האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
המלך שמח בעזרת ה' ובוטח בחסדו א. המשיח מבקש חיים, ונאמר לו שכבר התנבא על כך דוד אביו [סוכה נב.] ב. המזמור נאמר על המלך המשיח, והאויבים הם גוג ומגוג ומחנהו [רד"ק, רש"י, המאירי] ג. המזמור נאמר על דוד, ואחד מן המשוררים אמרו עליו ברוח הקודש [רד"ק] ד. המזמור מספר הצלחות דוד מיום שנמשח למלך ועד שניצח את אויביו, ושני הפסוקים הראשונים הקדמה [מלבי"ם]
א. לַמְנַצֵּ֗חַ מִזְמ֥וֹר לְדָוִֽד׃
ב. יְֽהֹוָ֗ה בְּעׇזְּךָ֥ יִשְׂמַח־מֶ֑לֶךְ וּ֝בִישׁ֥וּעָתְךָ֗ מַה־[יָּ֥גֶל] (יגיל) מְאֹֽד׃
ג. תַּאֲוַ֣ת לִ֭בּוֹ נָתַ֣תָּה לּ֑וֹ וַאֲרֶ֥שֶׁת שְׂ֝פָתָ֗יו בַּל־מָנַ֥עְתָּ סֶּֽלָה׃
ד. כִּֽי־תְ֭קַדְּמֶנּוּ בִּרְכ֣וֹת ט֑וֹב תָּשִׁ֥ית לְ֝רֹאשׁ֗וֹ עֲטֶ֣רֶת פָּֽז׃
ה. חַיִּ֤ים שָׁאַ֣ל מִ֭מְּךָ נָתַ֣תָּה לּ֑וֹ אֹ֥רֶךְ יָ֝מִ֗ים עוֹלָ֥ם וָעֶֽד׃
ו. גָּד֣וֹל כְּ֭בוֹדוֹ בִּישׁוּעָתֶ֑ךָ ה֥וֹד וְ֝הָדָ֗ר תְּשַׁוֶּ֥ה עָלָֽיו׃
ז. כִּֽי־תְשִׁיתֵ֣הוּ בְרָכ֣וֹת לָעַ֑ד תְּחַדֵּ֥הוּ בְ֝שִׂמְחָ֗ה אֶת־פָּנֶֽיךָ׃
ח. כִּֽי־הַ֭מֶּלֶךְ בֹּטֵ֣חַ בַּיהֹוָ֑ה וּבְחֶ֥סֶד עֶ֝לְי֗וֹן בַּל־יִמּֽוֹט׃
ט. תִּמְצָ֣א יָ֭דְךָ לְכׇל־אֹיְבֶ֑יךָ יְ֝מִֽינְךָ֗ תִּמְצָ֥א שֹׂנְאֶֽיךָ׃
י. תְּשִׁיתֵ֤מוֹ כְּתַנּ֥וּר אֵשׁ֮ לְעֵ֢ת פָּ֫נֶ֥יךָ יְ֭הֹוָה בְּאַפּ֣וֹ יְבַלְּעֵ֑ם וְֽתֹאכְלֵ֥ם אֵֽשׁ׃
יא. פִּ֭רְיָמוֹ מֵאֶ֣רֶץ תְּאַבֵּ֑ד וְ֝זַרְעָ֗ם מִבְּנֵ֥י אָדָֽם׃
יב. כִּי־נָט֣וּ עָלֶ֣יךָ רָעָ֑ה חָֽשְׁב֥וּ מְ֝זִמָּ֗ה בַּל־יוּכָֽלוּ׃
יג. כִּ֭י תְּשִׁיתֵ֣מוֹ שֶׁ֑כֶם בְּ֝מֵֽיתָרֶ֗יךָ תְּכוֹנֵ֥ן עַל־פְּנֵיהֶֽם׃
יד. ר֣וּמָה יְהֹוָ֣ה בְּעֻזֶּ֑ךָ נָשִׁ֥ירָה וּֽ֝נְזַמְּרָ֗ה גְּבוּרָתֶֽךָ׃ פ
א. לַמְנַצֵּ֗חַ מִזְמ֥וֹר לְדָוִֽד׃ על הצלחות דוד1 [ב. על המלך המשיח2]3
ב. יְֽהֹוָ֗ה בְּעׇזְּךָ֥ יִשְׂמַח־מֶ֑לֶךְ שמחה תמידית4 וּ֝בִישׁ֥וּעָתְךָ֗ שאינה על ידי מלך אחר5 מַה־ [יָּ֥גֶל] (יגיל) מְאֹֽד׃67
