האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
אסף נבוך מהצלחת הרשעים ושלוותם א. אסף מתווכח על שלוות הרשעים ויסורי הצדיקים, ומשיב שההצלחה הגשמית אינה האושר האמיתי ושנפש האדם נצחית [מלבי"ם] ב. אסף הבין את אחרית הרשעים כשראה בירושלים את מפלת סנחריב [רש"י] ג. במזמור זה מפורש שכר הצדיקים לעתיד לבוא [אבן עזרא]
א. מִזְמ֗וֹר לְאָ֫סָ֥ף אַ֤ךְ ט֖וֹב לְיִשְׂרָאֵ֥ל אֱלֹהִ֗ים לְבָרֵ֥י לֵבָֽב׃
ב. וַאֲנִ֗י כִּ֭מְעַט (נטוי) [נָטָ֣יוּ] רַגְלָ֑י כְּ֝אַ֗יִן (שפכה) [שֻׁפְּכ֥וּ] אֲשֻׁרָֽי׃
ג. כִּֽי־קִ֭נֵּאתִי בַּהוֹלְלִ֑ים שְׁל֖וֹם רְשָׁעִ֣ים אֶרְאֶֽה׃
ד. כִּ֤י אֵ֖ין חַרְצֻבּ֥וֹת לְמוֹתָ֗ם וּבָרִ֥יא אוּלָֽם׃
ה. בַּעֲמַ֣ל אֱנ֣וֹשׁ אֵינֵ֑מוֹ וְעִם־אָ֝דָ֗ם לֹ֣א יְנֻגָּֽעוּ׃
ו. לָ֭כֵן עֲנָקַ֣תְמוֹ גַאֲוָ֑ה יַעֲטָף־שִׁ֝֗ית חָמָ֥ס לָֽמוֹ׃
ז. יָ֭צָא מֵחֵ֣לֶב עֵינֵ֑מוֹ עָ֝בְר֗וּ מַשְׂכִּיּ֥וֹת לֵבָֽב׃
ח. יָמִ֤יקוּ וִידַבְּר֣וּ בְרָ֣ע עֹ֑שֶׁק מִמָּר֥וֹם יְדַבֵּֽרוּ׃
ט. שַׁתּ֣וּ בַשָּׁמַ֣יִם פִּיהֶ֑ם וּ֝לְשׁוֹנָ֗ם תִּהֲלַ֥ךְ בָּאָֽרֶץ׃
י. לָכֵ֤ן (ישיב) [יָשׁ֣וּב] עַמּ֣וֹ הֲלֹ֑ם וּמֵ֥י מָ֝לֵ֗א יִמָּ֥צוּ לָֽמוֹ׃
יא. וְֽאָמְר֗וּ אֵיכָ֥ה יָדַֽע־אֵ֑ל וְיֵ֖שׁ דֵּעָ֣ה בְעֶלְיֽוֹן׃
יב. הִנֵּה־אֵ֥לֶּה רְשָׁעִ֑ים וְשַׁלְוֵ֥י ע֝וֹלָ֗ם הִשְׂגּוּ־חָֽיִל׃
יג. אַךְ־רִ֭יק זִכִּ֣יתִי לְבָבִ֑י וָאֶרְחַ֖ץ בְּנִקָּי֣וֹן כַּפָּֽי׃
יד. וָאֱהִ֣י נָ֭גוּעַ כׇּל־הַיּ֑וֹם וְ֝תוֹכַחְתִּ֗י לַבְּקָרִֽים׃
טו. אִם־אָ֭מַרְתִּי אֲסַפְּרָ֥ה כְמ֑וֹ הִנֵּ֤ה ד֖וֹר בָּנֶ֣יךָ בָגָֽדְתִּי׃
טז. וָ֭אֲחַשְּׁבָה לָדַ֣עַת זֹ֑את עָמָ֖ל (היא) [ה֣וּא] בְעֵינָֽי׃
יז. עַד־אָ֭בוֹא אֶל־מִקְדְּשֵׁי־אֵ֑ל אָ֝בִ֗ינָה לְאַחֲרִיתָֽם׃
