האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
דוד בוטח בה' ומבקש הצלה מצוררי קעילה והמדבר א. חיבר דוד את המזמור בברחו מפני שאול [רד"ק] ב. נאמר על פי נבואת גד, כשנסגר בקעילה ואחר כך במדבר זיף, שם הלשינו עליו הזיפים ועיטרו אותו שאול ואנשיו [מלבי"ם] ג. בקשת הצלה, והודאה עליה בפסוקים כב-כג, וקריאה לחסידים לאהוב את ה' בפסוק כד [מלבי"ם]
א. לַמְנַצֵּ֗חַ מִזְמ֥וֹר לְדָוִֽד׃
ב. בְּךָֽ־יְהֹוָ֣ה חָ֭סִיתִי אַל־אֵב֣וֹשָׁה לְעוֹלָ֑ם בְּצִדְקָתְךָ֥ פַלְּטֵֽנִי׃
ג. הַטֵּ֤ה אֵלַ֨י אׇזְנְךָ֮ מְהֵרָ֢ה הַצִּ֫ילֵ֥נִי הֱיֵ֤ה לִ֨י לְֽצוּר־מָ֭עוֹז לְבֵ֥ית מְצוּד֗וֹת לְהוֹשִׁיעֵֽנִי׃
ד. כִּֽי־סַלְעִ֣י וּמְצוּדָתִ֣י אָ֑תָּה וּלְמַ֥עַן שִׁ֝מְךָ֗ תַּֽנְחֵ֥נִי וּֽתְנַהֲלֵֽנִי׃
ה. תּוֹצִיאֵ֗נִי מֵרֶ֣שֶׁת ז֭וּ טָ֣מְנוּ לִ֑י כִּי־אַ֝תָּ֗ה מָעוּזִּֽי׃
ו. בְּיָדְךָ֮ אַפְקִ֢יד ר֫וּחִ֥י פָּדִ֖יתָ אוֹתִ֥י יְהֹוָ֗ה אֵ֣ל אֱמֶֽת׃
ז. שָׂנֵ֗אתִי הַשֹּׁמְרִ֥ים הַבְלֵי־שָׁ֑וְא וַ֝אֲנִ֗י אֶל־יְהֹוָ֥ה בָּטָֽחְתִּי׃
ח. אָגִ֥ילָה וְאֶשְׂמְחָ֗ה בְּחַ֫סְדֶּ֥ךָ אֲשֶׁ֣ר רָ֭אִיתָ אֶת־עׇנְיִ֑י יָ֝דַ֗עְתָּ בְּצָר֥וֹת נַפְשִֽׁי׃
ט. וְלֹ֣א הִ֭סְגַּרְתַּנִי בְּיַד־אוֹיֵ֑ב הֶעֱמַ֖דְתָּ בַמֶּרְחָ֣ב רַגְלָֽי׃
י. חׇנֵּ֥נִי יְהֹוָה֮ כִּ֤י צַ֫ר־לִ֥י עָשְׁשָׁ֖ה בְכַ֥עַס עֵינִ֗י נַפְשִׁ֥י וּבִטְנִֽי׃
יא. כִּ֤י כָל֪וּ בְיָג֡וֹן חַיַּי֮ וּשְׁנוֹתַ֢י בַּאֲנָ֫חָ֥ה כָּשַׁ֣ל בַּעֲוֺנִ֣י כֹחִ֑י וַעֲצָמַ֥י עָשֵֽׁשׁוּ׃
יב. מִכׇּל־צֹרְרַ֨י הָיִ֪יתִי חֶרְפָּ֡ה וְלִ֥שְׁכֵנַ֨י מְאֹד֮ וּפַ֢חַד לִֽמְיֻדָּ֫עָ֥י רֹאַ֥י בַּח֑וּץ נָדְד֥וּ מִמֶּֽנִּי׃
יג. נִ֭שְׁכַּחְתִּי כְּמֵ֣ת מִלֵּ֑ב הָ֝יִ֗יתִי כִּכְלִ֥י אֹבֵֽד׃
יד. כִּ֤י שָׁמַ֨עְתִּי דִּבַּ֥ת רַבִּים֮ מָג֢וֹר מִסָּ֫בִ֥יב בְּהִוָּסְדָ֣ם יַ֣חַד עָלַ֑י לָקַ֖חַת נַפְשִׁ֣י זָמָֽמוּ׃
טו. וַאֲנִ֤י עָלֶ֣יךָ בָטַ֣חְתִּי יְהֹוָ֑ה אָ֝מַ֗רְתִּי אֱלֹהַ֥י אָֽתָּה׃
