האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
הכרת מלכות ה' והנהגתו בעולם א. חיברו מנשה בן חזקיה אחרי שנלכד ושב לירושלים, והוא נחלק לארבעה חלקים [מלבי"ם] ב. אין המחבר נזכר, ויתכן שהוא אחד המשוררים [אבן עזרא] ג. המשורר מדבר אל ישראל בגלות ואל העמים המשעבדים אותם [אלשיך]
א. לַ֭מְנַצֵּחַ שִׁ֣יר מִזְמ֑וֹר הָרִ֥יעוּ לֵ֝אלֹהִ֗ים כׇּל־הָאָֽרֶץ׃
ב. זַמְּר֥וּ כְבֽוֹד־שְׁמ֑וֹ שִׂ֥ימוּ כָ֝ב֗וֹד תְּהִלָּתֽוֹ׃
ג. אִמְר֣וּ לֵ֭אלֹהִים מַה־נּוֹרָ֣א מַעֲשֶׂ֑יךָ בְּרֹ֥ב עֻ֝זְּךָ֗ יְֽכַחֲשׁ֖וּ לְךָ֣ אֹיְבֶֽיךָ׃
ד. כׇּל־הָאָ֤רֶץ יִשְׁתַּחֲו֣וּ לְ֭ךָ וִיזַמְּרוּ־לָ֑ךְ יְזַמְּר֖וּ שִׁמְךָ֣ סֶֽלָה׃
ה. לְכ֣וּ וּ֭רְאוּ מִפְעֲל֣וֹת אֱלֹהִ֑ים נוֹרָ֥א עֲ֝לִילָ֗ה עַל־בְּנֵ֥י אָדָֽם׃
ו. הָ֤פַךְ יָ֨ם לְֽיַבָּשָׁ֗ה בַּ֭נָּהָר יַעַבְר֣וּ בְרָ֑גֶל שָׁ֝֗ם נִשְׂמְחָה־בּֽוֹ׃
ז. מֹ֘שֵׁ֤ל בִּגְבוּרָת֨וֹ עוֹלָ֗ם עֵ֭ינָיו בַּגּוֹיִ֣ם תִּצְפֶּ֑ינָה הַסּוֹרְרִ֓ים אַל־[יָר֖וּמוּ] (ירימו) לָ֣מוֹ סֶֽלָה׃
ח. בָּרְכ֖וּ עַמִּ֥ים אֱלֹהֵ֑ינוּ וְ֝הַשְׁמִ֗יעוּ ק֣וֹל תְּהִלָּתֽוֹ׃
ט. הַשָּׂ֣ם נַ֭פְשֵׁנוּ בַּחַיִּ֑ים וְלֹֽא־נָתַ֖ן לַמּ֣וֹט רַגְלֵֽנוּ׃
י. כִּֽי־בְחַנְתָּ֥נוּ אֱלֹהִ֑ים צְ֝רַפְתָּ֗נוּ כִּצְרׇף־כָּֽסֶף׃
יא. הֲבֵאתָ֥נוּ בַמְּצוּדָ֑ה שַׂ֖מְתָּ מוּעָקָ֣ה בְמׇתְנֵֽינוּ׃
יב. הִרְכַּ֥בְתָּֽ אֱנ֗וֹשׁ לְרֹ֫אשֵׁ֥נוּ בָּֽאנוּ־בָאֵ֥שׁ וּבַמַּ֑יִם וַ֝תּוֹצִיאֵ֗נוּ לָרְוָיָֽה׃
יג. אָב֣וֹא בֵיתְךָ֣ בְעוֹל֑וֹת אֲשַׁלֵּ֖ם לְךָ֣ נְדָרָֽי׃
יד. אֲשֶׁר־פָּצ֥וּ שְׂפָתָ֑י וְדִבֶּר־פִּ֝֗י בַּצַּר־לִֽי׃
טו. עֹ֘ל֤וֹת מֵיחִ֣ים אַֽעֲלֶה־לָּ֭ךְ עִם־קְטֹ֣רֶת אֵילִ֑ים אֶ֥עֱשֶֽׂה־בָקָ֖ר עִם־עַתּוּדִ֣ים סֶֽלָה׃
טז. לְכוּ־שִׁמְע֣וּ וַ֭אֲסַפְּרָה כׇּל־יִרְאֵ֣י אֱלֹהִ֑ים אֲשֶׁ֖ר עָשָׂ֣ה לְנַפְשִֽׁי׃