יח. אַ֣ךְ בַּ֭חֲלָקוֹת תָּשִׁ֣ית לָ֑מוֹ הִ֝פַּלְתָּ֗ם לְמַשּׁוּאֽוֹת׃
יט. אֵ֤יךְ הָי֣וּ לְשַׁמָּ֣ה כְרָ֑גַע סָ֥פוּ תַ֝֗מּוּ מִן־בַּלָּהֽוֹת׃
כ. כַּחֲל֥וֹם מֵהָקִ֑יץ אֲ֝דֹנָ֗י בָּעִ֤יר צַלְמָ֬ם תִּבְזֶֽה׃
כא. כִּ֭י יִתְחַמֵּ֣ץ לְבָבִ֑י וְ֝כִלְיוֹתַ֗י אֶשְׁתּוֹנָֽן׃
כב. וַאֲנִי־בַ֭עַר וְלֹ֣א אֵדָ֑ע בְּ֝הֵמ֗וֹת הָיִ֥יתִי עִמָּֽךְ׃
כג. וַאֲנִ֣י תָמִ֣יד עִמָּ֑ךְ אָ֝חַ֗זְתָּ בְּיַד־יְמִינִֽי׃
כד. בַּעֲצָתְךָ֥ תַנְחֵ֑נִי וְ֝אַחַ֗ר כָּב֥וֹד תִּקָּחֵֽנִי׃
כה. מִי־לִ֥י בַשָּׁמָ֑יִם וְ֝עִמְּךָ֗ לֹא־חָפַ֥צְתִּי בָאָֽרֶץ׃
כו. כָּלָ֥ה שְׁאֵרִ֗י וּלְבָ֫בִ֥י צוּר־לְבָבִ֥י וְחֶלְקִ֗י אֱלֹהִ֥ים לְעוֹלָֽם׃
כז. כִּֽי־הִנֵּ֣ה רְחֵקֶ֣יךָ יֹאבֵ֑דוּ הִ֝צְמַ֗תָּה כׇּל־זוֹנֶ֥ה מִמֶּֽךָּ׃
כח. וַאֲנִ֤י קִ֥רְבַ֥ת אֱלֹהִ֗ים לִ֫י־ט֥וֹב שַׁתִּ֤י בַּאדֹנָ֣י יֱהֹוִ֣ה מַחְסִ֑י לְ֝סַפֵּ֗ר כׇּל־מַלְאֲכוֹתֶֽיךָ׃ פ
א. מִזְמ֗וֹר לְאָ֫סָ֥ף על שלוות הרשעים ויסורי הצדיקים1 אַ֤ךְ ט֖וֹב2 לְיִשְׂרָאֵ֥ל אֱלֹהִ֗ים גם צרות הבאות עליהם נועדו להיטיב להם בעולם הבא3 לְבָרֵ֥י לֵבָֽב׃ ולא לרשעים45
ב. וַאֲנִ֗י כִּ֭מְעַט (נטוי) [נָטָ֣יוּ] רַגְלָ֑י מן האמונה, לפני שהתבוננתי6 כְּ֝אַ֗יִן (שפכה) [שֻׁפְּכ֥וּ] אֲשֻׁרָֽי׃ כאילו נשמטו כבר פסיעותי7
ג. כִּֽי־קִ֭נֵּאתִי בַּהוֹלְלִ֑ים בשוטים שמצליחים8 שְׁל֖וֹם רְשָׁעִ֣ים אֶרְאֶֽה׃ וצר לי על מה שאני רואה9
ד. כִּ֤י אֵ֖ין חַרְצֻבּ֥וֹת לְמוֹתָ֗ם הם מתים בלי כאבים וסבל10 וּבָרִ֥יא אוּלָֽם׃ אלא שגופם בריא וחזק11
ה. בַּעֲמַ֣ל אֱנ֣וֹשׁ אֵינֵ֑מוֹ שהם עשירים ופטורים ממנו12 וְעִם־אָ֝דָ֗ם לֹ֣א יְנֻגָּֽעוּ׃ גם בחולי המצוי לכל13
