האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
הללו את ה' על גדולתו, בטבע ובנסים א. קריאה להעיר את לב העם להלל את ה' ולרוממו על נפלאותיו [המאירי] ב. די בהנהגה הקבועה להכיר את ה', ואותות ומופתים הוצרכו בעבור המצרים והכנענים שלא הכירוהו [מלבי"ם] ג. עצבי הגוים חסרי חיים, והבוטחים בהם יהיו כמותם [אבן עזרא, המאירי, מצודת דוד] ד. בית ישראל, בית אהרן, בית הלוי ויראי ה' מוזמנים לברך את ה' [אבן עזרא]
א. הַ֥לְלוּ־יָ֨הּ הַֽ֭לְלוּ אֶת־שֵׁ֣ם יְהֹוָ֑ה הַֽ֝לְל֗וּ עַבְדֵ֥י יְהֹוָֽה׃
ב. שֶׁ֣֭עֹמְדִים בְּבֵ֣ית יְהֹוָ֑ה בְּ֝חַצְר֗וֹת בֵּ֣ית אֱלֹהֵֽינוּ׃
ג. הַֽלְלוּ־יָ֭הּ כִּֽי־ט֣וֹב יְהֹוָ֑ה זַמְּר֥וּ לִ֝שְׁמ֗וֹ כִּ֣י נָעִֽים׃
ד. כִּֽי־יַעֲקֹ֗ב בָּחַ֣ר ל֣וֹ יָ֑הּ יִ֝שְׂרָאֵ֗ל לִסְגֻלָּתֽוֹ׃
ה. כִּ֤י אֲנִ֣י יָ֭דַעְתִּי כִּֽי־גָד֣וֹל יְהֹוָ֑ה וַ֝אֲדֹנֵ֗ינוּ מִכׇּל־אֱלֹהִֽים׃
ו. כֹּ֤ל אֲשֶׁר־חָפֵ֥ץ יְהֹוָ֗ה עָ֫שָׂ֥ה בַּשָּׁמַ֥יִם וּבָאָ֑רֶץ בַּ֝יַּמִּ֗ים וְכׇל־תְּהֹמֽוֹת׃
ז. מַעֲלֶ֣ה נְשִׂאִים֮ מִקְצֵ֢ה הָ֫אָ֥רֶץ בְּרָקִ֣ים לַמָּטָ֣ר עָשָׂ֑ה מֽוֹצֵא־ר֝֗וּחַ מֵאֽוֹצְרוֹתָֽיו׃
ח. שֶׁ֭הִכָּה בְּכוֹרֵ֣י מִצְרָ֑יִם מֵ֝אָדָ֗ם עַד־בְּהֵמָֽה׃
ט. שָׁלַ֤ח אוֹתֹ֣ת וּ֭מֹפְתִים בְּתוֹכֵ֣כִי מִצְרָ֑יִם בְּ֝פַרְעֹ֗ה וּבְכׇל־עֲבָדָֽיו׃
י. שֶׁ֭הִכָּה גּוֹיִ֣ם רַבִּ֑ים וְ֝הָרַ֗ג מְלָכִ֥ים עֲצוּמִֽים׃
יא. לְסִיח֤וֹן מֶ֤לֶךְ הָאֱמֹרִ֗י וּ֭לְעוֹג מֶ֣לֶךְ הַבָּשָׁ֑ן וּ֝לְכֹ֗ל מַמְלְכ֥וֹת כְּנָֽעַן׃
יב. וְנָתַ֣ן אַרְצָ֣ם נַחֲלָ֑ה נַ֝חֲלָ֗ה לְיִשְׂרָאֵ֥ל עַמּֽוֹ׃
יג. יְ֭הֹוָה שִׁמְךָ֣ לְעוֹלָ֑ם יְ֝הֹוָ֗ה זִכְרְךָ֥ לְדֹר־וָדֹֽר׃
יד. כִּֽי־יָדִ֣ין יְהֹוָ֣ה עַמּ֑וֹ וְעַל־עֲ֝בָדָ֗יו יִתְנֶחָֽם׃
טו. עֲצַבֵּ֣י הַ֭גּוֹיִם כֶּ֣סֶף וְזָהָ֑ב מַ֝עֲשֵׂ֗ה יְדֵ֣י אָדָֽם׃
טז. פֶּֽה־לָ֭הֶם וְלֹ֣א יְדַבֵּ֑רוּ עֵינַ֥יִם לָ֝הֶ֗ם וְלֹ֣א יִרְאֽוּ׃
