האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
מי שיושב בסתר עליון נשמר בצלו של ה' א. המזמור נקרא "שיר של פגעים", ולדעה אחרת "שיר של נגעים" [שבועות טו.] ב. משה אמרו, ומזהיר בו את בני האדם לחסות בכנפי השכינה [רש"י] ג. מלאך מדבר אל המתפלל ומודיע לו שה' משגיח עליו [מלבי"ם] ד. אולי אחד המשוררים אמרו אל עבד ה' [אבן עזרא]
א. יֹ֭שֵׁב בְּסֵ֣תֶר עֶלְי֑וֹן בְּצֵ֥ל שַׁ֝דַּ֗י יִתְלוֹנָֽן׃
ב. אֹמַ֗ר לַ֭יהֹוָה מַחְסִ֣י וּמְצוּדָתִ֑י אֱ֝לֹהַ֗י אֶבְטַח־בּֽוֹ׃
ג. כִּ֤י ה֣וּא יַ֭צִּילְךָ מִפַּ֥ח יָק֗וּשׁ מִדֶּ֥בֶר הַוּֽוֹת׃
ד. בְּאֶבְרָת֨וֹ יָ֣סֶךְ לָ֭ךְ וְתַחַת־כְּנָפָ֣יו תֶּחְסֶ֑ה צִנָּ֖ה וְסֹחֵרָ֣ה אֲמִתּֽוֹ׃
ה. לֹֽא־תִ֭ירָא מִפַּ֣חַד לָ֑יְלָה מֵ֝חֵ֗ץ יָע֥וּף יוֹמָֽם׃
ו. מִ֭דֶּבֶר בָּאֹ֣פֶל יַהֲלֹ֑ךְ מִ֝קֶּ֗טֶב יָשׁ֥וּד צׇהֳרָֽיִם׃
ז. יִפֹּ֤ל מִצִּדְּךָ֨ אֶ֗לֶף וּרְבָבָ֥ה מִימִינֶ֑ךָ אֵ֝לֶ֗יךָ לֹ֣א יִגָּֽשׁ׃
ח. רַ֭ק בְּעֵינֶ֣יךָ תַבִּ֑יט וְשִׁלֻּמַ֖ת רְשָׁעִ֣ים תִּרְאֶֽה׃
ט. כִּֽי־אַתָּ֣ה יְהֹוָ֣ה מַחְסִ֑י עֶ֝לְי֗וֹן שַׂ֣מְתָּ מְעוֹנֶֽךָ׃
י. לֹא־תְאֻנֶּ֣ה אֵלֶ֣יךָ רָעָ֑ה וְ֝נֶ֗גַע לֹא־יִקְרַ֥ב בְּאׇהֳלֶֽךָ׃
יא. כִּ֣י מַ֭לְאָכָיו יְצַוֶּה־לָּ֑ךְ לִ֝שְׁמׇרְךָ֗ בְּכׇל־דְּרָכֶֽיךָ׃
יב. עַל־כַּפַּ֥יִם יִשָּׂא֑וּנְךָ פֶּן־תִּגֹּ֖ף בָּאֶ֣בֶן רַגְלֶֽךָ׃
יג. עַל־שַׁ֣חַל וָפֶ֣תֶן תִּדְרֹ֑ךְ תִּרְמֹ֖ס כְּפִ֣יר וְתַנִּֽין׃
יד. כִּ֤י בִ֣י חָ֭שַׁק וַאֲפַלְּטֵ֑הוּ אֲ֝שַׂגְּבֵ֗הוּ כִּֽי־יָדַ֥ע שְׁמִֽי׃
טו. יִקְרָאֵ֨נִי וְֽאֶעֱנֵ֗הוּ עִמּֽוֹ־אָנֹכִ֥י בְצָרָ֑ה אֲ֝חַלְּצֵ֗הוּ וַאֲכַבְּדֵֽהוּ׃
טז. אֹ֣רֶךְ יָ֭מִים אַשְׂבִּיעֵ֑הוּ וְ֝אַרְאֵ֗הוּ בִּישׁוּעָתִֽי׃ פ
א. יֹ֭שֵׁב בְּסֵ֣תֶר עֶלְי֑וֹן המתבודד בעבודת ה' ובסתרי תורתו12 בְּצֵ֥ל שַׁ֝דַּ֗י החזק3 יִתְלוֹנָֽן׃ תמיד מוגן4
ב. אֹמַ֗ר אני, והכול ילמדו ממני5 לַ֭יהֹוָה מַחְסִ֣י וּמְצוּדָתִ֑י מקום מגן ומבצר חזק [ב. אליך, בעבור ה'6]7 אֱ֝לֹהַ֗י אֶבְטַח־בּֽוֹ׃ ובטחוני בו מבוסס על ניסיוני8