ו. לָ֭כֵן עֲנָקַ֣תְמוֹ גַאֲוָ֑ה בלי יסורים, הם מתנשאים14 יַעֲטָף־שִׁ֝֗ית חָמָ֥ס לָֽמוֹ׃ וגזלם מעבה את בשרם15
ז. יָ֭צָא מֵחֵ֣לֶב עֵינֵ֑מוֹ העיניים בולטות החוצה מרוב שמנוניות16 עָ֝בְר֗וּ מַשְׂכִּיּ֥וֹת לֵבָֽב׃ והצלחתם עולה על תשוקותיהם17
ח. יָמִ֤יקוּ וִידַבְּר֣וּ בְרָ֣ע עֹ֑שֶׁק מוסים אחרים ומתכננים לעשוק18 מִמָּר֥וֹם יְדַבֵּֽרוּ׃ כפרעה, סנחריב ונבוכדנצר שהתנשאו על ה'19
ט. שַׁתּ֣וּ בַשָּׁמַ֣יִם פִּיהֶ֑ם בדיבור נגד יושב שמים20 וּ֝לְשׁוֹנָ֗ם21 תִּהֲלַ֥ךְ בָּאָֽרֶץ׃22
י. לָכֵ֤ן (ישיב) [יָשׁ֣וּב] עַמּ֣וֹ הֲלֹ֑ם עם ה' רואים הצלחתם ושבים ללכת בדרכיהם [ב. נבוכים ותמהים23]24 וּמֵ֥י מָ֝לֵ֗א25 יִמָּ֥צוּ לָֽמוֹ׃ דברי תורה, כמים מלאים, נחשבים בעיניהם לשיריים [ב. כוס תרעלה26]27
יא. וְֽאָמְר֗וּ בני עמו28 אֵיכָ֥ה יָדַֽע־אֵ֑ל את פרטי העולם השפל29 וְיֵ֖שׁ דֵּעָ֣ה בְעֶלְיֽוֹן׃ ובכלל, האם יש דעת כלל30
יב. הִנֵּה־אֵ֥לֶּה רְשָׁעִ֑ים אף שהם עוברים על דברי תורתו31 וְשַׁלְוֵ֥י ע֝וֹלָ֗ם בלי יגיעה32 הִשְׂגּוּ־חָֽיִל׃33
יג. אַךְ־רִ֭יק זִכִּ֣יתִי לְבָבִ֑י לשווא קיימתי מצוות, והרי נגוע אני תמיד34 וָאֶרְחַ֖ץ35 בְּנִקָּי֣וֹן כַּפָּֽי׃36
יד. וָאֱהִ֣י נָ֭גוּעַ כׇּל־הַיּ֑וֹם בצרות, בלא חטא37 וְ֝תוֹכַחְתִּ֗י38 לַבְּקָרִֽים׃ בכל יום מתחדשות עלי צרות3940
טו. אִם־אָ֭מַרְתִּי אֲסַפְּרָ֥ה כְמ֑וֹ לספר לאחרים את הרהוריי41 הִנֵּ֤ה ד֖וֹר בָּנֶ֣יךָ בָגָֽדְתִּי׃ אחשיד בבגידה את הדור המאמין בך42
טז. וָ֭אֲחַשְּׁבָה לָדַ֣עַת זֹ֑את בלבי, מהי הנהגתו של ה'43 עָמָ֖ל עיוות, ולא יושר44 (היא) [ה֣וּא] בְעֵינָֽי׃45
יז. עַד־אָ֭בוֹא אֶל־מִקְדְּשֵׁי־אֵ֑ל בירושלים, שבה חזיתי במפלתו של סנחריב [ב. מקומות הנשמות אחר המות46]47 אָ֝בִ֗ינָה לְאַחֲרִיתָֽם׃ שאחריתם רעה48
