האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
ה' יודע את כל תנועותיו ומחשבותיו של האדם א. "אחור וקדם צרתני" נדרש על אדם הראשון, שנברא דו פרצופין ואחר החטא הניח עליו ה' ידו ומיעטו [עירובין יח., סנהדרין לח:] ב. דוד הוא כאדם, ולכן הוא מדבר כעל עצמו [אלשיך] ג. נושאו ידיעת ה' והשגחתו על האדם, והתיישבותן עם בחירתו [מלבי"ם] ד. ה' יודע כל תנועה ומחשבה, ידיעה ברורה כאילו נעשתה אחר חקירה [המאירי]
א. לַ֭מְנַצֵּחַ לְדָוִ֣ד מִזְמ֑וֹר יְהֹוָ֥ה חֲ֝קַרְתַּ֗נִי וַתֵּדָֽע׃
ב. אַתָּ֣ה יָ֭דַעְתָּ שִׁבְתִּ֣י וְקוּמִ֑י בַּ֥נְתָּה לְ֝רֵעִ֗י מֵרָחֽוֹק׃
ג. אׇרְחִ֣י וְרִבְעִ֣י זֵרִ֑יתָ וְֽכׇל־דְּרָכַ֥י הִסְכַּֽנְתָּה׃
ד. כִּ֤י אֵ֣ין מִ֭לָּה בִּלְשׁוֹנִ֑י הֵ֥ן יְ֝הֹוָ֗ה יָדַ֥עְתָּ כֻלָּֽהּ׃
ה. אָח֣וֹר וָקֶ֣דֶם צַרְתָּ֑נִי וַתָּ֖שֶׁת עָלַ֣י כַּפֶּֽכָה׃
ו. (פלאיה) [פְּלִ֣יאָֽה] דַ֣עַת מִמֶּ֑נִּי נִ֝שְׂגְּבָ֗ה לֹא־א֥וּכַֽל לָֽהּ׃
ז. אָ֭נָֽה אֵלֵ֣ךְ מֵרוּחֶ֑ךָ וְ֝אָ֗נָה מִפָּנֶ֥יךָ אֶבְרָֽח׃
ח. אִם־אֶסַּ֣ק שָׁ֭מַיִם שָׁ֣ם אָ֑תָּה וְאַצִּ֖יעָה שְּׁא֣וֹל הִנֶּֽךָּ׃
ט. אֶשָּׂ֥א כַנְפֵי־שָׁ֑חַר אֶ֝שְׁכְּנָ֗ה בְּאַחֲרִ֥ית יָֽם׃
י. גַּם־שָׁ֭ם יָדְךָ֣ תַנְחֵ֑נִי וְֽתֹאחֲזֵ֥נִי יְמִינֶֽךָ׃
יא. וָ֭אֹמַר אַךְ־חֹ֣שֶׁךְ יְשׁוּפֵ֑נִי וְ֝לַ֗יְלָה א֣וֹר בַּעֲדֵֽנִי׃
יב. גַּם־חֹשֶׁךְ֮ לֹא־יַחְשִׁ֢יךְ מִ֫מֶּ֥ךָּ וְ֭לַיְלָה כַּיּ֣וֹם יָאִ֑יר כַּ֝חֲשֵׁיכָ֗ה כָּאוֹרָֽה׃
יג. כִּֽי־אַ֭תָּה קָנִ֣יתָ כִלְיֹתָ֑י תְּ֝סֻכֵּ֗נִי בְּבֶ֣טֶן אִמִּֽי׃
יד. אוֹדְךָ֗ עַ֤ל כִּ֥י נוֹרָא֗וֹת נִ֫פְלֵ֥יתִי נִפְלָאִ֥ים מַעֲשֶׂ֑יךָ וְ֝נַפְשִׁ֗י יֹדַ֥עַת מְאֹֽד׃
טו. לֹֽא־נִכְחַ֥ד עׇצְמִ֗י מִ֫מֶּ֥ךָּ אֲשֶׁר־עֻשֵּׂ֥יתִי בַסֵּ֑תֶר רֻ֝קַּ֗מְתִּי בְּֽתַחְתִּיּ֥וֹת אָֽרֶץ׃
טז. גׇּלְמִ֤י רָ֘א֤וּ עֵינֶ֗יךָ וְעַֽל־סִפְרְךָ֮ כֻּלָּ֢ם יִכָּ֫תֵ֥בוּ יָמִ֥ים יֻצָּ֑רוּ (ולא) [וְל֖וֹ] אֶחָ֣ד בָּהֶֽם׃
יז. וְלִ֗י מַה־יָּקְר֣וּ רֵעֶ֣יךָ אֵ֑ל מֶ֥ה עָ֝צְמ֗וּ רָאשֵׁיהֶֽם׃
יח. אֶ֭סְפְּרֵם מֵח֣וֹל יִרְבּ֑וּן הֱ֝קִיצֹ֗תִי וְעוֹדִ֥י עִמָּֽךְ׃
יט. אִם־תִּקְטֹ֖ל אֱל֥וֹהַּ רָשָׁ֑ע וְאַנְשֵׁ֥י דָ֝מִ֗ים ס֣וּרוּ מֶֽנִּי׃