טז. בְּיָדְךָ֥ עִתֹּתָ֑י הַצִּ֘ילֵ֤נִי מִיַּד־א֝וֹיְבַ֗י וּמֵֽרֹדְפָֽי׃
יז. הָאִ֣ירָה פָ֭נֶיךָ עַל־עַבְדֶּ֑ךָ ה֖וֹשִׁיעֵ֣נִי בְחַסְדֶּֽךָ׃
יח. יְֽהֹוָ֗ה אַל־אֵ֭בוֹשָׁה כִּ֣י קְרָאתִ֑יךָ יֵבֹ֥שׁוּ רְ֝שָׁעִ֗ים יִדְּמ֥וּ לִשְׁאֽוֹל׃
יט. תֵּ֥אָלַ֗מְנָה שִׂפְתֵ֫י־שָׁ֥קֶר הַדֹּבְר֖וֹת עַל־צַדִּ֥יק עָתָ֗ק בְּגַאֲוָ֥ה וָבֽוּז׃
כ. מָ֤ה רַֽב־טוּבְךָ֮ אֲשֶׁר־צָפַ֢נְתָּ לִּירֵ֫אֶ֥יךָ פָּ֭עַלְתָּ לַחֹסִ֣ים בָּ֑ךְ נֶ֝֗גֶד בְּנֵ֣י אָדָֽם׃
כא. תַּסְתִּירֵ֤ם בְּסֵ֥תֶר פָּנֶיךָ֮ מֵרֻכְסֵ֫י־אִ֥ישׁ תִּצְפְּנֵ֥ם בְּסֻכָּ֗ה מֵרִ֥יב לְשֹׁנֽוֹת׃
כב. בָּר֥וּךְ יְהֹוָ֑ה כִּ֥י הִפְלִ֘יא־חַסְדּ֥וֹ לִ֝֗י בְּעִ֣יר מָצֽוֹר׃
כג. וַאֲנִ֤י אָ֘מַ֤רְתִּי בְחׇפְזִ֗י נִגְרַזְתִּי֮ מִנֶּ֢גֶד עֵ֫ינֶ֥יךָ אָכֵ֗ן שָׁ֭מַעְתָּ ק֥וֹל תַּחֲנוּנַ֗י בְּשַׁוְּעִ֥י אֵלֶֽיךָ׃
כד. אֶ֥הֱב֥וּ אֶֽת־יְהֹוָ֗ה כׇּֽל־חֲסִ֫ידָ֥יו אֱ֭מוּנִים נֹצֵ֣ר יְהֹוָ֑ה וּמְשַׁלֵּ֥ם עַל־יֶ֝֗תֶר עֹשֵׂ֥ה גַאֲוָֽה׃
כה. חִ֭זְקוּ וְיַאֲמֵ֣ץ לְבַבְכֶ֑ם כׇּל־הַ֝מְיַחֲלִ֗ים לַֽיהֹוָֽה׃ פ
א. לַמְנַצֵּ֗חַ שנמסר למנגן1 מִזְמ֥וֹר לְדָוִֽד׃ שחיבר דוד בברחו מפני שאול2
ב. בְּךָֽ־יְהֹוָ֣ה חָ֭סִיתִי ששבתי ליהודה בציוויך3 אַל־אֵב֣וֹשָׁה לְעוֹלָ֑ם לא בעולם הזה ולא בעולם הבא4 בְּצִדְקָתְךָ֥ פַלְּטֵֽנִי׃ ולא בזכותי אני5
ג. הַטֵּ֤ה אֵלַ֨י אׇזְנְךָ֮ לשמוע את תפילתי6 מְהֵרָ֢ה הַצִּ֫ילֵ֥נִי ובלי להמית את רודפי7 הֱיֵ֤ה לִ֨י לְֽצוּר־מָ֭עוֹז שאהיה מוגן מהם כבסלע גבוה8 לְבֵ֥ית מְצוּד֗וֹת מגדל חזק במדבר9 לְהוֹשִׁיעֵֽנִי׃10
ד. כִּֽי־סַלְעִ֣י וּמְצוּדָתִ֣י אָ֑תָּה כי לא על המבצר אני בוטח11 וּלְמַ֥עַן שִׁ֝מְךָ֗ המורה על הרחמים12 תַּֽנְחֵ֥נִי וּֽתְנַהֲלֵֽנִי׃ בדרך ישרה ובנחת13
ה. תּוֹצִיאֵ֗נִי מֵרֶ֣שֶׁת ז֭וּ טָ֣מְנוּ לִ֑י לפי מחשבתם, שכבר לכדוני בה14 כִּי־אַ֝תָּ֗ה מָעוּזִּֽי׃ ורק להצילני מהם, בלי לבטל את מזימתם15
