האזור המודגש הוא מיקום משוער בלבד (לפי יחס-עמודים) - לא עוגן מדויק-למילה
קטע זה נמצא בכתבי המפרש, אך המקום שאליו הוא מכוון אינו קיים במאמר הזה. אם ידוע לך היכן מקומו - סמן, ונבדוק.
הצדיקים והישרים מהללים את ה' בשיר חדש א. המזמור ממשיך את הקודם, ומבאר שה' מנהיג את עולמו בשתי הנהגות: טבעית וקבועה, והשגחה לפי מעשי בני אדם [מלבי"ם] ב. נאמר לחזק את בני הגלות המהרהרים בהנהגת העולם [אלשיך]
א. רַנְּנ֣וּ צַ֭דִּיקִים בַּֽיהֹוָ֑ה לַ֝יְשָׁרִ֗ים נָאוָ֥ה תְהִלָּֽה׃
ב. הוֹד֣וּ לַיהֹוָ֣ה בְּכִנּ֑וֹר בְּנֵ֥בֶל עָ֝שׂ֗וֹר זַמְּרוּ־לֽוֹ׃
ג. שִֽׁירוּ־ל֭וֹ שִׁ֣יר חָדָ֑שׁ הֵיטִ֥יבוּ נַ֝גֵּ֗ן בִּתְרוּעָֽה׃
ד. כִּֽי־יָשָׁ֥ר דְּבַר־יְהֹוָ֑ה וְכׇל־מַ֝עֲשֵׂ֗הוּ בֶּאֱמוּנָֽה׃
ה. אֹ֭הֵב צְדָקָ֣ה וּמִשְׁפָּ֑ט חֶ֥סֶד יְ֝הֹוָ֗ה מָלְאָ֥ה הָאָֽרֶץ׃
ו. בִּדְבַ֣ר יְ֭הֹוָה שָׁמַ֣יִם נַעֲשׂ֑וּ וּבְר֥וּחַ פִּ֝֗יו כׇּל־צְבָאָֽם׃
ז. כֹּנֵ֣ס כַּ֭נֵּד מֵ֣י הַיָּ֑ם נֹתֵ֖ן בְּאוֹצָר֣וֹת תְּהוֹמֽוֹת׃
ח. יִֽירְא֣וּ מֵ֭יְהֹוָה כׇּל־הָאָ֑רֶץ מִמֶּ֥נּוּ יָ֝ג֗וּרוּ כׇּל־יֹשְׁבֵ֥י תֵבֵֽל׃
ט. כִּ֤י ה֣וּא אָמַ֣ר וַיֶּ֑הִי הֽוּא־צִ֝וָּ֗ה וַֽיַּעֲמֹֽד׃
י. יְֽהֹוָ֗ה הֵפִ֥יר עֲצַת־גּוֹיִ֑ם הֵ֝נִ֗יא מַחְשְׁב֥וֹת עַמִּֽים׃
יא. עֲצַ֣ת יְ֭הֹוָה לְעוֹלָ֣ם תַּעֲמֹ֑ד מַחְשְׁב֥וֹת לִ֝בּ֗וֹ לְדֹ֣ר וָדֹֽר׃
יב. אַשְׁרֵ֣י הַ֭גּוֹי אֲשֶׁר־יְהֹוָ֣ה אֱלֹהָ֑יו הָעָ֓ם בָּחַ֖ר לְנַחֲלָ֣ה לֽוֹ׃
יג. מִ֭שָּׁמַיִם הִבִּ֣יט יְהֹוָ֑ה רָ֝אָ֗ה אֶֽת־כׇּל־בְּנֵ֥י הָאָדָֽם׃
יד. מִֽמְּכוֹן־שִׁבְתּ֥וֹ הִשְׁגִּ֑יחַ אֶ֖ל כׇּל־יֹשְׁבֵ֣י הָאָֽרֶץ׃
טו. הַיֹּצֵ֣ר יַ֣חַד לִבָּ֑ם הַ֝מֵּבִ֗ין אֶל־כׇּל־מַעֲשֵׂיהֶֽם׃
טז. אֵֽין־הַ֭מֶּלֶךְ נוֹשָׁ֣ע בְּרׇב־חָ֑יִל גִּ֝בּ֗וֹר לֹא־יִנָּצֵ֥ל בְּרׇב־כֹּֽחַ׃