יז. אׇזְנַ֣יִם לָ֭הֶם וְלֹ֣א יַאֲזִ֑ינוּ אַ֝֗ף אֵין־יֶשׁ־ר֥וּחַ בְּפִיהֶֽם׃
יח. כְּ֭מוֹהֶם יִהְי֣וּ עֹשֵׂיהֶ֑ם כֹּ֖ל אֲשֶׁר־בֹּטֵ֣חַ בָּהֶֽם׃
יט. בֵּ֣ית יִ֭שְׂרָאֵל בָּרְכ֣וּ אֶת־יְהֹוָ֑ה בֵּ֥ית אַ֝הֲרֹ֗ן בָּרְכ֥וּ אֶת־יְהֹוָֽה׃
כ. בֵּ֣ית הַ֭לֵּוִי בָּרְכ֣וּ אֶת־יְהֹוָ֑ה יִֽרְאֵ֥י יְ֝הֹוָ֗ה בָּרְכ֥וּ אֶת־יְהֹוָֽה׃
כא. בָּ֘ר֤וּךְ יְהֹוָ֨ה מִצִּיּ֗וֹן שֹׁ֘כֵ֤ן יְֽרוּשָׁלָ֗͏ִם הַֽלְלוּ־יָֽהּ׃ פ
א. הַ֥לְלוּ ־ יָ֨הּ אתם הכהנים והלוים1 הַֽ֭לְלוּ אֶת־שֵׁ֣ם יְהֹוָ֑ה את שמו השלם, ולא רק 'יה'2 הַֽ֝לְל֗וּ עַבְדֵ֥י יְהֹוָֽה׃3
ב. שֶׁ֣֭עֹמְדִים בְּבֵ֣ית יְהֹוָ֑ה הכהנים הקרבים פנימה4 בְּ֝חַצְר֗וֹת בֵּ֣ית אֱלֹהֵֽינוּ׃ והלוים וישראל העומדים בחוץ [ב. הלוים בתוך בית ה'5]6
ג. הַֽלְלוּ־יָ֭הּ פעם אחר פעם7 כִּֽי־ט֣וֹב יְהֹוָ֑ה מצד עצמו8 זַמְּר֥וּ לִ֝שְׁמ֗וֹ מצד הנהגתו בבריאה9 כִּ֣י נָעִֽים׃ ואינו מתגאה10
ד. כִּֽי־יַעֲקֹ֗ב11 בָּחַ֣ר ל֣וֹ יָ֑הּ גם בשפלותם12 יִ֝שְׂרָאֵ֗ל לִסְגֻלָּתֽוֹ׃ וגם במעלתם, כאוצר נחמד13
ה. כִּ֤י אֲנִ֣י יָ֭דַעְתִּי כִּֽי־גָד֣וֹל יְהֹוָ֑ה בלי אותות ומופתים, שהוא ראשית הסיבות ואחריתן14 וַ֝אֲדֹנֵ֗ינוּ המשגיח עלינו15 מִכׇּל־אֱלֹהִֽים׃ ושולט בכוחות הטבע16
ו. כֹּ֤ל אֲשֶׁר־חָפֵ֥ץ יְהֹוָ֗ה עָ֫שָׂ֥ה בַּשָּׁמַ֥יִם וּבָאָ֑רֶץ ומזה נודע שהוא גדול מכל אלהים17 בַּ֝יַּמִּ֗ים18 וְכׇל־תְּהֹמֽוֹת׃ בעומק המים [ב. נהרות כירדן19]20
ז. מַעֲלֶ֣ה נְשִׂאִים֮ את העננים21 מִקְצֵ֢ה הָ֫אָ֥רֶץ מן האופק22 בְּרָקִ֣ים לַמָּטָ֣ר עָשָׂ֑ה הבהקי הרקיע שלפני המטר23 מֽוֹצֵא־ר֝֗וּחַ מֵאֽוֹצְרוֹתָֽיו׃ מאוצרות הענן [ב. מאוצרות ה'24]25
ח. שֶׁ֭הִכָּה בְּכוֹרֵ֣י מִצְרָ֑יִם בעצמו, לצורך מצרים26 מֵ֝אָדָ֗ם עַד־בְּהֵמָֽה׃ להודיע פרטות השגחתו27
ט. שָׁלַ֤ח אוֹתֹ֣ת וּ֭מֹפְתִים בְּתוֹכֵ֣כִי מִצְרָ֑יִם אלה שקדמו למכת בכורות, ובפנייה למצרים28 בְּ֝פַרְעֹ֗ה29 וּבְכׇל־עֲבָדָֽיו׃ על ידי משה ואהרן30
