האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
ה' מזמין את השמים והארץ למשפט עמו א. מה שנאמר לרשע "מה לך לספר חוקי" נאמר לדואג [סנהדרין קו:] ב. ה' קורא לשמים ולארץ לפקוד על שרי האומות ולנקום נקמת עמו [רש"י] ג. תוכחה לחנפים וצבועים, העושים תועבות ומראים עצמם צדיקים בקרבנות רבים [מלבי"ם] ד. בא להסיר הרהורים על שליטת ה' בעולם ועל חפצו בקרבנות [אלשיך] ה. מוכיח תחילה את החסידים ואחר כך את הרשע [אבן עזרא]
א. מִזְמ֗וֹר לְאָ֫סָ֥ף אֵ֤ל אֱֽלֹהִ֡ים יְֽהֹוָ֗ה דִּבֶּ֥ר וַיִּקְרָא־אָ֑רֶץ מִמִּזְרַח־שֶׁ֝֗מֶשׁ עַד־מְבֹאֽוֹ׃
ב. מִצִּיּ֥וֹן מִכְלַל־יֹ֗פִי אֱלֹהִ֥ים הוֹפִֽיעַ׃
ג. יָ֤בֹ֥א אֱלֹהֵ֗ינוּ וְֽאַל־יֶ֫חֱרַ֥שׁ אֵשׁ־לְפָנָ֥יו תֹּאכֵ֑ל וּ֝סְבִיבָ֗יו נִשְׂעֲרָ֥ה מְאֹֽד׃
ד. יִקְרָ֣א אֶל־הַשָּׁמַ֣יִם מֵעָ֑ל וְאֶל־הָ֝אָ֗רֶץ לָדִ֥ין עַמּֽוֹ׃
ה. אִסְפוּ־לִ֥י חֲסִידָ֑י כֹּרְתֵ֖י בְרִיתִ֣י עֲלֵי־זָֽבַח׃
ו. וַיַּגִּ֣ידוּ שָׁמַ֣יִם צִדְק֑וֹ כִּֽי־אֱלֹהִ֓ים שֹׁפֵ֖ט ה֣וּא סֶֽלָה׃
ז. שִׁמְעָ֤ה עַמִּ֨י וַאֲדַבֵּ֗רָה יִ֭שְׂרָאֵל וְאָעִ֣ידָה בָּ֑ךְ אֱלֹהִ֖ים אֱלֹהֶ֣יךָ אָנֹֽכִי׃
ח. לֹ֣א עַל־זְ֭בָחֶיךָ אוֹכִיחֶ֑ךָ וְעוֹלֹתֶ֖יךָ לְנֶגְדִּ֣י תָמִֽיד׃
ט. לֹא־אֶקַּ֣ח מִבֵּיתְךָ֣ פָ֑ר מִ֝מִּכְלְאֹתֶ֗יךָ עַתּוּדִֽים׃
י. כִּי־לִ֥י כׇל־חַיְתוֹ־יָ֑עַר בְּ֝הֵמ֗וֹת בְּהַרְרֵי־אָֽלֶף׃
יא. יָ֭דַעְתִּי כׇּל־ע֣וֹף הָרִ֑ים וְזִ֥יז שָׂ֝דַ֗י עִמָּדִֽי׃
יב. אִם־אֶ֭רְעַב לֹא־אֹ֣מַר לָ֑ךְ כִּי־לִ֥י תֵ֝בֵ֗ל וּמְלֹאָֽהּ׃
יג. הַ֭אוֹכַל בְּשַׂ֣ר אַבִּירִ֑ים וְדַ֖ם עַתּוּדִ֣ים אֶשְׁתֶּֽה׃
יד. זְבַ֣ח לֵאלֹהִ֣ים תּוֹדָ֑ה וְשַׁלֵּ֖ם לְעֶלְי֣וֹן נְדָרֶֽיךָ׃
טו. וּ֭קְרָאֵנִי בְּי֣וֹם צָרָ֑ה אֲ֝חַלֶּצְךָ֗ וּֽתְכַבְּדֵֽנִי׃
טז. וְלָ֤רָשָׁ֨ע אָ֘מַ֤ר אֱלֹהִ֗ים מַה־לְּ֭ךָ לְסַפֵּ֣ר חֻקָּ֑י וַתִּשָּׂ֖א בְרִיתִ֣י עֲלֵי־פִֽיךָ׃
יז. וְ֭אַתָּה שָׂנֵ֣אתָ מוּסָ֑ר וַתַּשְׁלֵ֖ךְ דְּבָרַ֣י אַחֲרֶֽיךָ׃
יח. אִם־רָאִ֣יתָ גַ֭נָּב וַתִּ֣רֶץ עִמּ֑וֹ וְעִ֖ם מְנָאֲפִ֣ים חֶלְקֶֽךָ׃
