האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
תפילה על אומות שנועצו להכחיד את ישראל א. נאמר על מלחמת יהושפט, כשבאו עליו בני עמון ומואב ושעיר והמון רב עמהם [המאירי, מלבי"ם] ב. נתנבא אז יחזיאל מבני אסף בקהל [מלבי"ם] ג. המזמור מדבר גם על צרות ישראל בגלויות, בבל ומדי ויון [אלשיך]
א. שִׁ֖יר מִזְמ֣וֹר לְאָסָֽף׃
ב. אֱלֹהִ֥ים אַל־דֳּמִי־לָ֑ךְ אַל־תֶּחֱרַ֖שׁ וְאַל־תִּשְׁקֹ֣ט אֵֽל׃
ג. כִּֽי־הִנֵּ֣ה א֭וֹיְבֶיךָ יֶהֱמָי֑וּן וּ֝מְשַׂנְאֶ֗יךָ נָ֣שְׂאוּ רֹֽאשׁ׃
ד. עַֽל־עַ֭מְּךָ יַעֲרִ֣ימוּ ס֑וֹד וְ֝יִתְיָעֲצ֗וּ עַל־צְפוּנֶֽיךָ׃
ה. אָמְר֗וּ לְ֭כוּ וְנַכְחִידֵ֣ם מִגּ֑וֹי וְלֹֽא־יִזָּכֵ֖ר שֵֽׁם־יִשְׂרָאֵ֣ל עֽוֹד׃
ו. כִּ֤י נוֹעֲצ֣וּ לֵ֣ב יַחְדָּ֑ו עָ֝לֶ֗יךָ בְּרִ֣ית יִכְרֹֽתוּ׃
ז. אׇהֳלֵ֣י אֱ֭דוֹם וְיִשְׁמְעֵאלִ֗ים מוֹאָ֥ב וְהַגְרִֽים׃
ח. גְּבָ֣ל וְ֭עַמּוֹן וַעֲמָלֵ֑ק פְּ֝לֶ֗שֶׁת עִם־יֹ֥שְׁבֵי צֽוֹר׃
ט. גַּם־אַ֭שּׁוּר נִלְוָ֣ה עִמָּ֑ם הָ֤יֽוּ־זְר֖וֹעַ לִבְנֵי־ל֣וֹט סֶֽלָה׃
י. עֲשֵֽׂה־לָהֶ֥ם כְּמִדְיָ֑ן כְּֽסִיסְרָ֥א כְ֝יָבִ֗ין בְּנַ֣חַל קִישֽׁוֹן׃
יא. נִשְׁמְד֥וּ בְֽעֵין־דֹּ֑אר הָ֥יוּ דֹ֝֗מֶן לָאֲדָמָֽה׃
יב. שִׁיתֵ֣מוֹ נְ֭דִיבֵימוֹ כְּעֹרֵ֣ב וְכִזְאֵ֑ב וּֽכְזֶ֥בַח וּ֝כְצַלְמֻנָּ֗ע כׇּל־נְסִיכֵֽימוֹ׃
יג. אֲשֶׁ֣ר אָ֭מְרוּ נִ֣ירְשָׁה לָּ֑נוּ אֵ֝֗ת נְא֣וֹת אֱלֹהִֽים׃
יד. אֱֽלֹהַ֗י שִׁיתֵ֥מוֹ כַגַּלְגַּ֑ל כְּ֝קַ֗שׁ לִפְנֵי־רֽוּחַ׃
טו. כְּאֵ֥שׁ תִּבְעַר־יָ֑עַר וּ֝כְלֶהָבָ֗ה תְּלַהֵ֥ט הָרִֽים׃
טז. כֵּ֭ן תִּרְדְּפֵ֣ם בְּסַעֲרֶ֑ךָ וּבְסוּפָתְךָ֥ תְבַהֲלֵֽם׃
יז. מַלֵּ֣א פְנֵיהֶ֣ם קָל֑וֹן וִיבַקְשׁ֖וּ שִׁמְךָ֣ יְהֹוָֽה׃
יח. יֵבֹ֖שׁוּ וְיִבָּהֲל֥וּ עֲדֵי־עַ֗ד וְֽיַחְפְּר֥וּ וְיֹאבֵֽדוּ׃
יט. וְֽיֵדְע֗וּ כִּי־אַתָּ֬ה שִׁמְךָ֣ יְהֹוָ֣ה לְבַדֶּ֑ךָ עֶ֝לְי֗וֹן עַל־כׇּל־הָאָֽרֶץ׃ פ
א. בימי יהושפט1 שִׁ֖יר מִזְמ֣וֹר לְאָסָֽף׃ של רנה על אבדן אויבים2
ב. אֱלֹהִ֥ים אַל־דֳּמִי־לָ֑ךְ אל תתעלם מעוולתנו3 אַל־תֶּחֱרַ֖שׁ מלענות וְאַל־תִּשְׁקֹ֣ט ומלפעול4 אֵֽל׃ כי אתה תקיף56
ג. כִּֽי־הִנֵּ֣ה א֭וֹיְבֶיךָ יֶהֱמָי֑וּן ברבים, לכלות את ישראל7 וּ֝מְשַׂנְאֶ֗יךָ נָ֣שְׂאוּ רֹֽאשׁ׃ ומתנשאים להרע8