יז. אֵלָ֥יו פִּֽי־קָרָ֑אתִי וְ֝רוֹמַ֗ם תַּ֣חַת לְשׁוֹנִֽי׃
יח. אָ֭וֶן אִם־רָאִ֣יתִי בְלִבִּ֑י לֹ֖א יִשְׁמַ֣ע אֲדֹנָֽי׃
יט. אָ֭כֵן שָׁמַ֣ע אֱלֹהִ֑ים הִ֝קְשִׁ֗יב בְּק֣וֹל תְּפִלָּתִֽי׃
כ. בָּר֥וּךְ אֱלֹהִ֑ים אֲשֶׁ֥ר לֹֽא־הֵסִ֘יר־תְּפִלָּתִ֥י וְ֝חַסְדּ֗וֹ מֵאִתִּֽי׃ פ
א. לַ֭מְנַצֵּחַ שִׁ֣יר מִזְמ֑וֹר בשלושה מיני זמר, כנגד שלוש ישועות1 הָרִ֥יעוּ לֵ֝אלֹהִ֗ים קבלו את מלכותו2 כׇּל־הָאָֽרֶץ׃3
ב. זַמְּר֥וּ כְבֽוֹד־שְׁמ֑וֹ הזמר הוא בכבוד, או סיפור הכבוד בשיר4 שִׂ֥ימוּ כָ֝ב֗וֹד תְּהִלָּתֽוֹ׃ כי בתהילתו אתם מתכבדים56
ג. אִמְר֣וּ לֵ֭אלֹהִים בפניו7 מַה־נּוֹרָ֣א מַעֲשֶׂ֑יךָ כל אחד מהם מעורר יראה8 בְּרֹ֥ב עֻ֝זְּךָ֗9 יְֽכַחֲשׁ֖וּ לְךָ֣ אֹיְבֶֽיךָ׃ מרוב אימה מודים הרשעים בשקריהם [ב. מכחישים אותך10]11
ד. כׇּל־הָאָ֤רֶץ יִשְׁתַּחֲו֣וּ לְ֭ךָ לימות המשיח12 וִיזַמְּרוּ־לָ֑ךְ מצד עצמותך13 יְזַמְּר֖וּ שִׁמְךָ֣ על פרסום מעשיך14 סֶֽלָה׃ ולעולם לא יחזרו לסורם15
ה. לְכ֣וּ וּ֭רְאוּ מִפְעֲל֣וֹת אֱלֹהִ֑ים כך יאמרו ישראל זה לזה [ב. נקראים העמים לראות16]17 נוֹרָ֥א עֲ֝לִילָ֗ה עַל־בְּנֵ֥י אָדָֽם׃ בהשפעת השגחתו עליהם [ב. שמא ימצא בהם פשע18]19
ו. הָ֤פַךְ יָ֨ם לְֽיַבָּשָׁ֗ה ים סוף, ביציאת מצרים20 בַּ֭נָּהָר יַעַבְר֣וּ בְרָ֑גֶל הוא הירדן, בימי יהושע21 שָׁ֝֗ם נִשְׂמְחָה־בּֽוֹ׃ בישועה שבאה משם [ב. הים שמח22]23
ז. מֹ֘שֵׁ֤ל בִּגְבוּרָת֨וֹ עוֹלָ֗ם בלי הפסק [ב. על כל העולם24]25 עֵ֭ינָיו בַּגּוֹיִ֣ם תִּצְפֶּ֑ינָה להענישם על מה שהרעו לישראל26 הַסּוֹרְרִ֓ים אַל־ [יָר֖וּמוּ] (ירימו) בל יתנשאו, ולא יאמרו שעיניו אינן רואות2728 לָ֣מוֹ סֶֽלָה׃29
ח. בָּרְכ֖וּ עַמִּ֥ים אֱלֹהֵ֑ינוּ על נפלאותיו, שקיים אותנו [ב. עמי ישראל30]31 וְ֝הַשְׁמִ֗יעוּ ק֣וֹל תְּהִלָּתֽוֹ׃ והכריזו אותה לרבים32
