האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
בטחון בה' מנעורים, ובקשה שלא יעזבנו בזקנה א. דוד חיברו, והוא דבוק למזמור הקודם [אבן עזרא] ב. אין בו פתיחה "מזמור", ונאמר על צרת הגלות, ויש אומרים על צרותיו של דוד [המאירי] ג. נאמר בברחו מפני אבשלום, כדברי הרד"ק [אלשיך]
א. בְּךָֽ־יְהֹוָ֥ה חָסִ֑יתִי אַל־אֵב֥וֹשָׁה לְעוֹלָֽם׃
ב. בְּצִדְקָתְךָ֗ תַּצִּילֵ֥נִי וּֽתְפַלְּטֵ֑נִי הַטֵּֽה־אֵלַ֥י אׇ֝זְנְךָ֗ וְהוֹשִׁיעֵֽנִי׃
ג. הֱיֵ֤ה לִ֨י לְצ֥וּר מָע֡וֹן לָב֗וֹא תָּמִ֗יד צִוִּ֥יתָ לְהוֹשִׁיעֵ֑נִי כִּֽי־סַלְעִ֖י וּמְצוּדָתִ֣י אָֽתָּה׃
ד. אֱֽלֹהַ֗י פַּ֭לְּטֵנִי מִיַּ֣ד רָשָׁ֑ע מִכַּ֖ף מְעַוֵּ֣ל וְחוֹמֵֽץ׃
ה. כִּֽי־אַתָּ֥ה תִקְוָתִ֑י אֲדֹנָ֥י יֱ֝הֹוִ֗ה מִבְטַחִ֥י מִנְּעוּרָֽי׃
ו. עָלֶ֤יךָ נִסְמַ֬כְתִּי מִבֶּ֗טֶן מִמְּעֵ֣י אִ֭מִּי אַתָּ֣ה גוֹזִ֑י בְּךָ֖ תְהִלָּתִ֣י תָמִֽיד׃
ז. כְּ֭מוֹפֵת הָיִ֣יתִי לְרַבִּ֑ים וְ֝אַתָּ֗ה מַֽחֲסִי־עֹֽז׃
ח. יִמָּ֣לֵא פִ֭י תְּהִלָּתֶ֑ךָ כׇּל־הַ֝יּ֗וֹם תִּפְאַרְתֶּֽךָ׃
ט. אַֽל־תַּ֭שְׁלִיכֵנִי לְעֵ֣ת זִקְנָ֑ה כִּכְל֥וֹת כֹּ֝חִ֗י אַֽל־תַּעַזְבֵֽנִי׃
י. כִּֽי־אָמְר֣וּ אוֹיְבַ֣י לִ֑י וְשֹׁמְרֵ֥י נַ֝פְשִׁ֗י נוֹעֲצ֥וּ יַחְדָּֽו׃
יא. לֵ֭אמֹר אֱלֹהִ֣ים עֲזָב֑וֹ רִֽדְפ֥וּ וְ֝תִפְשׂ֗וּהוּ כִּי־אֵ֥ין מַצִּֽיל׃
יב. אֱ֭לֹהִים אַל־תִּרְחַ֣ק מִמֶּ֑נִּי אֱ֝לֹהַ֗י לְעֶזְרָ֥תִי (חישה) [חֽוּשָׁה]׃
יג. יֵבֹ֣שׁוּ יִכְלוּ֮ שֹׂטְנֵ֢י נַ֫פְשִׁ֥י יַעֲט֣וּ חֶ֭רְפָּה וּכְלִמָּ֑ה מְ֝בַקְשֵׁ֗י רָעָתִֽי׃
יד. וַ֭אֲנִי תָּמִ֣יד אֲיַחֵ֑ל וְ֝הוֹסַפְתִּ֗י עַל־כׇּל־תְּהִלָּתֶֽךָ׃
טו. פִּ֤י יְסַפֵּ֬ר צִדְקָתֶ֗ךָ כׇּל־הַיּ֥וֹם תְּשׁוּעָתֶ֑ךָ כִּ֤י לֹ֖א יָדַ֣עְתִּי סְפֹרֽוֹת׃
