהָיָה֙ בַּיּ֣וֹם הַה֔וּא יַחְבֹּ֧ט יְהֹוָ֛ה מִשִּׁבֹּ֥לֶת הַנָּהָ֖ר עַד־נַ֣חַל מִצְרָ֑יִם כחובט זיתים מן העץ, יפריד את ישראל מבין העמים [ב. מנהר סמבטיון39]40 וְאַתֶּ֧ם תְּלֻקְּט֛וּ לְאַחַ֥ד אֶחָ֖ד בְּנֵ֥י יִשְׂרָאֵֽל׃ פ כל המוצא אחד מכם יביאנו מנחה41
יג. וְהָיָ֣ה בַּיּ֣וֹם הַה֗וּא יִתָּקַע֮ בְּשׁוֹפָ֣ר גָּדוֹל֒ יתקבצו כאילו נשמע שופר בכל העולם42 וּבָ֗אוּ הָאֹֽבְדִים֙ בְּאֶ֣רֶץ אַשּׁ֔וּר אובדים, שנפוצו הרחק מעבר לסמבטיון43 וְהַנִּדָּחִ֖ים בְּאֶ֣רֶץ מִצְרָ֑יִם גלות יהודה ובנימין, הפזורים בכל פאה44 וְהִשְׁתַּחֲו֧וּ לַיהֹוָ֛ה בְּהַ֥ר הַקֹּ֖דֶשׁ בִּירוּשָׁלָֽ͏ִם׃ פ בהר המוריה, מקום המקדש45