תהלים פרק קמא - פסוקים בטעמים ופירוש משולב

תפילה שתכון כקטורת, ושישמור ה' את הפה והלב מן הרע דוד אמר אותו בעת שנפל שאול בידו, כשהתפלל שיצרו לא יסיתנו להרגו [מלבי"ם]

הפסוקים

א. מִזְמ֗וֹר לְדָ֫וִ֥ד יְהֹוָ֣ה קְ֭רָאתִיךָ ח֣וּשָׁה לִּ֑י הַאֲזִ֥ינָה ק֝וֹלִ֗י בְּקׇרְאִי־לָֽךְ׃

ב. תִּכּ֤וֹן תְּפִלָּתִ֣י קְטֹ֣רֶת לְפָנֶ֑יךָ מַֽשְׂאַ֥ת כַּ֝פַּ֗י מִנְחַת־עָֽרֶב׃

ג. שִׁיתָ֣ה יְ֭הֹוָה שׇׁמְרָ֣ה לְפִ֑י נִ֝צְּרָ֗ה עַל־דַּ֥ל שְׂפָתָֽי׃

ד. אַל־תַּט־לִבִּ֨י לְדָבָ֪ר רָ֡ע לְהִתְע֘וֹלֵ֤ל עֲלִל֨וֹת בְּרֶ֗שַׁע אֶת־אִישִׁ֥ים פֹּעֲלֵי־אָ֑וֶן וּבַל־אֶ֝לְחַ֗ם בְּמַנְעַמֵּיהֶֽם׃

ה. יֶ֥הֶלְמֵֽנִי־צַדִּ֨יק חֶ֡סֶד וְֽיוֹכִיחֵ֗נִי שֶׁ֣מֶן רֹ֭אשׁ אַל־יָנִ֣י רֹאשִׁ֑י כִּי־ע֥וֹד וּ֝תְפִלָּתִ֗י בְּרָעוֹתֵיהֶֽם׃

ו. נִשְׁמְט֣וּ בִֽידֵי־סֶ֭לַע שֹׁפְטֵיהֶ֑ם וְשָׁמְע֥וּ אֲ֝מָרַ֗י כִּ֣י נָעֵֽמוּ׃

ז. כְּמ֤וֹ פֹלֵ֣חַ וּבֹקֵ֣עַ בָּאָ֑רֶץ נִפְזְר֥וּ עֲ֝צָמֵ֗ינוּ לְפִ֣י שְׁאֽוֹל׃

ח. כִּ֤י אֵלֶ֨יךָ יֱהֹוִ֣ה אֲדֹנָ֣י עֵינָ֑י בְּכָ֥ה חָ֝סִ֗יתִי אַל־תְּעַ֥ר נַפְשִֽׁי׃

ט. שׇׁמְרֵ֗נִי מִ֣ידֵי פַ֭ח יָ֣קְשׁוּ לִ֑י וּ֝מֹקְשׁ֗וֹת פֹּ֣עֲלֵי אָֽוֶן׃

י. יִפְּל֣וּ בְמַכְמֹרָ֣יו רְשָׁעִ֑ים יַ֥חַד אָ֝נֹכִ֗י עַֽד־אֶעֱבֽוֹר׃ פ

הפירוש המשולב

פסוק א

א. מִזְמ֗וֹר לְדָ֫וִ֥ד יְהֹוָ֣ה קְ֭רָאתִיךָ ח֣וּשָׁה לִּ֑י מהר לעזרתי¹ הַאֲזִ֥ינָה ק֝וֹלִ֗י בְּקׇרְאִי־לָֽךְ׃ כבר בתחילת קריאתי, ולא כשאסיים²

פסוק ב

ב. תִּכּ֤וֹן תְּפִלָּתִ֣י קְטֹ֣רֶת לְפָנֶ֑יךָ מוכנה כהקטרת הבשמים³ מַֽשְׂאַ֥ת כַּ֝פַּ֗י מִנְחַת־עָֽרֶב׃ והרמת ידיי כקרבן התמיד של בין הערבים⁴⁵

