האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
ברכת הנפש לה' על חסדיו עמה א. חמש פעמים "ברכי נפשי" כנגד חמשה עולמות שהאדם דר בהם, ממעי אמו ועד יום המיתה [ברכות י.] ב. דוד אמר את המזמור על עצמו, להודות על מה שגמלו [המאירי] ג. נאמר בשם חסידי הגלות, שכל אחד מהם מודה ומתפלל על הגאולה [המאירי] ד. המזמור מדבר על חסדי ה' עם נפש האדם, ובסופו פונה אל הנפש הכוללת את כל העולמות [מלבי"ם]
א. לְדָוִ֨ד בָּרְכִ֣י נַ֭פְשִׁי אֶת־יְהֹוָ֑ה וְכׇל־קְ֝רָבַ֗י אֶת־שֵׁ֥ם קׇדְשֽׁוֹ׃
ב. בָּרְכִ֣י נַ֭פְשִׁי אֶת־יְהֹוָ֑ה וְאַל־תִּ֝שְׁכְּחִ֗י כׇּל־גְּמוּלָֽיו׃
ג. הַסֹּלֵ֥חַ לְכׇל־עֲוֺנֵ֑כִי הָ֝רֹפֵ֗א לְכׇל־תַּחֲלוּאָֽיְכִי׃
ד. הַגּוֹאֵ֣ל מִשַּׁ֣חַת חַיָּ֑יְכִי הַֽ֝מְעַטְּרֵ֗כִי חֶ֣סֶד וְרַחֲמִֽים׃
ה. הַמַּשְׂבִּ֣יעַ בַּטּ֣וֹב עֶדְיֵ֑ךְ תִּתְחַדֵּ֖שׁ כַּנֶּ֣שֶׁר נְעוּרָֽיְכִי׃
ו. עֹשֵׂ֣ה צְדָק֣וֹת יְהֹוָ֑ה וּ֝מִשְׁפָּטִ֗ים לְכׇל־עֲשׁוּקִֽים׃
ז. יוֹדִ֣יעַ דְּרָכָ֣יו לְמֹשֶׁ֑ה לִבְנֵ֥י יִ֝שְׂרָאֵ֗ל עֲלִילוֹתָֽיו׃
ח. רַח֣וּם וְחַנּ֣וּן יְהֹוָ֑ה אֶ֖רֶךְ אַפַּ֣יִם וְרַב־חָֽסֶד׃
ט. לֹא־לָנֶ֥צַח יָרִ֑יב וְלֹ֖א לְעוֹלָ֣ם יִטּֽוֹר׃
י. לֹ֣א כַ֭חֲטָאֵינוּ עָ֣שָׂה לָ֑נוּ וְלֹ֥א כַ֝עֲוֺנֹתֵ֗ינוּ גָּמַ֥ל עָלֵֽינוּ׃
יא. כִּ֤י כִגְבֹ֣הַּ שָׁ֭מַיִם עַל־הָאָ֑רֶץ גָּבַ֥ר חַ֝סְדּ֗וֹ עַל־יְרֵאָֽיו׃
יב. כִּרְחֹ֣ק מִ֭זְרָח מִֽמַּעֲרָ֑ב הִֽרְחִ֥יק מִ֝מֶּ֗נּוּ אֶת־פְּשָׁעֵֽינוּ׃
יג. כְּרַחֵ֣ם אָ֭ב עַל־בָּנִ֑ים רִחַ֥ם יְ֝הֹוָ֗ה עַל־יְרֵאָֽיו׃
יד. כִּי־ה֭וּא יָדַ֣ע יִצְרֵ֑נוּ זָ֝כ֗וּר כִּי־עָפָ֥ר אֲנָֽחְנוּ׃
טו. אֱ֭נוֹשׁ כֶּחָצִ֣יר יָמָ֑יו כְּצִ֥יץ הַ֝שָּׂדֶ֗ה כֵּ֣ן יָצִֽיץ׃
טז. כִּ֤י ר֣וּחַ עָֽבְרָה־בּ֣וֹ וְאֵינֶ֑נּוּ וְלֹֽא־יַכִּירֶ֖נּוּ ע֣וֹד מְקוֹמֽוֹ׃
יז. וְחֶ֤סֶד יְהֹוָ֨ה מֵעוֹלָ֣ם וְעַד־ע֭וֹלָם עַל־יְרֵאָ֑יו וְ֝צִדְקָת֗וֹ לִבְנֵ֥י בָנִֽים׃