ג. כִּ֤י ה֣וּא יַ֭צִּילְךָ מִפַּ֥ח יָק֗וּשׁ ממלכודת שבני אדם טומנים לך9 מִדֶּ֥בֶר הַוּֽוֹת׃ ומפגעי הטבע10
ד. בְּאֶבְרָת֨וֹ יָ֣סֶךְ לָ֭ךְ וְתַחַת־כְּנָפָ֣יו תֶּחְסֶ֑ה מן הצד ומלמעלה11 צִנָּ֖ה כלי מגן לפני האיש12 וְסֹחֵרָ֣ה אֲמִתּֽוֹ׃ המקיפה אותך מכל צד13
ה. לֹֽא־תִ֭ירָא מִפַּ֣חַד לָ֑יְלָה אם תבטח בו14 מֵ֝חֵ֗ץ יָע֥וּף יוֹמָֽם׃ שד שעף במהירות כחץ [ב. חץ של לוחם15]16
ו. מִ֭דֶּבֶר בָּאֹ֣פֶל יַהֲלֹ֑ךְ המזיק הנקרא דבר17 מִ֝קֶּ֗טֶב יָשׁ֥וּד צׇהֳרָֽיִם׃ המזיק הנקרא קטב, השודד נפשות18
ז. יִפֹּ֤ל מִצִּדְּךָ֨ אֶ֗לֶף ימותו אלף [ב. יחנו אלף שדים19]20 וּרְבָבָ֥ה מִימִינֶ֑ךָ עשרת אלפים21 אֵ֝לֶ֗יךָ לֹ֣א יִגָּֽשׁ׃ הדבר לא יזיק לך22
ח. רַ֭ק בְּעֵינֶ֣יךָ תַבִּ֑יט מבלי להיפגע2324 וְשִׁלֻּמַ֖ת רְשָׁעִ֣ים תִּרְאֶֽה׃ העונש שמשלם להם ה'25
ט. כִּֽי־אַתָּ֣ה יְהֹוָ֣ה מַחְסִ֑י כך אמרת אתה, הבוטח26 עֶ֝לְי֗וֹן הוא הקדוש ברוך הוא שַׂ֣מְתָּ מְעוֹנֶֽךָ׃ בו תבטח כאדם במדורו27
י. לֹא־תְאֻנֶּ֣ה אֵלֶ֣יךָ רָעָ֑ה תחלואים לא יקרו לך28 וְ֝נֶ֗גַע לֹא־יִקְרַ֥ב בְּאׇהֳלֶֽךָ׃ גם אם תהיה מכה בביתך, לא תיגע בך2930
יא. כִּ֣י מַ֭לְאָכָיו יְצַוֶּה־לָּ֑ךְ בעבורך3132 לִ֝שְׁמׇרְךָ֗ בְּכׇל־דְּרָכֶֽיךָ׃ מן המקרים והפגעים33
יב. עַל־כַּפַּ֥יִם יִשָּׂא֑וּנְךָ שלא תלך ברגליך34 פֶּן־תִּגֹּ֖ף תכשל35 בָּאֶ֣בֶן רַגְלֶֽךָ׃ באבן המוטלת בדרך36
יג. עַל־שַׁ֣חַל וָפֶ֣תֶן תִּדְרֹ֑ךְ על אריה גדול ונחש37 תִּרְמֹ֖ס כְּפִ֣יר וְתַנִּֽין׃ הצעירים מהם, ותשחיתם3839
יד. כִּ֤י בִ֣י חָ֭שַׁק וַאֲפַלְּטֵ֑הוּ מן החיות הממיתים40 אֲ֝שַׂגְּבֵ֗הוּ אגביר אותו על המזיקים41 כִּֽי־יָדַ֥ע שְׁמִֽי׃ ומכיר אותי, וחרד ממני42
טו. יִקְרָאֵ֨נִי וְֽאֶעֱנֵ֗הוּ בשמי, מתוך חיבה43 עִמּֽוֹ־אָנֹכִ֥י בְצָרָ֑ה בעת בוא צרה בעולם4445 אֲ֝חַלְּצֵ֗הוּ אוציא אותו מן הצרה46 וַאֲכַבְּדֵֽהוּ׃ ועוד אגדיל כבודו47
טז. אֹ֣רֶךְ יָ֭מִים אַשְׂבִּיעֵ֑הוּ אמלא את מספר ימיו48 וְ֝אַרְאֵ֗הוּ בעיניו בִּישׁוּעָתִֽי׃ פ שאביא בימיו [ב. בימות המשיח49]50