יח. אַ֣ךְ בַּ֭חֲלָקוֹת תָּשִׁ֣ית לָ֑מוֹ טובתם רק החלקת דרכם49 הִ֝פַּלְתָּ֗ם לְמַשּׁוּאֽוֹת׃ אל השממה והחושך50
יט. אֵ֤יךְ הָי֣וּ לְשַׁמָּ֣ה כְרָ֑גַע כך יתמהו כל הרואים בהם51 סָ֥פוּ תַ֝֗מּוּ נכלו לגמרי52 מִן־בַּלָּהֽוֹת׃ בידי השדים53
כ. כַּחֲל֥וֹם מֵהָקִ֑יץ שינת עולם בלי יקיצה, כמו במחנה אשור54 אֲ֝דֹנָ֗י55 בָּעִ֤יר צַלְמָ֬ם תִּבְזֶֽה׃ בירושלים שצרו עליה נשרפו ונתבזו [ב. נפשם תבוזה56]57
כא. כִּ֭י יִתְחַמֵּ֣ץ לְבָבִ֑י לפני שנגלתה לי מפלתם, כאב לי [ב. נטהר ונזדכך58]59 וְ֝כִלְיוֹתַ֗י אֶשְׁתּוֹנָֽן׃ הייתי מחדד את מקור עצתי60
כב. וַאֲנִי־בַ֭עַר וְלֹ֣א אֵדָ֑ע שוטה, שלא הבנתי את הנהגתך61 בְּ֝הֵמ֗וֹת62 הָיִ֥יתִי עִמָּֽךְ׃63
כג. וַאֲנִ֣י תָמִ֣יד עִמָּ֑ךְ גם כשראיתי זאת, לא סרתי מיראתך64 אָ֝חַ֗זְתָּ בְּיַד־יְמִינִֽי׃ ושמרת עלי כשכמעט נפלתי [ב. הנשמה מתגברת על הגוף65]66
כד. בַּעֲצָתְךָ֥ תַנְחֵ֑נִי תנהיגני בדרך הנכונה67 וְ֝אַחַ֗ר כך68 כָּב֥וֹד תִּקָּחֵֽנִי׃ תביא אותי אליך בכבוד ובתפארת69
כה. מִי־לִ֥י בַשָּׁמָ֑יִם איזה מלאך בחרתי לי כאלוה, חוץ ממך70 וְ֝עִמְּךָ֗ אחר שדבקתי בך71 לֹא־חָפַ֥צְתִּי בָאָֽרֶץ׃72
כו. כָּלָ֥ה שְׁאֵרִ֗י [ב. כלה ונגמר73]74 וּלְבָ֫בִ֥י צוּר־לְבָבִ֥י וְחֶלְקִ֗י75 אֱלֹהִ֥ים לְעוֹלָֽם׃ ואין כן בשר ודם76
כז. כִּֽי־הִנֵּ֣ה רְחֵקֶ֣יךָ יֹאבֵ֑דוּ מעצמם, כי קיומם ממך77 הִ֝צְמַ֗תָּה78 כׇּל־זוֹנֶ֥ה מִמֶּֽךָּ׃ בהשגחה, מי שפנה לדרך אחרת79
כח. וַאֲנִ֤י קִ֥רְבַ֥ת אֱלֹהִ֗ים ולא כרחוקים ממנו80 לִ֫י ־ ט֥וֹב שַׁתִּ֤י בַּאדֹנָ֣י יֱהֹוִ֣ה מַחְסִ֑י כי בו האושר האמיתי81 לְ֝סַפֵּ֗ר כׇּל־מַלְאֲכוֹתֶֽיךָ׃ פ את שליחותיך, שרוח הקודש מביאה82