יז. שֶׁ֣קֶר הַ֭סּוּס לִתְשׁוּעָ֑ה וּבְרֹ֥ב חֵ֝יל֗וֹ לֹ֣א יְמַלֵּֽט׃
יח. הִנֵּ֤ה עֵ֣ין יְ֭הֹוָה אֶל־יְרֵאָ֑יו לַֽמְיַחֲלִ֥ים לְחַסְדּֽוֹ׃
יט. לְהַצִּ֣יל מִמָּ֣וֶת נַפְשָׁ֑ם וּ֝לְחַיּוֹתָ֗ם בָּרָעָֽב׃
כ. נַ֭פְשֵׁנוּ חִכְּתָ֣ה לַֽיהֹוָ֑ה עֶזְרֵ֖נוּ וּמָגִנֵּ֣נוּ הֽוּא׃
כא. כִּי־ב֭וֹ יִשְׂמַ֣ח לִבֵּ֑נוּ כִּ֤י בְשֵׁ֖ם קׇדְשׁ֣וֹ בָטָֽחְנוּ׃
כב. יְהִי־חַסְדְּךָ֣ יְהֹוָ֣ה עָלֵ֑ינוּ כַּ֝אֲשֶׁ֗ר יִחַ֥לְנוּ לָֽךְ׃ פ
א. 1 רַנְּנ֣וּ צַ֭דִּיקִים בַּֽיהֹוָ֑ה ולא בדבר זולתו [ב. 'ביהוה' כמו 'ליהוה'2]3 לַ֝יְשָׁרִ֗ים המכירים את נפלאותיו4 נָאוָ֥ה תְהִלָּֽה׃5
ב. הוֹד֣וּ לַיהֹוָ֣ה על הטובה שעשה6 בְּכִנּ֑וֹר שמעורר את הנפש7 בְּנֵ֥בֶל עָ֝שׂ֗וֹר ובכלי נוסף בעל עשרה יתרים [ב. נבל של עשר נעימות8]9 זַמְּרוּ־לֽוֹ׃10
ג. שִֽׁירוּ־ל֭וֹ שִׁ֣יר חָדָ֑שׁ על כל נס חדש שהוא עושה [ב. על גדולתו שתתגלה לעתיד11]12 הֵיטִ֥יבוּ נַ֝גֵּ֗ן בִּתְרוּעָֽה׃ בקול המיה ובפרסום13
ד. כִּֽי־יָשָׁ֥ר דְּבַר־יְהֹוָ֑ה גזרותיו ומשפטיו [ב. דיבור הבריאה14]15 וְכׇל־מַ֝עֲשֵׂ֗הוּ שנעשה בדיבורו בֶּאֱמוּנָֽה׃ ואף הרעה שבגזרותיו לטובת הצדיקים16
ה. אֹ֭הֵב צְדָקָ֣ה וּמִשְׁפָּ֑ט ושיעשו כן ברואיו17 חֶ֥סֶד יְ֝הֹוָ֗ה18 מָלְאָ֥ה הָאָֽרֶץ׃ והוא הגובר על שניהם19
ו. 20 בִּדְבַ֣ר יְ֭הֹוָה שָׁמַ֣יִם נַעֲשׂ֑וּ ברצונו, בלא עמל21 וּבְר֥וּחַ פִּ֝֗יו22 כׇּל־צְבָאָֽם׃ והם המלאכים והגלגלים23
ז. כֹּנֵ֣ס כַּ֭נֵּד מֵ֣י הַיָּ֑ם ומקימם בגובה, כמו נד24 נֹתֵ֖ן בְּאוֹצָר֣וֹת תְּהוֹמֽוֹת׃ כדי שלא יציפו את הארץ25
ח. יִֽירְא֣וּ מֵ֭יְהֹוָה כׇּל־הָאָ֑רֶץ כי הוא ברא והושיב אותם26 מִמֶּ֥נּוּ יָ֝ג֗וּרוּ כׇּל־יֹשְׁבֵ֥י תֵבֵֽל׃ מפחד שיעניש אותם27
ט. כִּ֤י ה֣וּא אָמַ֣ר וַיֶּ֑הִי בחפץ וברצון28 הֽוּא־צִ֝וָּ֗ה29 וַֽיַּעֲמֹֽד׃ וקיים אותו לעד30
