האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
ביטחון בה' מול אויבים, ובקשת שבת בבית ה' א. ההשגחה נמשכת אחר הדבקות בה', ולכן הלב אינו ירא [מלבי"ם] ב. חיבר דוד את המזמור באחרית ימיו, כשנשבעו אנשיו שלא יצא עוד עמהם למלחמה [אבן עזרא] ג. תפילה להיעזר על אויביו ולהשלים נפשו, ולא לשררה וכבוד [המאירי]
א. לְדָוִ֨ד יְהֹוָ֤ה אוֹרִ֣י וְ֭יִשְׁעִי מִמִּ֣י אִירָ֑א יְהֹוָ֥ה מָעוֹז־חַ֝יַּ֗י מִמִּ֥י אֶפְחָֽד׃
ב. בִּקְרֹ֤ב עָלַ֨י מְרֵעִים֮ לֶאֱכֹ֢ל אֶת־בְּשָׂ֫רִ֥י צָרַ֣י וְאֹיְבַ֣י לִ֑י הֵ֖מָּה כָשְׁל֣וּ וְנָפָֽלוּ׃
ג. אִם־תַּחֲנֶ֬ה עָלַ֨י מַחֲנֶה֮ לֹא־יִירָ֢א לִ֫בִּ֥י אִם־תָּק֣וּם עָ֭לַי מִלְחָמָ֑ה בְּ֝זֹ֗את אֲנִ֣י בוֹטֵֽחַ׃
ד. אַחַ֤ת שָׁאַ֣לְתִּי מֵאֵת־יְהֹוָה֮ אוֹתָ֢הּ אֲבַ֫קֵּ֥שׁ שִׁבְתִּ֣י בְּבֵית־יְ֭הֹוָה כׇּל־יְמֵ֣י חַיַּ֑י לַחֲז֥וֹת בְּנֹעַם־יְ֝הֹוָ֗ה וּלְבַקֵּ֥ר בְּהֵֽיכָלֽוֹ׃
ה. כִּ֤י יִצְפְּנֵ֨נִי בְּסֻכֹּה֮ בְּי֢וֹם רָ֫עָ֥ה יַ֭סְתִּרֵנִי בְּסֵ֣תֶר אׇהֳל֑וֹ בְּ֝צ֗וּר יְרוֹמְמֵֽנִי׃
ו. וְעַתָּ֨ה יָר֪וּם רֹאשִׁ֡י עַ֤ל אֹיְבַ֬י סְֽבִיבוֹתַ֗י וְאֶזְבְּחָ֣ה בְ֭אׇהֳלוֹ זִבְחֵ֣י תְרוּעָ֑ה אָשִׁ֥ירָה וַ֝אֲזַמְּרָ֗ה לַֽיהֹוָֽה׃
ז. שְׁמַע־יְהֹוָ֖ה קוֹלִ֥י אֶקְרָ֗א וְחׇנֵּ֥נִי וַעֲנֵֽנִי׃
ח. לְךָ֤ אָמַ֣ר לִ֭בִּי בַּקְּשׁ֣וּ פָנָ֑י אֶת־פָּנֶ֖יךָ יְהֹוָ֣ה אֲבַקֵּֽשׁ׃
ט. אַל־תַּסְתֵּ֬ר פָּנֶ֨יךָ מִמֶּנִּי֮ אַ֥ל תַּט־בְּאַ֗ף עַ֫בְדֶּ֥ךָ עֶזְרָתִ֥י הָיִ֑יתָ אַֽל־תִּטְּשֵׁ֥נִי וְאַל־תַּ֝עַזְבֵ֗נִי אֱלֹהֵ֥י יִשְׁעִֽי׃
י. כִּֽי־אָבִ֣י וְאִמִּ֣י עֲזָב֑וּנִי וַֽיהֹוָ֣ה יַאַסְפֵֽנִי׃
יא. ה֤וֹרֵ֥נִי יְהֹוָ֗ה דַּ֫רְכֶּ֥ךָ וּ֭נְחֵנִי בְּאֹ֣רַח מִישׁ֑וֹר לְ֝מַ֗עַן שֽׁוֹרְרָֽי׃
