תהלים פרק קכ - פסוקים בטעמים ופירוש משולב

תפילה על לשון הרע וקריאה אל ה' בצרה א. את שיר המעלות יאמרו הלויים על חמש עשרה המעלות שבעזרה [סוכה ה ד] ב. דוד יסדן להעלות את התהום [סוכה נג.] ג. שיר המעלות הוא על נגינות בקול עליון, בשם הגאון, ולדעתו פיוט שינוגן על נועם המעלות [אבן עזרא] ד. תפילה על לשון הרע והרמיה, הקשה מצרה גלויה [מלבי"ם] ה. תפילה על הישיבה בגלות בין שונאי שלום [מצודת דוד]

הפסוקים

א. שִׁ֗יר הַֽמַּ֫עֲל֥וֹת אֶל־יְ֭הֹוָה בַּצָּרָ֣תָה לִּ֑י קָ֝רָ֗אתִי וַֽיַּעֲנֵֽנִי׃

ב. יְֽהֹוָ֗ה הַצִּ֣ילָה נַ֭פְשִׁי מִשְּׂפַת־שֶׁ֑קֶר מִלָּשׁ֥וֹן רְמִיָּֽה׃

ג. מַה־יִּתֵּ֣ן לְ֭ךָ וּמַה־יֹּסִ֥יף לָ֗ךְ לָשׁ֥וֹן רְמִיָּֽה׃

ד. חִצֵּ֣י גִבּ֣וֹר שְׁנוּנִ֑ים עִ֝֗ם גַּחֲלֵ֥י רְתָמִֽים׃

ה. אֽוֹיָה־לִ֭י כִּי־גַ֣רְתִּי מֶ֑שֶׁךְ שָׁ֝כַ֗נְתִּי עִֽם־אׇהֳלֵ֥י קֵדָֽר׃

ו. רַ֭בַּת שָֽׁכְנָה־לָּ֣הּ נַפְשִׁ֑י עִ֝֗ם שׂוֹנֵ֥א שָׁלֽוֹם׃

ז. אֲֽנִי־שָׁ֭לוֹם וְכִ֣י אֲדַבֵּ֑ר הֵ֝֗מָּה לַמִּלְחָמָֽה׃ פ

הפירוש המשולב