האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
תפילה שה' לא ישתוק, ושישלם לרשעים כמעשיהם א. המזמור ממשיך את קודמו: דוד מבקש להשקיט מעסקי העולם, כדי להתעסק בעבודת ה' [רד"ק] ב. נאמר נגד פועלי און, שדברו עם דוד אחד בפה ואחד בלב [מלבי"ם] ג. הסכנה היתה באחרית ימיו מישבי בנב, ובסיום התפלל דוד על ישראל [רד"ק]
א. לְדָוִ֡ד אֵ֘לֶ֤יךָ יְהֹוָ֨ה אֶקְרָ֗א צוּרִי֮ אַֽל־תֶּחֱרַ֢שׁ מִ֫מֶּ֥נִּי פֶּן־תֶּחֱשֶׁ֥ה מִמֶּ֑נִּי וְ֝נִמְשַׁ֗לְתִּי עִם־י֥וֹרְדֵי בֽוֹר׃
ב. שְׁמַ֤ע ק֣וֹל תַּ֭חֲנוּנַי בְּשַׁוְּעִ֣י אֵלֶ֑יךָ בְּנׇשְׂאִ֥י יָ֝דַ֗י אֶל־דְּבִ֥יר קׇדְשֶֽׁךָ׃
ג. אַל־תִּמְשְׁכֵ֣נִי עִם־רְשָׁעִים֮ וְעִם־פֹּ֢עֲלֵ֫י אָ֥וֶן דֹּבְרֵ֣י שָׁ֭לוֹם עִם־רֵעֵיהֶ֑ם וְ֝רָעָ֗ה בִּלְבָבָֽם׃
ד. תֶּן־לָהֶ֣ם כְּפׇעֳלָם֮ וּכְרֹ֢עַ מַעַלְלֵ֫יהֶ֥ם כְּמַעֲשֵׂ֣ה יְ֭דֵיהֶם תֵּ֣ן לָהֶ֑ם הָשֵׁ֖ב גְּמוּלָ֣ם לָהֶֽם׃
ה. כִּ֤י לֹ֪א יָבִ֡ינוּ אֶל־פְּעֻלֹּ֣ת יְ֭הֹוָה וְאֶל־מַעֲשֵׂ֣ה יָדָ֑יו יֶ֝הֶרְסֵ֗ם וְלֹ֣א יִבְנֵֽם׃
ו. בָּר֥וּךְ יְהֹוָ֑ה כִּי־שָׁ֝מַ֗ע ק֣וֹל תַּחֲנוּנָֽי׃
ז. יְהֹוָ֤ה עֻזִּ֥י וּמָגִנִּי֮ בּ֤וֹ בָטַ֥ח לִבִּ֗י וְֽנֶ֫עֱזָ֥רְתִּי וַיַּעֲלֹ֥ז לִבִּ֑י וּֽמִשִּׁירִ֥י אֲהוֹדֶֽנּוּ׃
ח. יְהֹוָ֥ה עֹֽז־לָ֑מוֹ וּמָ֘ע֤וֹז יְשׁוּע֖וֹת מְשִׁיח֣וֹ הֽוּא׃
ט. הוֹשִׁ֤יעָה אֶת־עַמֶּ֗ךָ וּבָרֵ֥ךְ אֶת־נַחֲלָתֶ֑ךָ וּֽרְעֵ֥ם וְ֝נַשְּׂאֵ֗ם עַד־הָעוֹלָֽם׃ פ
א. לְדָוִ֡ד על אנשים שדברו עמו אחד בפה ואחד בלב1 אֵ֘לֶ֤יךָ יְהֹוָ֨ה אֶקְרָ֗א ולא אבטח באחר2 צוּרִי֮ אַֽל־תֶּחֱרַ֢שׁ מִ֫מֶּ֥נִּי מלענות לי3 פֶּן־תֶּחֱשֶׁ֥ה מִמֶּ֑נִּי מלומר את שראוי לך לומר4 וְ֝נִמְשַׁ֗לְתִּי עִם־י֥וֹרְדֵי בֽוֹר׃ בעיני הרואים, כאחד הרשעים5
ב. שְׁמַ֤ע ק֣וֹל תַּ֭חֲנוּנַי אף אם כוונתי אינה שלמה6 בְּשַׁוְּעִ֣י אֵלֶ֑יךָ בְּנׇשְׂאִ֥י יָ֝דַ֗י אֶל־דְּבִ֥יר קׇדְשֶֽׁךָ׃ בית קדשי הקדשים, ותושיע מיד7
ג. אַל־תִּמְשְׁכֵ֣נִי עִם־רְשָׁעִים֮ אל תרגיל אותי בחברת הרשעים8 וְעִם־פֹּ֢עֲלֵ֫י אָ֥וֶן שמזיקים לבריות9 דֹּבְרֵ֣י שָׁ֭לוֹם עִם־רֵעֵיהֶ֑ם החנפים10 וְ֝רָעָ֗ה בִּלְבָבָֽם׃ ולכן אין אני יכול להישמר מהם11
ד. תֶּן־לָהֶ֣ם כְּפׇעֳלָם֮ מדה כנגד מדה, כנגד עסקם והכנותיהם12 וּכְרֹ֢עַ מַעַלְלֵ֫יהֶ֥ם כְּמַעֲשֵׂ֣ה יְ֭דֵיהֶם ובשל רוע מדותיהם, כפי שגמרו לעשות13 תֵּ֣ן לָהֶ֑ם הָשֵׁ֖ב גְּמוּלָ֣ם לָהֶֽם׃ לפי שנאתם14
ה. כִּ֤י לֹ֪א יָבִ֡ינוּ אֶל־פְּעֻלֹּ֣ת יְ֭הֹוָה וְאֶל־מַעֲשֵׂ֣ה יָדָ֑יו הם עסוקים בהבלי העולם, ולא בחכמת הטבע שבשמים ובארץ15 יֶ֝הֶרְסֵ֗ם וְלֹ֣א יִבְנֵֽם׃ שיפלו ולא יקומו עוד [ב. בדרך תפילה16]17
ו. בָּר֥וּךְ יְהֹוָ֑ה כִּי־שָׁ֝מַ֗ע ק֣וֹל תַּחֲנוּנָֽי׃ אני אומר בנבואה שנשמעה תפילתי18
ז. יְהֹוָ֤ה עֻזִּ֥י וּמָגִנִּי֮ שהצילני מישבי בנב19 בּ֤וֹ בָטַ֥ח לִבִּ֗י וְֽנֶ֫עֱזָ֥רְתִּי בטחתי בו לבדו, ורבים עזרוני20 וַיַּעֲלֹ֥ז לִבִּ֑י כבר כשבטחתי21 וּֽמִשִּׁירִ֥י אֲהוֹדֶֽנּוּ׃ ההודיה היא על שהוא מחזק את התלויים בו22
ח. יְהֹוָ֥ה עֹֽז־לָ֑מוֹ לעמו ישראל [ב. לעוזרים לו23]24 וּמָ֘ע֤וֹז יְשׁוּע֖וֹת מְשִׁיח֣וֹ הֽוּא׃ ובזכותם גם הוא נושע2526
ט. הוֹשִׁ֤יעָה אֶת־עַמֶּ֗ךָ וּבָרֵ֥ךְ אֶת־נַחֲלָתֶ֑ךָ בתוספת ברכה, כי הם קניינך לדורות27 וּֽרְעֵ֥ם וְ֝נַשְּׂאֵ֗ם הנהג אותם כרועה, והרם אותם מעל העמים28 עַד־הָעוֹלָֽם׃ פ תפילתי עליהם בחיי ואחרי מותי29