ו. בְּיָדְךָ֮ אַפְקִ֢יד ר֫וּחִ֥י בכל עת, שכבר חילצת אותי מן הצרה16 פָּדִ֖יתָ אוֹתִ֥י יְהֹוָ֗ה17 אֵ֣ל אֱמֶֽת׃ חזק ומקיים הבטחתו18
ז. שָׂנֵ֗אתִי הַשֹּׁמְרִ֥ים הַבְלֵי־שָׁ֑וְא המצפים לישועה מקוסמים ומנחשים19 וַ֝אֲנִ֗י אֶל־יְהֹוָ֥ה בָּטָֽחְתִּי׃ לבדו20
ח. אָגִ֥ילָה וְאֶשְׂמְחָ֗ה ברגע הישועה ואחר כך תמיד21 בְּחַ֫סְדֶּ֥ךָ אֲשֶׁ֣ר רָ֭אִיתָ אֶת־עׇנְיִ֑י על שלא העלמת עינך ממני22 יָ֝דַ֗עְתָּ בְּצָר֥וֹת נַפְשִֽׁי׃ והשגחת עליה להיטיב לה23
ט. וְלֹ֣א הִ֭סְגַּרְתַּנִי בְּיַד־אוֹיֵ֑ב שהוא שאול, אף שרצו להסגירני אליו24 הֶעֱמַ֖דְתָּ בַמֶּרְחָ֣ב רַגְלָֽי׃ ממקום צר, כשעטרו עלי שאול ואנשיו25
י. חׇנֵּ֥נִי יְהֹוָה֮ במתנת חינם26 כִּ֤י צַ֫ר ־ לִ֥י מרעת האויב בפועל27 עָשְׁשָׁ֖ה בְכַ֥עַס עֵינִ֗י נַפְשִׁ֥י וּבִטְנִֽי׃ כהתה כראות דרך זכוכית עכורה [ב. נרקבה28]29 גם מרעב וצמא בבריחה30
יא. כִּ֤י כָל֪וּ בְיָג֡וֹן חַיַּי֮ וּשְׁנוֹתַ֢י בַּאֲנָ֫חָ֥ה מאז שהכיתי את גלית ושאול חשד בי31 כָּשַׁ֣ל בַּעֲוֺנִ֣י כֹחִ֑י מפחד שאול ובעוון שגרם לי32 וַעֲצָמַ֥י עָשֵֽׁשׁוּ׃ ברקב, כאילו אכלם עש כבגד33
יב. מִכׇּל־צֹרְרַ֨י הָיִ֪יתִי חֶרְפָּ֡ה על שאני בורח ממקום למקום34 וְלִ֥שְׁכֵנַ֨י מְאֹד֮ אף הקרובים אלי בוזים לי35 וּפַ֢חַד לִֽמְיֻדָּ֫עָ֥י מתפחדים על מה שקרה לי36 רֹאַ֥י בַּח֑וּץ נָדְד֥וּ מִמֶּֽנִּי׃ כבורחים מחולה קשה37
יג. נִ֭שְׁכַּחְתִּי כְּמֵ֣ת מִלֵּ֑ב שנתייאשו מלראות אותי עוד38 הָ֝יִ֗יתִי כִּכְלִ֥י אֹבֵֽד׃ אבוד לגמרי, שאין איש מבקשו39
יד. כִּ֤י שָׁמַ֨עְתִּי דִּבַּ֥ת רַבִּים֮ שהוציאו עלי דבה אל שאול [ב. עצת רבים40]41 מָג֢וֹר מִסָּ֫בִ֥יב ואין צד שאוכל להישמר בו42 בְּהִוָּסְדָ֣ם יַ֣חַד עָלַ֑י כשנועצו להסגירני לשאול43 לָקַ֖חַת נַפְשִׁ֣י זָמָֽמוּ׃ להרגני, ולא רק ללכדני44
טו. וַאֲנִ֤י עָלֶ֣יךָ בָטַ֣חְתִּי יְהֹוָ֑ה אף שחשבו שנשכחתי45 אָ֝מַ֗רְתִּי אֱלֹהַ֥י אָֽתָּה׃ אדון ושופט עלי, ולא הם46