יח. לְשֹׁמְרֵ֥י בְרִית֑וֹ וּלְזֹכְרֵ֥י פִ֝קֻּדָ֗יו לַעֲשׂוֹתָֽם׃
יט. יְֽהֹוָ֗ה בַּ֭שָּׁמַיִם הֵכִ֣ין כִּסְא֑וֹ וּ֝מַלְכוּת֗וֹ בַּכֹּ֥ל מָשָֽׁלָה׃
כ. בָּרְכ֥וּ יְהֹוָ֗ה מַלְאָ֫כָ֥יו גִּבֹּ֣רֵי כֹ֭חַ עֹשֵׂ֣י דְבָר֑וֹ לִ֝שְׁמֹ֗עַ בְּק֣וֹל דְּבָרֽוֹ׃
כא. בָּרְכ֣וּ יְ֭הֹוָה כׇּל־צְבָאָ֑יו מְ֝שָׁרְתָ֗יו עֹשֵׂ֥י רְצוֹנֽוֹ׃
כב. בָּרְכ֤וּ יְהֹוָ֨ה כׇּֽל־מַעֲשָׂ֗יו בְּכׇל־מְקֹמ֥וֹת מֶמְשַׁלְתּ֑וֹ בָּרְכִ֥י נַ֝פְשִׁ֗י אֶת־יְהֹוָֽה׃ פ
א. לְדָוִ֨ד הפונה אל נשמתו1 בָּרְכִ֣י נַ֭פְשִׁי אֶת־יְהֹוָ֑ה נאמר חמש פעמים, כנגד עולמותיו של האדם2 וְכׇל־קְ֝רָבַ֗י אֶת־שֵׁ֥ם קׇדְשֽׁוֹ׃ הם הגוף, ששומע אותו מרחוק34
ב. בָּרְכִ֣י נַ֭פְשִׁי אֶת־יְהֹוָ֑ה שוב, על החסד הפרטי שעשה עמך5 וְאַל־תִּ֝שְׁכְּחִ֗י כׇּל־גְּמוּלָֽיו׃ שנעשו מתוך אהבה6
ג. הַסֹּלֵ֥חַ לְכׇל־עֲוֺנֵ֑כִי זהו פירוט הגמולים7 הָ֝רֹפֵ֗א לְכׇל־תַּחֲלוּאָֽיְכִי׃ כי העון הוא חולי הנפש8
ד. הַגּוֹאֵ֣ל מִשַּׁ֣חַת חַיָּ֑יְכִי כשהיית קרובה למות [ב. מן הגיהנם או מאבדון הנפש9]10 הַֽ֝מְעַטְּרֵ֗כִי חֶ֣סֶד וְרַחֲמִֽים׃ ונהג בך לאט בחוליך11
ה. הַמַּשְׂבִּ֣יעַ בַּטּ֣וֹב עֶדְיֵ֑ךְ בפיך, במאכלים [ב. במזון הנפש12]13 תִּתְחַדֵּ֖שׁ14 כַּנֶּ֣שֶׁר נְעוּרָֽיְכִי׃ הנשר מחדש כל שנה את נוצותיו וכנפיו1516
ו. עֹשֵׂ֣ה צְדָק֣וֹת יְהֹוָ֑ה גם לחוטאים, לפנים משורת הדין17 וּ֝מִשְׁפָּטִ֗ים לְכׇל־עֲשׁוּקִֽים׃ בחטא שבין אדם לחברו18
ז. יוֹדִ֣יעַ דְּרָכָ֣יו לְמֹשֶׁ֑ה בשלוש עשרה מדות הרחמים19 לִבְנֵ֥י יִ֝שְׂרָאֵ֗ל עֲלִילוֹתָֽיו׃ ביד משה, מעשיו הנוראים2021
ח. רַח֣וּם וְחַנּ֣וּן יְהֹוָ֑ה שומר מראש, ומושיע בצעקה22 אֶ֖רֶךְ אַפַּ֣יִם ונותן ארכה23 וְרַב־חָֽסֶד׃ שאינו נפסק24
ט. לֹא־לָנֶ֥צַח יָרִ֑יב עם החוטאים, כי ישוב וירחם25 וְלֹ֖א לְעוֹלָ֣ם יִטּֽוֹר׃ כעס על השבים אליו26
י. לֹ֣א כַ֭חֲטָאֵינוּ עָ֣שָׂה לָ֑נוּ שנעשו בשוגג או בתאווה27 וְלֹ֥א כַ֝עֲוֺנֹתֵ֗ינוּ שבאו במזיד28 גָּמַ֥ל עָלֵֽינוּ׃ כפי השנאה הראויה29