טז. אָב֗וֹא בִּ֭גְבֻרוֹת אֲדֹנָ֣י יֱהֹוִ֑ה אַזְכִּ֖יר צִדְקָתְךָ֣ לְבַדֶּֽךָ׃
יז. אֱֽלֹהִ֗ים לִמַּדְתַּ֥נִי מִנְּעוּרָ֑י וְעַד־הֵ֝֗נָּה אַגִּ֥יד נִפְלְאוֹתֶֽיךָ׃
יח. וְגַ֤ם עַד־זִקְנָ֨ה וְשֵׂיבָה֮ אֱלֹהִ֢ים אַֽל־תַּ֫עַזְבֵ֥נִי עַד־אַגִּ֣יד זְרוֹעֲךָ֣ לְד֑וֹר לְכׇל־יָ֝ב֗וֹא גְּבוּרָתֶֽךָ׃
יט. וְצִדְקָתְךָ֥ אֱלֹהִ֗ים עַד־מָ֫ר֥וֹם אֲשֶׁר־עָשִׂ֥יתָ גְדֹל֑וֹת אֱ֝לֹהִ֗ים מִ֣י כָמֽוֹךָ׃
כ. אֲשֶׁ֤ר (הראיתנו) [הִרְאִיתַ֨נִי] צָר֥וֹת רַבּ֗וֹת וְרָ֫ע֥וֹת תָּשׁ֥וּב (תחינו) [תְּחַיֵּ֑נִי] וּֽמִתְּהֹמ֥וֹת הָ֝אָ֗רֶץ תָּשׁ֥וּב תַּעֲלֵֽנִי׃
כא. תֶּ֤רֶב גְּֽדֻלָּתִ֗י וְתִסֹּ֥ב תְּֽנַחֲמֵֽנִי׃
כב. גַּם־אֲנִ֤י אוֹדְךָ֣ בִכְלִי־נֶבֶל֮ אֲמִתְּךָ֢ אֱלֹ֫הָ֥י אֲזַמְּרָ֣ה לְךָ֣ בְכִנּ֑וֹר קְ֝ד֗וֹשׁ יִשְׂרָאֵֽל׃
כג. תְּרַנֵּ֣נָּה שְׂ֭פָתַי כִּ֣י אֲזַמְּרָה־לָּ֑ךְ וְ֝נַפְשִׁ֗י אֲשֶׁ֣ר פָּדִֽיתָ׃
כד. גַּם־לְשׁוֹנִ֗י כׇּל־הַ֭יּוֹם תֶּהְגֶּ֣ה צִדְקָתֶ֑ךָ כִּי־בֹ֥שׁוּ כִי־חָ֝פְר֗וּ מְבַקְשֵׁ֥י רָעָתִֽי׃ פ
א. בְּךָֽ־יְהֹוָ֥ה חָסִ֑יתִי כבר בנעורי1 אַל־אֵב֥וֹשָׁה לְעוֹלָֽם׃ ולכן הושיעני גם עתה2
ב. בְּצִדְקָתְךָ֗ בחסד, ולא בגמול [ב. בדין צדק3]4 תַּצִּילֵ֥נִי וּֽתְפַלְּטֵ֑נִי מאויבי ומיצר הרע5 הַטֵּֽה־אֵלַ֥י אׇ֝זְנְךָ֗ וְהוֹשִׁיעֵֽנִי׃ ושמע תפילתי, שהיא תנאי לתשועה6
ג. הֱיֵ֤ה לִ֨י לְצ֥וּר מָע֡וֹן מדור להסתתר בו7 לָב֗וֹא תָּמִ֗יד להימלט שם בכל עת8 צִוִּ֥יתָ לְהוֹשִׁיעֵ֑נִי הצלת אותי כבר, על ידי שליחיך9 כִּֽי־סַלְעִ֖י וּמְצוּדָתִ֣י אָֽתָּה׃ כך היית מאז, ולכן אל תרפה10
ד. אֱֽלֹהַ֗י11 פַּ֭לְּטֵנִי מִיַּ֣ד רָשָׁ֑ע מאבשלום וסייעתו [ב. מן השטן12]13 מִכַּ֖ף מְעַוֵּ֣ל וְחוֹמֵֽץ׃ אף אם תפס אותי בכפו, בעוול ובחמס14
ה. כִּֽי־אַתָּ֥ה תִקְוָתִ֑י על העתיד15 אֲדֹנָ֥י יֱ֝הֹוִ֗ה מִבְטַחִ֥י מִנְּעוּרָֽי׃ ובעבר, מיום היותי על האדמה16