יב. אַֽל־תִּ֭תְּנֵנִי בְּנֶ֣פֶשׁ צָרָ֑י כִּ֥י קָמוּ־בִ֥י עֵדֵי־שֶׁ֝֗קֶר וִיפֵ֥חַ חָמָֽס׃
יג. לׅׄוּׅׄלֵׅ֗ׄאׅׄ הֶ֭אֱמַנְתִּי לִרְא֥וֹת בְּֽטוּב־יְהֹוָ֗ה בְּאֶ֣רֶץ חַיִּֽים׃
יד. קַוֵּ֗ה אֶל־יְ֫הֹוָ֥ה חֲ֭זַק וְיַאֲמֵ֣ץ לִבֶּ֑ךָ וְ֝קַוֵּ֗ה אֶל־יְהֹוָֽה׃ פ
א. לְדָוִ֨ד יְהֹוָ֤ה אוֹרִ֣י וְ֭יִשְׁעִי מחשכת הצרות ומכוח האויבים1 מִמִּ֣י אִירָ֑א מאויבים גלויים2 יְהֹוָ֥ה מָעוֹז־חַ֝יַּ֗י מבצר נפשי3 מִמִּ֥י אֶפְחָֽד׃ מאויבים נסתרים4
ב. בִּקְרֹ֤ב עָלַ֨י מְרֵעִים֮ הנועדים להרע לי בסתר5 לֶאֱכֹ֢ל אֶת־בְּשָׂ֫רִ֥י בשביל הנאתם6 צָרַ֣י וְאֹיְבַ֣י לִ֑י מתוך שנאה, כדי לנקום בי7 הֵ֖מָּה כָשְׁל֣וּ וְנָפָֽלוּ׃ בעצתם עצמם, בלי שאפעל נגדם8
ג. אִם־תַּחֲנֶ֬ה עָלַ֨י מַחֲנֶה֮ לֹא־יִירָ֢א לִ֫בִּ֥י אפילו גדול ורב, כי שכלי בוטח באלהים9 אִם־תָּק֣וּם עָ֭לַי מִלְחָמָ֑ה בְּ֝זֹ֗את אֲנִ֣י בוֹטֵֽחַ׃ על יסוד האמירה למעלה, שה' מעוז חיי [ב. בשאלה שבפסוק הבא10]11
ד. אַחַ֤ת שָׁאַ֣לְתִּי מֵאֵת־יְהֹוָה֮ אוֹתָ֢הּ אֲבַ֫קֵּ֥שׁ בעבר בפי, ובעתיד תמיד בלבי12 שִׁבְתִּ֣י בְּבֵית־יְ֭הֹוָה כׇּל־יְמֵ֣י חַיַּ֑י בלי טרדות המלחמה13 לַחֲז֥וֹת בְּנֹעַם־יְ֝הֹוָ֗ה להשיג סודות בריאתו14 וּלְבַקֵּ֥ר בְּהֵֽיכָלֽוֹ׃ להיראות שם בכל יום בבוקר [ב. לדרוש בהיכלו15]16
ה. כִּ֤י יִצְפְּנֵ֨נִי בְּסֻכֹּה֮ אין לי ספק שבית מקדשו יסתירני17 בְּי֢וֹם רָ֫עָ֥ה כשיחשבו להרע לי18 יַ֭סְתִּרֵנִי בְּסֵ֣תֶר אׇהֳל֑וֹ הסתר גמור, יותר מן הסוכה19 בְּ֝צ֗וּר יְרוֹמְמֵֽנִי׃ למקום שיד אויבי לא תשיגו20