יא. כִּ֤י כִגְבֹ֣הַּ שָׁ֭מַיִם עַל־הָאָ֑רֶץ שאין ביניהם ערך30 גָּבַ֥ר חַ֝סְדּ֗וֹ עַל־יְרֵאָֽיו׃ חסד גמור, לא לפי זכותם, ואף אם חטאו3132
יב. כִּרְחֹ֣ק מִ֭זְרָח מִֽמַּעֲרָ֑ב שהוא מהלך שנה33 הִֽרְחִ֥יק מִ֝מֶּ֗נּוּ בכל פעם ששבנו34 אֶת־פְּשָׁעֵֽינוּ׃ עבירה אחר עבירה35
יג. כְּרַחֵ֣ם אָ֭ב עַל־בָּנִ֑ים הקרוב אליהם, ודן אותם לכף זכות36 רִחַ֥ם יְ֝הֹוָ֗ה37 עַל־יְרֵאָֽיו׃ שנפשם חלק אלוה38
יד. כִּי־ה֭וּא יָדַ֣ע יִצְרֵ֑נוּ שמטבענו לבקש מותרות ולחטוא39 זָ֝כ֗וּר לפניו תמיד40 כִּי־עָפָ֥ר אֲנָֽחְנוּ׃41
טו. אֱ֭נוֹשׁ כֶּחָצִ֣יר יָמָ֑יו המתייבש לפני כל העשבים42 כְּצִ֥יץ הַ֝שָּׂדֶ֗ה הנובל במעט זמן43 כֵּ֣ן יָצִֽיץ׃ פריחתו הבל [ב. בילדותו44]45
טז. כִּ֤י ר֣וּחַ עָֽבְרָה־בּ֣וֹ וְאֵינֶ֑נּוּ ומת מהר46 וְלֹֽא־יַכִּירֶ֖נּוּ ע֣וֹד מְקוֹמֽוֹ׃ ואף אם יחזור, כי נשכח מלבם4748
יז. וְחֶ֤סֶד יְהֹוָ֨ה מֵעוֹלָ֣ם וְעַד־ע֭וֹלָם עַל־יְרֵאָ֑יו בעולם הזה ובבא4950 וְ֝צִדְקָת֗וֹ שמורה51 לִבְנֵ֥י בָנִֽים׃ ולא תתבטל52
יח. לְשֹׁמְרֵ֥י בְרִית֑וֹ מתוך יראה53 וּלְזֹכְרֵ֥י פִ֝קֻּדָ֗יו לַעֲשׂוֹתָֽם׃ מתוך אהבה, שלא ישכחו54
יט. יְֽהֹוָ֗ה העומד בלי שינוי55 בַּ֭שָּׁמַיִם הֵכִ֣ין כִּסְא֑וֹ ששם נקבעו חוקי הטבע56 וּ֝מַלְכוּת֗וֹ בַּכֹּ֥ל מָשָֽׁלָה׃ בעליונים ובתחתונים, גם בהשגחה57
כ. בָּרְכ֥וּ יְהֹוָ֗ה58 מַלְאָ֫כָ֥יו גִּבֹּ֣רֵי כֹ֭חַ בני השמים, שאינם גוף59 עֹשֵׂ֣י דְבָר֑וֹ רק בפקודה מיוחדת6061 לִ֝שְׁמֹ֗עַ בְּק֣וֹל דְּבָרֽוֹ׃ לא לשם שכר6263
כא. בָּרְכ֣וּ יְ֭הֹוָה כׇּל־צְבָאָ֑יו הכוכבים והגלגלים64 מְ֝שָׁרְתָ֗יו העומדים תמיד65 עֹשֵׂ֥י רְצוֹנֽוֹ׃ מבריאת העולם, בלי דיבור חדש6667
כב. בָּרְכ֤וּ יְהֹוָ֨ה כׇּֽל־מַעֲשָׂ֗יו ברואי העולם השפל68 בְּכׇל־מְקֹמ֥וֹת מֶמְשַׁלְתּ֑וֹ בים וביבשה69 בָּרְכִ֥י נַ֝פְשִׁ֗י אֶת־יְהֹוָֽה׃ פ כי האדם כולל את כולם70