כ. אֲשֶׁ֣ר יֹ֭מְרוּךָ לִמְזִמָּ֑ה נָשׂ֖וּא לַשָּׁ֣וְא עָרֶֽיךָ׃
כא. הֲלֽוֹא־מְשַׂנְאֶ֖יךָ יְהֹוָ֥ה אֶשְׂנָ֑א וּ֝בִתְקוֹמְמֶ֗יךָ אֶתְקוֹטָֽט׃
כב. תַּכְלִ֣ית שִׂנְאָ֣ה שְׂנֵאתִ֑ים לְ֝אוֹיְבִ֗ים הָ֣יוּ לִֽי׃
כג. חׇקְרֵ֣נִי אֵ֭ל וְדַ֣ע לְבָבִ֑י בְּ֝חָנֵ֗נִי וְדַ֣ע שַׂרְעַפָּֽי׃
כד. וּרְאֵ֗ה אִם־דֶּֽרֶךְ־עֹ֥צֶב בִּ֑י וּ֝נְחֵ֗נִי בְּדֶ֣רֶךְ עוֹלָֽם׃ פ
א. לַ֭מְנַצֵּחַ לְדָוִ֣ד מִזְמ֑וֹר שבח על ידיעת ה' והשגחתו1 יְהֹוָ֥ה חֲ֝קַרְתַּ֗נִי2 וַתֵּדָֽע׃ כידיעה שבאה אחר חקירה3
ב. אַתָּ֣ה יָ֭דַעְתָּ שִׁבְתִּ֣י וְקוּמִ֑י גם תנועותי הרצוניות4 בַּ֥נְתָּה לְ֝רֵעִ֗י5 מֵרָחֽוֹק׃ קרבת אותי אליך לחבתך [ב. רעיוני מזמן רחוק6]
ג. אׇרְחִ֣י וְרִבְעִ֣י זֵרִ֑יתָ הקפת אותי כמחיצה, ואין דבר בלי ידיעתך7 וְֽכׇל־דְּרָכַ֥י הִסְכַּֽנְתָּה׃8
ד. כִּ֤י אֵ֣ין מִ֭לָּה בִּלְשׁוֹנִ֑י עוד לפני שהחילותי לדבר9 הֵ֥ן יְ֝הֹוָ֗ה יָדַ֥עְתָּ כֻלָּֽהּ׃ ידעת מראש כל מה שאני עתיד לדבר10
ה. אָח֣וֹר וָקֶ֣דֶם צַרְתָּ֑נִי כבעיר הנתונה במצור11 וַתָּ֖שֶׁת עָלַ֣י כַּפֶּֽכָה׃ מלמעלה12
ו. (פלאיה) [פְּלִ֣יאָֽה] דַ֣עַת מִמֶּ֑נִּי המקום שאברח אליו מכוסה ממני13 נִ֝שְׂגְּבָ֗ה14 לֹא־א֥וּכַֽל לָֽהּ׃ כשאבקש להסתתר15
ז. אָ֭נָֽה אֵלֵ֣ךְ מֵרוּחֶ֑ךָ היכן מוצא מן המצור16 וְ֝אָ֗נָה מִפָּנֶ֥יךָ אֶבְרָֽח׃ ואם אצא, הכול ברשותך17
ח. אִם־אֶסַּ֣ק שָׁ֭מַיִם שָׁ֣ם אָ֑תָּה שם משכן כבודך18 וְאַצִּ֖יעָה19 שְּׁא֣וֹל הִנֶּֽךָּ׃ אשים מצעי בעומק הארץ, ומלכותך שם20
ט. אֶשָּׂ֥א כַנְפֵי־שָׁ֑חַר אמהר לעוף כבוהק השחר, מקצה העולם לקצהו21 אֶ֝שְׁכְּנָ֗ה בְּאַחֲרִ֥ית יָֽם׃ בקצה המערבי, בים ממש22
י. גַּם־שָׁ֭ם יָדְךָ֣ תַנְחֵ֑נִי ולא אגיע אלא בכוחך23 וְֽתֹאחֲזֵ֥נִי יְמִינֶֽךָ׃ כבורח מידך אל ידך24
יא. וָ֭אֹמַר אַךְ־חֹ֣שֶׁךְ יְשׁוּפֵ֑נִי ואולי יסתיר אותי25 וְ֝לַ֗יְלָה א֣וֹר בַּעֲדֵֽנִי׃ הלילה יחשיך לפני, ו'אור' כאן כמו אופל26 [ב. הלילה יאיר בעדי27]
יב. גַּם־חֹשֶׁךְ֮ לֹא־יַחְשִׁ֢יךְ מִ֫מֶּ֥ךָּ אין לי לאן לנוס שם28 וְ֭לַיְלָה כַּיּ֣וֹם יָאִ֑יר ואין זמן החושך מעכב29 כַּ֝חֲשֵׁיכָ֗ה כָּאוֹרָֽה׃ וכן מקום שהאור לא חודר30