ו. עָלֶ֤יךָ נִסְמַ֬כְתִּי מִבֶּ֗טֶן עוד בהיותי עובר [ב. מעת לידתי17]18 מִמְּעֵ֣י אִ֭מִּי אַתָּ֣ה גוֹזִ֑י הוצאת והפרדת אותי מן המעיים19 בְּךָ֖ תְהִלָּתִ֣י תָמִֽיד׃ כי רק בך התהללתי20
ז. כְּ֭מוֹפֵת הָיִ֣יתִי לְרַבִּ֑ים אות אזהרה, שיפחדו רבים מצרה כצרתי21 וְ֝אַתָּ֗ה מַֽחֲסִי־עֹֽז׃ אבל אתה מחסה, ולא כלו הצרות22
ח. יִמָּ֣לֵא פִ֭י תְּהִלָּתֶ֑ךָ ולכן23 כׇּל־הַ֝יּ֗וֹם תִּפְאַרְתֶּֽךָ׃ בנסים שבהם אתה מתפאר24
ט. אַֽל־תַּ֭שְׁלִיכֵנִי לְעֵ֣ת זִקְנָ֑ה כשם שעזרת לי בנעורי25 כִּכְל֥וֹת כֹּ֝חִ֗י כשיפסק כוחי הטבעי26 אַֽל־תַּעַזְבֵֽנִי׃ שלא יאמרו שבכוחי הצלתי27
י. כִּֽי־אָמְר֣וּ אוֹיְבַ֣י לִ֑י ישירות אלי [ב. עלי28]29 וְשֹׁמְרֵ֥י נַ֝פְשִׁ֗י נוֹעֲצ֥וּ יַחְדָּֽו׃ הרוצים להרגני, בינם לבין עצמם30
יא. לֵ֭אמֹר אֱלֹהִ֣ים עֲזָב֑וֹ ולכן הם סבורים שאינם נתבעים לדין על רדיפתו, כי הוא כבר חטא31 רִֽדְפ֥וּ וְ֝תִפְשׂ֗וּהוּ כִּי־אֵ֥ין מַצִּֽיל׃ כי אין ה' עמו, ותש כוחו32
יב. אֱ֭לֹהִים אַל־תִּרְחַ֣ק מִמֶּ֑נִּי עמוד קרוב אלי, אף אם כוחי כלה33 אֱ֝לֹהַ֗י לְעֶזְרָ֥תִי (חישה) [חֽוּשָׁה] ׃ מהר ולא בעיכוב34
יג. יֵבֹ֣שׁוּ יִכְלוּ֮ שֹׂטְנֵ֢י נַ֫פְשִׁ֥י בראותם שה' עמדי, אלה המקטרגים עלי35 יַעֲט֣וּ חֶ֭רְפָּה וּכְלִמָּ֑ה מְ֝בַקְשֵׁ֗י רָעָתִֽי׃ אלה שהוציאו עלי דבה36
יד. וַ֭אֲנִי תָּמִ֣יד אֲיַחֵ֑ל לישועתך, אף אם תתאחר37 וְ֝הוֹסַפְתִּ֗י עַל־כׇּל־תְּהִלָּתֶֽךָ׃ שבח חדש על כל נס38
טו. פִּ֤י יְסַפֵּ֬ר צִדְקָתֶ֗ךָ על הנסים שעשית לי ולאחרים39 כׇּל־הַיּ֥וֹם תְּשׁוּעָתֶ֑ךָ כי אני נושע בכל רגע40 כִּ֤י לֹ֖א יָדַ֣עְתִּי סְפֹרֽוֹת׃ מספר הצדקות והתשועות שנעשו עמי41