טז. בְּיָדְךָ֥ עִתֹּתָ֑י הזמנים הבאים עלי נקבעו על ידך47 הַצִּ֘ילֵ֤נִי מִיַּד־א֝וֹיְבַ֗י וּמֵֽרֹדְפָֽי׃ הם הזיפים ושאול ואנשיו48
יז. הָאִ֣ירָה פָ֭נֶיךָ עַל־עַבְדֶּ֑ךָ בהשגחה גלויה לעיני כול49 ה֖וֹשִׁיעֵ֣נִי בְחַסְדֶּֽךָ׃ אף שאיני ראוי, על צד החסד50
יח. יְֽהֹוָ֗ה אַל־אֵ֭בוֹשָׁה כִּ֣י קְרָאתִ֑יךָ51 יֵבֹ֥שׁוּ רְ֝שָׁעִ֗ים מתקוותיהם, שלא קראו אליך52 יִדְּמ֥וּ לִשְׁאֽוֹל׃ ישתתקו, ויהיו אילמים למות [ב. ייכרתו53]54
יט. תֵּ֥אָלַ֗מְנָה שִׂפְתֵ֫י ־ שָׁ֥קֶר55 הַדֹּבְר֖וֹת עַל־צַדִּ֥יק עָתָ֗ק האומרים לשאול שאני מבקש להרע לו [ב. הכופרים בה'56]57 בְּגַאֲוָ֥ה וָבֽוּז׃ שאני מתגאה ומתפאר במלוכה58
כ. מָ֤ה רַֽב־טוּבְךָ֮ אֲשֶׁר־צָפַ֢נְתָּ לִּירֵ֫אֶ֥יךָ שכר גדול בעולם הבא59 פָּ֭עַלְתָּ לַחֹסִ֣ים בָּ֑ךְ וגם עשית להם טובות גלויות60 נֶ֝֗גֶד בְּנֵ֣י אָדָֽם׃61
כא. תַּסְתִּירֵ֤ם בְּסֵ֥תֶר פָּנֶיךָ֮ אף כשנראה שהסתרת פניך מהם62 מֵרֻכְסֵ֫י ־ אִ֥ישׁ מחבורות הרשעים המתאגדות עליהם [ב. מגאות בני אדם63]64 תִּצְפְּנֵ֥ם בְּסֻכָּ֗ה בסוכת השגחתך65 מֵרִ֥יב לְשֹׁנֽוֹת׃ ומבעלי הלשון הרע66
כב. בָּר֥וּךְ יְהֹוָ֑ה67 כִּ֥י הִפְלִ֘יא ־ חַסְדּ֥וֹ לִ֝֗י68 בְּעִ֣יר מָצֽוֹר׃ היא קעילה, שנסגרתי בה בדעת שאול [ב. כאילו הייתי בעיר מבצר69]70
כג. וַאֲנִ֤י אָ֘מַ֤רְתִּי בְחׇפְזִ֗י בבריחתי מקעילה אל מדבר מעון71 נִגְרַזְתִּי֮ מִנֶּ֢גֶד עֵ֫ינֶ֥יךָ חשבתי שנכרתי ושלא תפנה אלי עוד72 אָכֵ֗ן שָׁ֭מַעְתָּ ק֥וֹל תַּחֲנוּנַ֗י בְּשַׁוְּעִ֥י אֵלֶֽיךָ׃ וכך הצלת אותי על ידי מלאך73 ועניתני באורים ותומים74
כד. אֶ֥הֱב֥וּ אֶֽת־יְהֹוָ֗ה כׇּֽל־חֲסִ֫ידָ֥יו75 אֱ֭מוּנִים נֹצֵ֣ר יְהֹוָ֑ה הבוטחים בו, מכל אויביהם76 וּמְשַׁלֵּ֥ם עַל־יֶ֝֗תֶר עֹשֵׂ֥ה גַאֲוָֽה׃ המשלם בדיוק כנגד המעשה, כחץ שמכוונים בקשת [ב. על רוב גאוותם77]78
כה. חִ֭זְקוּ וְיַאֲמֵ֣ץ לְבַבְכֶ֑ם אחרי שראיתם איך עשה להושיעני, כי הוחלתי לו79 כׇּל־הַ֝מְיַחֲלִ֗ים לַֽיהֹוָֽה׃ פ כי תקוותם לא תיכזב80