יט. פִּ֭יךָ שָׁלַ֣חְתָּ בְרָעָ֑ה וּ֝לְשׁוֹנְךָ֗ תַּצְמִ֥יד מִרְמָֽה׃
כ. תֵּ֭שֵׁב בְּאָחִ֣יךָ תְדַבֵּ֑ר בְּבֶֽן־אִ֝מְּךָ֗ תִּתֶּן־דֹּֽפִי׃
כא. אֵ֤לֶּה עָשִׂ֨יתָ וְֽהֶחֱרַ֗שְׁתִּי דִּמִּ֗יתָ הֱיֽוֹת־אֶהְיֶ֥ה כָמ֑וֹךָ אוֹכִיחֲךָ֖ וְאֶעֶרְכָ֣ה לְעֵינֶֽיךָ׃
כב. בִּינוּ־נָ֣א זֹ֭את שֹׁכְחֵ֣י אֱל֑וֹהַּ פֶּן־אֶ֝טְרֹ֗ף וְאֵ֣ין מַצִּֽיל׃
כג. זֹבֵ֥חַ תּוֹדָ֗ה יְֽכַ֫בְּדָ֥נְנִי וְשָׂ֥ם דֶּ֑רֶךְ אַ֝רְאֶ֗נּוּ בְּיֵ֣שַׁע אֱלֹהִֽים׃ פ
א. מִזְמ֗וֹר לְאָ֫סָ֥ף שחיברו ברוח הקודש1 אֵ֤ל אֱֽלֹהִ֡ים יְֽהֹוָ֗ה הוא אדון האלהים2 דִּבֶּ֥ר וַיִּקְרָא־אָ֑רֶץ והזמין את יושביה3 מִמִּזְרַח־שֶׁ֝֗מֶשׁ עַד־מְבֹאֽוֹ׃ בכל היישוב4
ב. מִצִּיּ֥וֹן מִכְלַל־יֹ֗פִי הכלול ביופי56 אֱלֹהִ֥ים הוֹפִֽיעַ׃ ומשם ישפוט את החנפים7
ג. יָ֤בֹ֥א אֱלֹהֵ֗ינוּ בעצמו8 וְֽאַל־יֶ֫חֱרַ֥שׁ על רציחת עבדיו9 אֵשׁ־לְפָנָ֥יו תֹּאכֵ֑ל ותשרוף הכול10 וּ֝סְבִיבָ֗יו נִשְׂעֲרָ֥ה מְאֹֽד׃ ברוח סערה11
ד. יִקְרָ֣א אֶל־הַשָּׁמַ֣יִם מֵעָ֑ל המלאכים12 וְאֶל־הָ֝אָ֗רֶץ13 לָדִ֥ין עַמּֽוֹ׃ ודין זה הוא נקמת העם בצריו14
ה. אִסְפוּ־לִ֥י חֲסִידָ֑י15 כֹּרְתֵ֖י בְרִיתִ֣י עֲלֵי־זָֽבַח׃ שהתחייבו לתורה במעמד הברית והזבח [ב. החושבים שזבח מפייס16]17
ו. וַיַּגִּ֣ידוּ שָׁמַ֣יִם צִדְק֑וֹ מלאכי מרום18 כִּֽי־אֱלֹהִ֓ים שֹׁפֵ֖ט ה֣וּא בצדק ולעולם19 סֶֽלָה׃ סוף הקריאה20
ז. שִׁמְעָ֤ה עַמִּ֨י21 וַאֲדַבֵּ֗רָה ואברר לך בשכל22 יִ֭שְׂרָאֵל23 וְאָעִ֣ידָה בָּ֑ךְ ואזהיר אותך בעונש24 אֱלֹהִ֖ים אֱלֹהֶ֣יךָ אָנֹֽכִי׃ ואשגיח עליך במיוחד25
ח. לֹ֣א עַל־זְ֭בָחֶיךָ אוֹכִיחֶ֑ךָ אם לא תקריבם26 וְעוֹלֹתֶ֖יךָ לְנֶגְדִּ֣י תָמִֽיד׃ שאתה מתמיד בהן [ב. ואף אם אינך מביאן תמיד27]28
ט. לֹא־אֶקַּ֣ח מִבֵּיתְךָ֣ פָ֑ר הרכוש הזה לא בבעלותך אלא שלי29 מִ֝מִּכְלְאֹתֶ֗יךָ עַתּוּדִֽים׃ מדיר הצאן, מזכרי העזים30
י. כִּי־לִ֥י כׇל־חַיְתוֹ־יָ֑עַר אף אלה שאינם בידך31 בְּ֝הֵמ֗וֹת בְּהַרְרֵי־אָֽלֶף׃ שור, שאלף הרים מתחדשים לו כל יום [ב. הרים מלאים בקר32]333435