טז. אָב֗וֹא להודות ולהלל42 בִּ֭גְבֻרוֹת אֲדֹנָ֣י יֱהֹוִ֑ה על גבורותיך [ב. בעזרתן, בכל מקום43]44 אַזְכִּ֖יר צִדְקָתְךָ֣ לְבַדֶּֽךָ׃ ולא את צדקותי שלי45
יז. אֱֽלֹהִ֗ים לִמַּדְתַּ֥נִי מִנְּעוּרָ֑י הוריתני והראיתני נסים46 וְעַד־הֵ֝֗נָּה אַגִּ֥יד נִפְלְאוֹתֶֽיךָ׃ לבני האדם, מעל הטבע47
יח. וְגַ֤ם עַד־זִקְנָ֨ה וְשֵׂיבָה֮ כשאגיע לשיבה, שהיא מתקדמת מן הזקנה48 אֱלֹהִ֢ים אַֽל־תַּ֫עַזְבֵ֥נִי כדי שיכירו שהכוח ממך49 עַד־אַגִּ֣יד זְרוֹעֲךָ֣ לְד֑וֹר תוקף כוחך, לדור זה50 לְכׇל־יָ֝ב֗וֹא גְּבוּרָתֶֽךָ׃ לכל מי שיבוא אלי51
יט. וְצִדְקָתְךָ֥ אֱלֹהִ֗ים עַד־מָ֫ר֥וֹם אגיד לדור גם את צדקתך, שגבוהה עד מרום52 אֲשֶׁר־עָשִׂ֥יתָ גְדֹל֑וֹת מן הארץ למרום53 אֱ֝לֹהִ֗ים מִ֣י כָמֽוֹךָ׃ אין כוח היכול לעשות כך54
כ. אֲשֶׁ֤ר (הראיתנו) [הִרְאִיתַ֨נִי] צָר֥וֹת רַבּ֗וֹת וְרָ֫ע֥וֹת שאתה הבאת עלי55 תָּשׁ֥וּב (תחינו) [תְּחַיֵּ֑נִי] ותחזיר לי חיים, אחרי שהתייאשו כולם ממני [ב. בתחיית המתים56]57 וּֽמִתְּהֹמ֥וֹת הָ֝אָ֗רֶץ תָּשׁ֥וּב תַּעֲלֵֽנִי׃ מתכלית השפלות אל הגדולה58
כא. תֶּ֤רֶב גְּֽדֻלָּתִ֗י ולא רק תצילני59 וְתִסֹּ֥ב תְּֽנַחֲמֵֽנִי׃ ותגרום נחמה על הצרות שעברו60
כב. גַּם־אֲנִ֤י אוֹדְךָ֣ בִכְלִי־נֶבֶל֮ במיטב השיר, כשם שתרבה גדולתי61 אֲמִתְּךָ֢ אֱלֹ֫הָ֥י על האמת שחובה להודות עליה62 אֲזַמְּרָ֣ה לְךָ֣ בְכִנּ֑וֹר בלי להתגאות63 קְ֝ד֗וֹשׁ יִשְׂרָאֵֽל׃ שבחים כוללים, מצד קדושתך64
כג. תְּרַנֵּ֣נָּה שְׂ֭פָתַי בזמרת הפה65 כִּ֣י אֲזַמְּרָה־לָּ֑ךְ ויתלווה אליהן קול הכנור66 וְ֝נַפְשִׁ֗י אֲשֶׁ֣ר פָּדִֽיתָ׃ תרנן גם היא, מעמקי הלב67
כד. גַּם־לְשׁוֹנִ֗י כׇּל־הַ֭יּוֹם תֶּהְגֶּ֣ה צִדְקָתֶ֑ךָ בהגיון ובעיון, גם בלי כלי נגינה68 כִּי־בֹ֥שׁוּ כִי־חָ֝פְר֗וּ מְבַקְשֵׁ֥י רָעָתִֽי׃ פ שנכלמו מאד בנסיך69