ט. הַשָּׂ֣ם נַ֭פְשֵׁנוּ בַּחַיִּ֑ים אף שהיינו בסכנה33 וְלֹֽא־נָתַ֖ן לַמּ֣וֹט רַגְלֵֽנוּ׃ שלא נאבד [ב. נשארנו בדרך ה'34]35
י. כִּֽי־בְחַנְתָּ֥נוּ אֱלֹהִ֑ים בצרות הגלות36 צְ֝רַפְתָּ֗נוּ כִּצְרׇף־כָּֽסֶף׃ ניקוי הסיגים, וכך נשוב בתשובה37
יא. הֲבֵאתָ֥נוּ בַמְּצוּדָ֑ה אל צרה כמו במאסר38 שַׂ֖מְתָּ מוּעָקָ֣ה בְמׇתְנֵֽינוּ׃ ולחצת עלינו כחגורה39
יב. הִרְכַּ֥בְתָּֽ אֱנ֗וֹשׁ לְרֹ֫אשֵׁ֥נוּ השלטת עלינו מלכי כל אומה40 בָּֽאנוּ־בָאֵ֥שׁ וּבַמַּ֑יִם בצרות משונות זו מזו4142 וַ֝תּוֹצִיאֵ֗נוּ לָרְוָיָֽה׃ אל ארץ רויה [ב. לשביעה43]44
יג. אָב֣וֹא בֵיתְךָ֣ בְעוֹל֑וֹת כשייבנה בית המקדש, בשם כל העם45 אֲשַׁלֵּ֖ם לְךָ֣ נְדָרָֽי׃ את מה שנדרתי בגלות46
יד. אֲשֶׁר־פָּצ֥וּ שְׂפָתָ֑י כשפתחתי לנדור47 וְדִבֶּר־פִּ֝֗י בַּצַּר־לִֽי׃ ואמרתי שאעלה עולות48
טו. עֹ֘ל֤וֹת מֵיחִ֣ים אַֽעֲלֶה־לָּ֭ךְ כבשים שמנים ומלאי מוח49 עִם־קְטֹ֣רֶת אֵילִ֑ים של אילים גדולים50 אֶ֥עֱשֶֽׂה ־ בָקָ֖ר עִם־עַתּוּדִ֣ים סֶֽלָה׃ בעין יפה, ולא יופסק לעולם5152
טז. לְכוּ־שִׁמְע֣וּ53 וַ֭אֲסַפְּרָה כׇּל־יִרְאֵ֣י אֱלֹהִ֑ים אלה הגרים העתידים להתגייר54 אֲשֶׁ֖ר עָשָׂ֣ה לְנַפְשִֽׁי׃ וממנו תלמדו שגם לכם יעשה כך55
יז. אֵלָ֥יו פִּֽי־קָרָ֑אתִי בגלות קראתי אליו וסיפרתי רוממותו56 וְ֝רוֹמַ֗ם תַּ֣חַת לְשׁוֹנִֽי׃ עוד במחשבה57
יח. אָ֭וֶן אִם־רָאִ֣יתִי בְלִבִּ֑י אילו חשבתי לעשות עוול58 לֹ֖א יִשְׁמַ֣ע אֲדֹנָֽי׃ כמי שאינו שומע ואינו רואה את האון שבלבבנו59
יט. אָ֭כֵן שָׁמַ֣ע אֱלֹהִ֑ים בוודאות, עוד לפני שדיברתי60 הִ֝קְשִׁ֗יב בְּק֣וֹל תְּפִלָּתִֽי׃ וקיבל אותי בתשובה61
כ. בָּר֥וּךְ אֱלֹהִ֑ים על שעזר לי להתפלל62 אֲשֶׁ֥ר לֹֽא־הֵסִ֘יר ־ תְּפִלָּתִ֥י לא דחה אותה מלפניו63 וְ֝חַסְדּ֗וֹ מֵאִתִּֽי׃ פ לא הסיר [ב. מחסדו הגדול, לא מן הדין64]65