י. יְֽהֹוָ֗ה המנהיג את הארץ בהשגחה31 הֵפִ֥יר עֲצַת־גּוֹיִ֑ם אף אחרי שהחלה להתממש32 הֵ֝נִ֗יא מַחְשְׁב֥וֹת עַמִּֽים׃ לפני שהתממשו33
יא. עֲצַ֣ת יְ֭הֹוָה לְעוֹלָ֣ם תַּעֲמֹ֑ד בלי שינוי34 מַחְשְׁב֥וֹת לִ֝בּ֗וֹ והאמצעים להשגתה35 לְדֹ֣ר וָדֹֽר׃ משתנים מדור לדור36
יב. אַשְׁרֵ֣י הַ֭גּוֹי אֲשֶׁר־יְהֹוָ֣ה אֱלֹהָ֑יו שאינו עובד לזולתו37 הָעָ֓ם והוא ישראל38 בָּחַ֖ר לְנַחֲלָ֣ה לֽוֹ׃ שנפל לו בחלקו39
יג. מִ֭שָּׁמַיִם הִבִּ֣יט יְהֹוָ֑ה והוא יודע סתרי לב40 רָ֝אָ֗ה אֶֽת־כׇּל־בְּנֵ֥י הָאָדָֽם׃ בידיעה אחת כוללת41
יד. מִֽמְּכוֹן־שִׁבְתּ֥וֹ הִשְׁגִּ֑יחַ אֶ֖ל כׇּל־יֹשְׁבֵ֣י הָאָֽרֶץ׃ בהשגחה פרטית, איש איש לפי מעשיו42
טו. הַיֹּצֵ֣ר יַ֣חַד לִבָּ֑ם ויודע כל מחשבה בלבותיהם כולם יחד43 הַ֝מֵּבִ֗ין אֶל־כׇּל־מַעֲשֵׂיהֶֽם׃ ואין מעשיהם מחדשים לו דבר44
טז. אֵֽין־הַ֭מֶּלֶךְ נוֹשָׁ֣ע בְּרׇב־חָ֑יִל כמלך אשור, שמת צבאו בלילה אחד45 גִּ֝בּ֗וֹר לֹא־יִנָּצֵ֥ל בְּרׇב־כֹּֽחַ׃ כגלית, שנפל ביד נער46
יז. 47 שֶׁ֣קֶר הַ֭סּוּס לִתְשׁוּעָ֑ה כי כוחו מאת ה'48 וּבְרֹ֥ב חֵ֝יל֗וֹ ואף החזק ביותר, שאינו נשלט בידי בעליו49 לֹ֣א יְמַלֵּֽט׃ את רוכבו50
יח. הִנֵּ֤ה עֵ֣ין יְ֭הֹוָה אֶל־יְרֵאָ֑יו היא השגחתו51 לַֽמְיַחֲלִ֥ים לְחַסְדּֽוֹ׃ ולא על הבוטחים בחילם52
יט. לְהַצִּ֣יל מִמָּ֣וֶת נַפְשָׁ֑ם במלחמה53 וּ֝לְחַיּוֹתָ֗ם בָּרָעָֽב׃ אפילו כשהטבע מתנגד54
כ. נַ֭פְשֵׁנוּ חִכְּתָ֣ה לַֽיהֹוָ֑ה אף שהישועה לא באה מיד55 עֶזְרֵ֖נוּ מן הרעב56 וּמָגִנֵּ֣נוּ הֽוּא׃ מפני הצר57
כא. כִּי־ב֭וֹ יִשְׂמַ֣ח לִבֵּ֑נוּ כשיצילנו מן הרעות [ב. גם כשהתקווה מתעכבת58]59 כִּ֤י בְשֵׁ֖ם קׇדְשׁ֣וֹ בָטָֽחְנוּ׃ ששמו נקרא עלינו, ולכן הצילנו60
כב. יְהִי־חַסְדְּךָ֣ יְהֹוָ֣ה עָלֵ֑ינוּ בכל עת [ב. מיד, בלי המתנה61]62 כַּ֝אֲשֶׁ֗ר יִחַ֥לְנוּ לָֽךְ׃ פ במידת תקוותנו63