ו. וְעַתָּ֨ה יָר֪וּם רֹאשִׁ֡י כשאנצל21 עַ֤ל אֹיְבַ֬י סְֽבִיבוֹתַ֗י הקרובים אלי22 וְאֶזְבְּחָ֣ה בְ֭אׇהֳלוֹ זִבְחֵ֣י תְרוּעָ֑ה זבחים שיש עליהם שיר בעת הקרבתם בשמחה על הנצחון23 אָשִׁ֥ירָה וַ֝אֲזַמְּרָ֗ה לַֽיהֹוָֽה׃ על כל החסד שעשה עמי24
ז. שְׁמַע־יְהֹוָ֖ה קוֹלִ֥י אֶקְרָ֗א25 וְחׇנֵּ֥נִי וַעֲנֵֽנִי׃ זו השאלה ששאלתי26
ח. לְךָ֤ אָמַ֣ר לִ֭בִּי בשליחותך ובעבורך, כך אומר לי לבי27 בַּקְּשׁ֣וּ פָנָ֑י קריאה לכל ישראל, ואני שומע ללבי28 אֶת־פָּנֶ֖יךָ יְהֹוָ֣ה אֲבַקֵּֽשׁ׃29
ט. אַל־תַּסְתֵּ֬ר פָּנֶ֨יךָ מִמֶּנִּי֮ אַ֥ל תַּט־בְּאַ֗ף עַ֫בְדֶּ֥ךָ שלא ייפול בכעסך [ב. כשאכעס על אויבי30]31 עֶזְרָתִ֥י הָיִ֑יתָ עד עתה, בצרכי הגוף32 אַֽל־תִּטְּשֵׁ֥נִי וְאַל־תַּ֝עַזְבֵ֗נִי33 אֱלֹהֵ֥י יִשְׁעִֽי׃ כשם שהצלתני מצרי34
י. כִּֽי־אָבִ֣י וְאִמִּ֣י עֲזָב֑וּנִי בשעת תשמיש נתכוונו להנאתם, וכיון שגמרו פנה כל אחד לדרכו [ב. במותם35]36 וַֽיהֹוָ֣ה יַאַסְפֵֽנִי׃ שומר על הטפה עד שנוצר העובר37
יא. ה֤וֹרֵ֥נִי יְהֹוָ֗ה דַּ֫רְכֶּ֥ךָ הכללית, שאדע לאן ללכת38 וּ֭נְחֵנִי בְּאֹ֣רַח מִישׁ֑וֹר בשביל הפרטי, וללא מכשולי היצר39 לְ֝מַ֗עַן שֽׁוֹרְרָֽי׃ הצופים בי בעין רעה40
יב. אַֽל־תִּ֭תְּנֵנִי בְּנֶ֣פֶשׁ צָרָ֑י בתאוות שונאי, שתתקיים עלי41 כִּ֥י קָמוּ־בִ֥י עֵדֵי־שֶׁ֝֗קֶר וִיפֵ֥חַ חָמָֽס׃ המשמיעים עלי שאני רשע ואיש דמים [ב. נותנים לי פח42]43
יג. לׅׄוּׅׄלֵׅ֗ׄאׅׄ הֶ֭אֱמַנְתִּי לִרְא֥וֹת בְּֽטוּב־יְהֹוָ֗ה בלי האמונה הזאת כבר כילו אותי עדי השקר44 בְּאֶ֣רֶץ חַיִּֽים׃ העולם הבא [ב. העולם הזה45]46
יד. קַוֵּ֗ה אֶל־יְ֫הֹוָ֥ה ואל תחשוש לדברי האויבים47 חֲ֭זַק וְיַאֲמֵ֣ץ לִבֶּ֑ךָ כי התקווה לה' נותנת אומץ לב48 וְ֝קַוֵּ֗ה אֶל־יְהֹוָֽה׃ פ ואם לא תיענה, חזור וקוה ובכל עת49