ד. עַֽל־עַ֭מְּךָ יַעֲרִ֣ימוּ ס֑וֹד בערמה ובלחש910 וְ֝יִתְיָעֲצ֗וּ עַל־צְפוּנֶֽיךָ׃ לבטל את אמונתך ותורתך [ב. הם ישראל הצפונים בצילך11]12
ה. אָמְר֗וּ לְ֭כוּ זה לזה13 וְנַכְחִידֵ֣ם מִגּ֑וֹי מלהיות אומה וְלֹֽא־יִזָּכֵ֖ר שֵֽׁם־יִשְׂרָאֵ֣ל עֽוֹד׃ כי שם ישראל מורה על השגחה14
ו. כִּ֤י נוֹעֲצ֣וּ לֵ֣ב יַחְדָּ֑ו בלב אחד15 עָ֝לֶ֗יךָ בְּרִ֣ית יִכְרֹֽתוּ׃ להשכיח את שמך, שנקרא אלהים על ידי ישראל1617
ז. אׇהֳלֵ֣י אֱ֭דוֹם הקדמונים18 וְיִשְׁמְעֵאלִ֗ים רחוקים19 מוֹאָ֥ב שכן לארץ ישראל20 וְהַגְרִֽים׃ רחוקים21
ח. גְּבָ֣ל הגבלים וְ֭עַמּוֹן וַעֲמָלֵ֑ק פְּ֝לֶ֗שֶׁת עִם־יֹ֥שְׁבֵי צֽוֹר׃ כולם שכנים22
ט. גַּם־אַ֭שּׁוּר נִלְוָ֣ה עִמָּ֑ם אשור, שנזהר מלהתחבר לרשעים, נתחבר אליהם23 הָ֤יֽוּ ־ זְר֖וֹעַ נתנו כוח24 לִבְנֵי־ל֣וֹט סֶֽלָה׃ עמון ומואב
י. עֲשֵֽׂה־לָהֶ֥ם כְּמִדְיָ֑ן על ידי גדעון25 כְּֽסִיסְרָ֥א כְ֝יָבִ֗ין על ידי ברק26 בְּנַ֣חַל קִישֽׁוֹן׃ ששם נשטפו27
יא. נִשְׁמְד֥וּ בְֽעֵין־דֹּ֑אר לא נודע אם במלחמת גדעון היה, או של ברק28 הָ֥יוּ דֹ֝֗מֶן לָאֲדָמָֽה׃ כזבל נרמסו29
יב. שִׁיתֵ֣מוֹ נְ֭דִיבֵימוֹ30 כְּעֹרֵ֣ב וְכִזְאֵ֑ב שרי מדין31 וּֽכְזֶ֥בַח וּ֝כְצַלְמֻנָּ֗ע כׇּל־נְסִיכֵֽימוֹ׃ נסיכים ומלכים32
יג. הגוים הנזכרים למעלה, אדום וישמעאל33 אֲשֶׁ֣ר אָ֭מְרוּ נִ֣ירְשָׁה לָּ֑נוּ אֵ֝֗ת נְא֣וֹת אֱלֹהִֽים׃ בית המקדש וארץ ישראל, לגרש את ישראל34
יד. אֱֽלֹהַ֗י35 שִׁיתֵ֥מוֹ כַגַּלְגַּ֑ל קוץ השדה המתגלגל ברוח36 כְּ֝קַ֗שׁ הסובב על הארץ37 לִפְנֵי־רֽוּחַ׃ ונרדף38
טו. כְּאֵ֥שׁ תִּבְעַר־יָ֑עַר עץ שורף חברו39 וּ֝כְלֶהָבָ֗ה תְּלַהֵ֥ט הָרִֽים׃ כן ישרפו האויבים עוד40
טז. כֵּ֭ן תִּרְדְּפֵ֣ם בְּסַעֲרֶ֑ךָ ברוח אחת, ותגרשם41 וּבְסוּפָתְךָ֥ ברוח מתערבלת42 תְבַהֲלֵֽם׃ ותחזירם אחור43
יז. מַלֵּ֣א פְנֵיהֶ֣ם קָל֑וֹן תמורת גאוותם44 וִיבַקְשׁ֖וּ שִׁמְךָ֣ יְהֹוָֽה׃ כדי שיחזרו אליך [ב. פניהם של ישראל45]46
יח. יֵבֹ֖שׁוּ וְיִבָּהֲל֥וּ עֲדֵי־עַ֗ד על שקמו נגדך47 וְֽיַחְפְּר֥וּ בושה גדולה48 וְיֹאבֵֽדוּ׃ במהרה49
יט. וְֽיֵדְע֗וּ כִּי־אַתָּ֬ה שִׁמְךָ֣ יְהֹוָ֣ה לְבַדֶּ֑ךָ שאתה לבדך בעל הממשלה50 עֶ֝לְי֗וֹן ושאין עליון עליך51 עַל־כׇּל־הָאָֽרֶץ׃ פ הסיבה הראשונה לכול52