יא. יָ֭דַעְתִּי כׇּל־ע֣וֹף הָרִ֑ים אף שרבים מדי לאדם36 וְזִ֥יז שָׂ֝דַ֗י עִמָּדִֽי׃ רמש, שנקרא כך מפני תנועתו ממקום למקום [ב. עוף ענק37]38
יב. אִם־אֶ֭רְעַב לֹא־אֹ֣מַר לָ֑ךְ להאכיל אותי39 כִּי־לִ֥י תֵ֝בֵ֗ל וּמְלֹאָֽהּ׃ ואין לי צורך באחרים40
יג. הַ֭אוֹכַל בְּשַׂ֣ר אַבִּירִ֑ים הלא אין אכילה לפניי41 וְדַ֖ם עַתּוּדִ֣ים אֶשְׁתֶּֽה׃ לא למאכל, אלא לנחת רוח מקיום רצוני42
יד. זְבַ֣ח לֵאלֹהִ֣ים תּוֹדָ֑ה הזבח החפץ לי הוא וידוי ושוב אליי43 וְשַׁלֵּ֖ם לְעֶלְי֣וֹן נְדָרֶֽיךָ׃44
טו. וּ֭קְרָאֵנִי בְּי֣וֹם צָרָ֑ה אֲ֝חַלֶּצְךָ֗ גם בלי תפילה קודמת45 וּֽתְכַבְּדֵֽנִי׃ כבודי הוא בהצלת הבוטחים בי [ב. תספר ברבים על התשועה46]47
טז. וְלָ֤רָשָׁ֨ע אָ֘מַ֤ר אֱלֹהִ֗ים החושב לשחדו בקרבנות48 מַה־לְּ֭ךָ לְסַפֵּ֣ר חֻקָּ֑י ואינך שומרם49 וַתִּשָּׂ֖א בְרִיתִ֣י עֲלֵי־פִֽיךָ׃50
יז. וְ֭אַתָּה שָׂנֵ֣אתָ מוּסָ֑ר ובעיקר מצוות השכל51 וַתַּשְׁלֵ֖ךְ דְּבָרַ֣י אַחֲרֶֽיךָ׃ כדבר שאינך רוצה לראותו52
יח. אִם־רָאִ֣יתָ גַ֭נָּב וַתִּ֣רֶץ עִמּ֑וֹ התרצית ללכת עם הגנב53 וְעִ֖ם מְנָאֲפִ֣ים חֶלְקֶֽךָ׃ ובחרת בשותפות עמהם54
יט. פִּ֭יךָ שָׁלַ֣חְתָּ בְרָעָ֑ה לרעת אחרים55 וּ֝לְשׁוֹנְךָ֗ תַּצְמִ֥יד מִרְמָֽה׃ מרגיל אותה ברמיה56
כ. תֵּ֭שֵׁב בְּאָחִ֣יךָ תְדַבֵּ֑ר בין אנשים57 בְּבֶֽן־אִ֝מְּךָ֗ תִּתֶּן־דֹּֽפִי׃ שאינו חולק עמך בירושת האב58
כא. אֵ֤לֶּה עָשִׂ֨יתָ וְֽהֶחֱרַ֗שְׁתִּי כי ארך אפיים אני5960 דִּמִּ֗יתָ הֱיֽוֹת־אֶהְיֶ֥ה כָמ֑וֹךָ חשבת שאסכים למעשיך הרעים [ב. ושאיני יודע נסתרות61]62 אוֹכִיחֲךָ֖63 וְאֶעֶרְכָ֣ה לְעֵינֶֽיךָ׃ את מעשיך מסודרים64
כב. בִּינוּ־נָ֣א זֹ֭את שהכול שמור לדין65 שֹׁכְחֵ֣י אֱל֑וֹהַּ הגנבים והמנאפים66 פֶּן־אֶ֝טְרֹ֗ף וְאֵ֣ין מַצִּֽיל׃ כאריה הטורף67
כג. זֹבֵ֥חַ תּוֹדָ֗ה יְֽכַ֫בְּדָ֥נְנִי המתוודה עם זבחו68 וְשָׂ֥ם דֶּ֑רֶךְ המשים לבו לדרכיו [ב. אני מורה לשבים69]707172 אַ֝רְאֶ֗נּוּ בְּיֵ֣שַׁע אֱלֹהִֽים׃ פ בישועתי73