פסוק ג

ג. שִׁיתָ֣ה יְ֭הֹוָה שׇׁמְרָ֣ה לְפִ֑י שים שומר, שלא אדבר דבר שאינו הגון⁶⁷ נִ֝צְּרָ֗ה עַל־דַּ֥ל שְׂפָתָֽי׃ ושמור אף על הגבהת שפתי לפני הדיבור⁸

פסוק ד

ד. אַל־תַּט־לִבִּ֨י לְדָבָ֪ר רָ֡ע שלא אתפתה למעשה רע⁹ לְהִתְע֘וֹלֵ֤ל עֲלִל֨וֹת בְּרֶ֗שַׁע ולא אגמול כרשעם¹⁰ אֶת־אִישִׁ֥ים פֹּעֲלֵי־אָ֑וֶן עם אנשים כאלה¹¹ וּבַל־אֶ֝לְחַ֗ם בְּמַנְעַמֵּיהֶֽם׃ ולא אאכל מעדניהם¹²

פסוק ה

ה. יֶ֥הֶלְמֵֽנִי ־ צַדִּ֨יק חֶ֡סֶד¹³ וְֽיוֹכִיחֵ֗נִי אקבל זאת, כי טוב לי [ב. לבי הכה אותי על שאול¹⁴] שֶׁ֣מֶן רֹ֭אשׁ אַל־יָנִ֣י רֹאשִׁ֑י תוכחתו לא תסיר ממני את המלוכה¹⁵ כִּי־ע֥וֹד וּ֝תְפִלָּתִ֗י בְּרָעוֹתֵיהֶֽם׃ ותמיד אתפלל להינצל מהם¹⁶

פסוק ו

ו. נִשְׁמְט֣וּ בִֽידֵי־סֶ֭לַע שֹׁפְטֵיהֶ֑ם הסתלקו ממני בגלל הסלע [ב. נטו מדרך הטוב¹⁷]¹⁸ וְשָׁמְע֥וּ אֲ֝מָרַ֗י כשדיברתי אליהם במערה¹⁹ כִּ֣י נָעֵֽמוּ׃ שאינני מבקש רעת שאול²⁰

פסוק ז

ז. כְּמ֤וֹ פֹלֵ֣חַ וּבֹקֵ֣עַ בָּאָ֑רֶץ כמפצל עצים, שהחתיכות מתפזרות²¹ נִפְזְר֥וּ עֲ֝צָמֵ֗ינוּ מרוב הצרות²² לְפִ֣י שְׁאֽוֹל׃ עד כמעט פתח הקבר²³

פסוק ח

ח. כִּ֤י אֵלֶ֨יךָ יֱהֹוִ֣ה אֲדֹנָ֣י עֵינָ֑י²⁴ בְּכָ֥ה חָ֝סִ֗יתִי אַל־תְּעַ֥ר נַפְשִֽׁי׃ אל תניח לנפשי לצאת מגופי [ב. אל תרוקן את זכויותיי²⁵]²⁶²⁷

פסוק ט

ט. שׇׁמְרֵ֗נִי מִ֣ידֵי פַ֭ח יָ֣קְשׁוּ לִ֑י מן המלכודת שהכינו עלי²⁸ וּ֝מֹקְשׁ֗וֹת פֹּ֣עֲלֵי אָֽוֶן׃ ומשאר מוקשים ועצות רעות²⁹³⁰

פסוק י

י. יִפְּל֣וּ בְמַכְמֹרָ֣יו רְשָׁעִ֑ים כל אחד ברשת שטמן עלי³¹ יַ֥חַד אָ֝נֹכִ֗י עַֽד־אֶעֱבֽוֹר׃ פ ויעוכבו שם עד שאחלוף ואימלט³²

ליקוטי מפרשים - בהרחבה

שאלה בבית המדרש