ג. תַּאֲוַ֣ת לִ֭בּוֹ נָתַ֣תָּה לּ֑וֹ גם מה שלא ביקש8 וַאֲרֶ֥שֶׁת שְׂ֝פָתָ֗יו מה שביקש בפיו9 בַּל־מָנַ֥עְתָּ סֶּֽלָה׃ וכל שכן שלא מנעת דבר10
ד. כִּֽי־תְ֭קַדְּמֶנּוּ בִּרְכ֣וֹת ט֑וֹב קודם ששאל, ברכה על ידי נתן הנביא [ב. במשיחה על ידי שמואל11]12 תָּשִׁ֥ית לְ֝רֹאשׁ֗וֹ עֲטֶ֣רֶת פָּֽז׃ בכבוד קבוע ובגדלה1314
ה. חַיִּ֤ים שָׁאַ֣ל מִ֭מְּךָ הצלה מיד שאול15 נָתַ֣תָּה לּ֑וֹ החזרתו לארץ ישראל אֹ֥רֶךְ יָ֝מִ֗ים עוֹלָ֥ם וָעֶֽד׃ למלכותו [ב. בעולם הבא16]171819
ו. גָּד֣וֹל כְּ֭בוֹדוֹ בִּישׁוּעָתֶ֑ךָ בעיני כל העמים20 ה֥וֹד וְ֝הָדָ֗ר תְּשַׁוֶּ֥ה תשים21 עָלָֽיו׃ ונערך לו2223
ז. כִּֽי־תְשִׁיתֵ֣הוּ בְרָכ֣וֹת לָעַ֑ד יברכו בשמו אחרי מותו24 תְּחַדֵּ֥הוּ בְ֝שִׂמְחָ֗ה רוחנית25 אֶת־פָּנֶֽיךָ׃ בגן עדן [ב. בישיבתו לפניך26]27
ח. כִּֽי־הַ֭מֶּלֶךְ בֹּטֵ֣חַ בַּיהֹוָ֑ה ולא בגבורתו28 וּבְחֶ֥סֶד עֶ֝לְי֗וֹן שהוא עליון על הכול29 בַּל־יִמּֽוֹט׃30
ט. תִּמְצָ֣א יָ֭דְךָ לְכׇל־אֹיְבֶ֑יךָ תספיק מכת ידך31 יְ֝מִֽינְךָ֗ תִּמְצָ֥א שֹׂנְאֶֽיךָ׃ ולא יוכלו לברוח32
י. תְּשִׁיתֵ֤מוֹ כְּתַנּ֥וּר אֵשׁ֮ כעצים בתנור33 לְעֵ֢ת פָּ֫נֶ֥יךָ בעת זעמך34 יְ֭הֹוָה בְּאַפּ֣וֹ יְבַלְּעֵ֑ם תפלה שיבלעם באפו וְֽתֹאכְלֵ֥ם אֵֽשׁ׃ עד כליון35
יא. פִּ֭רְיָמוֹ מֵאֶ֣רֶץ תְּאַבֵּ֑ד מתפלל על אבדן זרעו של עמלק [ב. פרי מעשיהם36] וְ֝זַרְעָ֗ם מִבְּנֵ֥י אָדָֽם׃ ולא יישאר זכר3738
יב. כִּי־נָט֣וּ עָלֶ֣יךָ רָעָ֑ה נאמר על טיטוס הרשע שחירף לעשות נגדך רע39 חָֽשְׁב֥וּ מְ֝זִמָּ֗ה ואפילו רק במחשבה40 בַּל־יוּכָֽלוּ׃41
יג. כִּ֭י תְּשִׁיתֵ֣מוֹ שֶׁ֑כֶם תציבם בצד אחד [ב. חלק לישראל משללם42]43 בְּ֝מֵֽיתָרֶ֗יךָ בחבל הקשת44 תְּכוֹנֵ֥ן עַל־פְּנֵיהֶֽם׃ ותטה את חציך45
יד. ר֣וּמָה יְהֹוָ֣ה בְּעֻזֶּ֑ךָ על הקמים עלינו ותנקום46 נָשִׁ֥ירָה וּֽ֝נְזַמְּרָ֗ה גְּבוּרָתֶֽךָ׃ פ ואז נודה לך47