יג. כִּֽי־אַ֭תָּה קָנִ֣יתָ כִלְיֹתָ֑י הכליות שבי הן החושבות את מחשבותי31 תְּ֝סֻכֵּ֗נִי32 בְּבֶ֣טֶן אִמִּֽי׃ הגנת עלי במקום חושך33
יד. אוֹדְךָ֗ עַ֤ל כִּ֥י נוֹרָא֗וֹת נִ֫פְלֵ֥יתִי ביצירתי, בעלילות גדולות34 נִפְלָאִ֥ים מַעֲשֶׂ֑יךָ הגוף מעשה שחכמת הפועל ניכרת בו35 וְ֝נַפְשִׁ֗י יֹדַ֥עַת מְאֹֽד׃ כי היא נפש משכלת [ב. ואינה משיגה את פלאי מעשיך36]37
טו. לֹֽא־נִכְחַ֥ד עׇצְמִ֗י מִ֫מֶּ֥ךָּ עצמות גופי38 אֲשֶׁר־עֻשֵּׂ֥יתִי בַסֵּ֑תֶר בתשמיש [ב. הנשמה נוצרה מסתר עליון39]40 רֻ֝קַּ֗מְתִּי בְּֽתַחְתִּיּ֥וֹת אָֽרֶץ׃ בחלק התחתון של הרחם41
טז. גׇּלְמִ֤י רָ֘א֤וּ עֵינֶ֗יךָ ראית את תבניתי עוד קודם שבאתי לעולם42 וְעַֽל־סִפְרְךָ֮ כֻּלָּ֢ם יִכָּ֫תֵ֥בוּ ספר תולדות אדם הראשון43 יָמִ֥ים יֻצָּ֑רוּ ידעת מראש את הימים שעתידים להיווצר (ולא) [וְל֖וֹ] אֶחָ֣ד בָּהֶֽם׃ ועדיין לא נברא אחד44 [ב. 'ולו' בקרי: ברר לו השבת45]
יז. וְלִ֗י מַה־יָּקְר֣וּ רֵעֶ֣יךָ אֵ֑ל חשובים בעיני צדיקי כל הדורות46 [ב. 'רעיך' הן מחשבותיך47] מֶ֥ה עָ֝צְמ֗וּ רָאשֵׁיהֶֽם׃ וכמה רבו מניינם48
יח. אֶ֭סְפְּרֵם מֵח֣וֹל יִרְבּ֑וּן אם אבוא למנות את מעשיהם הטובים49 הֱ֝קִיצֹ֗תִי הגעתי עתה לסוף הדורות שהגבלת וְעוֹדִ֥י עִמָּֽךְ׃ [ב. אף אם הייתי ער תמיד50]51
יט. אִם־תִּקְטֹ֖ל אֱל֥וֹהַּ רָשָׁ֑ע מי יתן ותכלה את עמלק הרשע52 וְאַנְשֵׁ֥י דָ֝מִ֗ים53 ס֣וּרוּ מֶֽנִּי׃ ושלא יארבו לצדיק, כי אני מואס בהם54
כ. אֲשֶׁ֣ר יֹ֭מְרוּךָ לִמְזִמָּ֑ה מזכירים שמך בכל מחשבות הרע שלהם [ב. מרוממים אותך למזימה55] נָשׂ֖וּא56 לַשָּׁ֣וְא עָרֶֽיךָ׃ את שמך57
כא. הֲלֽוֹא־מְשַׂנְאֶ֖יךָ58 יְהֹוָ֥ה אֶשְׂנָ֑א59 וּ֝בִתְקוֹמְמֶ֗יךָ אֶתְקוֹטָֽט׃ ואריב בפועל עם המכחישים60
כב. תַּכְלִ֣ית שִׂנְאָ֣ה שְׂנֵאתִ֑ים61 לְ֝אוֹיְבִ֗ים הָ֣יוּ לִֽי׃ ונחשבו כאויבים הדורשים רעתי62
כג. חׇקְרֵ֣נִי אֵ֭ל וְדַ֣ע לְבָבִ֑י בענין המעשים שבלב63 בְּ֝חָנֵ֗נִי כצורף הבוחן כסף64 וְדַ֣ע שַׂרְעַפָּֽי׃ בענין האמונות והדעות65
כד. וּרְאֵ֗ה אִם־דֶּֽרֶךְ־עֹ֥צֶב בִּ֑י אם יש בי קלקול ודרך מעציבה66 וּ֝נְחֵ֗נִי67 בְּדֶ֣רֶךְ עוֹלָֽם׃ פ אל המיתה זכאי ולא חייב6869