י. שֶׁ֭הִכָּה גּוֹיִ֣ם רַבִּ֑ים את שבעת העמים31 וְ֝הָרַ֗ג מְלָכִ֥ים עֲצוּמִֽים׃ כסיחון ועוג, המנויים בפסוק הבא [ב. כמלכי מדין32]33
יא. לְסִיח֤וֹן מֶ֤לֶךְ הָאֱמֹרִ֗י אותו הרג [ב. שלח אותות גם לסיחון34]35 וּ֭לְעוֹג מֶ֣לֶךְ הַבָּשָׁ֑ן36 וּ֝לְכֹ֗ל מַמְלְכ֥וֹת כְּנָֽעַן׃ ואחר כך כלל את כולם37
יב. וְנָתַ֣ן אַרְצָ֣ם נַחֲלָ֑ה של סיחון ועוג וכנען38 נַ֝חֲלָ֗ה לְיִשְׂרָאֵ֥ל עַמּֽוֹ׃ לבדו, כמורשה מן האבות39
יג. יְ֭הֹוָה שִׁמְךָ֣ לְעוֹלָ֑ם הנהגתך הקבועה [ב. גדולתך כבעבר40]41 יְ֝הֹוָ֗ה זִכְרְךָ֥ לְדֹר־וָדֹֽר׃ ואילו זכרך הוא הנס המתחדש בכל דור42
יד. כִּֽי־יָדִ֣ין יְהֹוָ֣ה עַמּ֑וֹ ויפרע לעמו מאויביהם43 וְעַל־עֲ֝בָדָ֗יו יִתְנֶחָֽם׃ וישנה את הנהגתו להיטיב להם44
טו. עֲצַבֵּ֣י הַ֭גּוֹיִם שאין בהם תועלת, אלא עצבון45 כֶּ֣סֶף וְזָהָ֑ב46 מַ֝עֲשֵׂ֗ה יְדֵ֣י אָדָֽם׃ ועושם נכבד מהם47
טז. פֶּֽה־לָ֭הֶם וְלֹ֣א יְדַבֵּ֑רוּ וקול הנשמע מהם בא מכוח אחר48 עֵינַ֥יִם לָ֝הֶ֗ם וְלֹ֣א יִרְאֽוּ׃ כי אין ראייתם תלויה בעיניהם49
יז. אׇזְנַ֣יִם לָ֭הֶם וְלֹ֣א יַאֲזִ֑ינוּ אפילו את עצמם50 אַ֝֗ף אֵין־יֶשׁ־ר֥וּחַ בְּפִיהֶֽם׃ אין בהם אפילו רוח של בהמה, וקל וחומר שלא ידברו51
יח. כְּ֭מוֹהֶם יִהְי֣וּ עֹשֵׂיהֶ֑ם בקללה, שיהיו חסרי חיים כמותם52 כֹּ֖ל אֲשֶׁר־בֹּטֵ֣חַ בָּהֶֽם׃ גם הנסמכים עליהם53
יט. בֵּ֣ית יִ֭שְׂרָאֵל בָּרְכ֣וּ אֶת־יְהֹוָ֑ה על שהבדילכם מן העמים54 בֵּ֥ית אַ֝הֲרֹ֗ן בָּרְכ֥וּ אֶת־יְהֹוָֽה׃ הכהנים, נכבדי הנכבדים, כל אחד לפי השגתו55
כ. בֵּ֣ית הַ֭לֵּוִי בָּרְכ֣וּ אֶת־יְהֹוָ֑ה בשירתם56 יִֽרְאֵ֥י יְ֝הֹוָ֗ה הגרים [ב. חסידי אומות העולם57]58 בָּרְכ֥וּ אֶת־יְהֹוָֽה׃59
כא. בָּ֘ר֤וּךְ יְהֹוָ֨ה מִצִּיּ֗וֹן והברכה יורדת לפי זכות ציון60 שֹׁ֘כֵ֤ן יְֽרוּשָׁלָ֗͏ִם ומשגיח על מעשי העם שבה61 הַֽלְלוּ־יָֽהּ׃ פ באמירת 'ברוך ה''62